Езекиль 19:1 - Коми Библия 2023

¹ Сьыв израильса ӧксыяс йылысь тайӧ бӧрдӧдчанкывсӧ:

Езекиль 19:1 ပူးပေါင်းရင်းမြစ်များ

Ӧксыяслӧн 4 небӧг 23:34

Неко фараон пуктіс ӧксыӧ Иосейлысь Эляким писӧ да сетіс сылы Ехояким ним. Иохазӧс фараон нуӧдіс Египетӧ, кӧні Иохаз куліс.

Ӧксыяслӧн 4 небӧг 24:12

Сэки иудаса Еконей ӧксы аслас мамкӧд, кесйӧгъясыскӧд, веськӧдлысьясыскӧд да ыджыд чина йӧзыскӧд сетчис вавилонса ӧксылы. Навукодоносор босьтіс Еконейӧс пленӧ аслас кӧкъямысӧд веськӧдлан воӧ.

Ӧксыяслӧн 4 небӧг 24:6

Ехояким куліс да вуджис батьясыс дінӧ. Ехояким бӧрти ӧксыӧ пуксис сылӧн Еконей пиыс.

2 Каднебӧг 35:25

Еремей сьыліс Иосей йылысь бӧрдан сьыланкыв. Сьылысьяс талунъя лунӧдз сьылӧны Иосей йылысь бӧрдан сьыланкыв. Тайӧ сьыланкывсӧ пыртӧма бӧрдан сьыланкывъяс лыдӧ, Израильын ӧнӧдз сійӧс сьылӧны.

2 Каднебӧг 36:10

Во заводитчигас Навукодоносор ӧксы мӧдӧдіс ассьыс йӧзсӧ, медым вайӧдны Еконейӧс Вавилонӧ. Господьлӧн крамысь Вавилонӧ нуисны дона дозмук-кӧлуй. Иудаын да Ерусалимын юравны Навукодоносор пуктіс Еконей рӧдысь Седекейӧс.

2 Каднебӧг 36:3

Ерусалимын египетса Неко ӧксы чӧвтіс Иохазӧс юралан пуклӧсысь [да вайӧдіс сійӧс Египет муӧ]. Иуда войтырлы египетса ӧксы тшӧктіс мынтыны вот – сё талант эзысь да ӧти талант зарни.

2 Каднебӧг 36:6

Вавилонса Навукодоносор ӧксы уськӧдчис Ехояким вылӧ да дорис сійӧс чепъясӧн, медым нуӧдны Вавилонӧ.

Еремей 22:28

«Тайӧ Еконей мортыс ӧмӧй жугалӧм доз, некытчӧ туйтӧм гырнич? Мыйла нӧ сійӧс да сысянь чужысьясӧс шыбитісны налы тӧдтӧм муӧ?»

Еремей 22:30

Господь тадзи висьталӧ: Еконей йылысь гижӧй, мый сылӧн ныв-пиыс эз вӧв, став олӧм чӧжыс сылӧн нинӧм эз артмы, ӧд сысянь чужысь оз пуксьы Давидлӧн юралан пуклӧсӧ, оз кут юравны Иуда муын.

Еремей 24:1

Вавилонса Навукодоносор ӧксы нуӧдіс Ерусалимысь Вавилонӧ пленӧ иудаса Еконей ӧксыӧс, Ехоякимлысь писӧ, тшӧтш иудаса юралысьясӧс, пуысь да кӧртысь вӧчасьысьясӧс. Та бӧрти Господь петкӧдліс меным инжир тыра кык чуман, мый вӧлі пуктӧма Господьлӧн крам водзӧ.

Еремей 24:8

Господь тадзи висьталӧ: лёк инжир вотӧслы моз, мый оз позь сёйны, Ме вӧча иудаса Седекей ӧксылы, иудаса юралысьяслы да ерусалимса коляс йӧзлы, кодъяс колясны тайӧ муас либӧ овмӧдчасны Египет муӧ.

Еремей 9:1

Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Бӧрданкыв 4:20

Дзескӧдысьлӧн налькйӧ шедіс ӧксыным, Господьлӧн мавтыштӧмаыс, олӧмным да ловшыным. А ми чайтім, мый сылӧн сайӧд улын олам войтыръяс пӧвстын.

Бӧрданкыв 5:12

Юралысьяснымӧс найӧ ӧшӧдісны, пӧрысьясӧс пыдди оз пуктыны.

Езекиль 19:14

Сылӧн пучӧрысь ыпнитіс би, кутчысис вожъясас, ньылыштіс вотӧссӧ. Ён вожъясысь нинӧм эз коль, медым юралан бедь вӧчны. Тайӧ – бӧрдӧдчанкыв, сійӧс сьылӧны шог дырйи.

Езекиль 19:2

– Энь левъясысь тэнад мамыд вӧлі медбур, сійӧ куйліс левъяс пӧвстын, пиянсӧ быдтіс том левъяскӧд.

Езекиль 2:10

Ме водзын Сійӧ разис гижӧдсӧ, кӧні кыкнанладорас вӧлі гижӧма горзӧмъяс да шогсьӧм-бӧрдӧмъяс.

Езекиль 26:17

Тэ йылысь кутасны сьывны татшӧм бӧрдӧдчанкыв: Саридз вывті ветлысьяслӧн кар, тэнӧ бырӧдӧма. Тэ вӧлін нималана кар, саридз вывті ветлӧмсӧ аслад киын кутін, тэнад олысьясысь быдлаын полісны.

Езекиль 27:2

«Морт пиӧй, сьыв Тир йылысь бӧрдӧдчанкыв.

Езекиль 27:32

Тэ вӧсна ойзӧны-бӧрдӧны, тэ йылысь сьылӧны татшӧм бӧрдӧдчанкыв: – Некутшӧм кар он ӧткодяв Тиркӧд, кодӧс бырӧдӧма саридз шӧрын.

Езекиль 28:12

«Морт пиӧй, бӧрд тирса ӧксы вӧсна. Шу сылы, мый Господь Ыджыдыс тадзи висьталӧ: тэ вӧлін тыр-бур, зэв мывкыд да вывті мича.

Езекиль 32:16

Татшӧм бӧрдӧдчанкыв Египет му йылысь да египетса уна лыда войтыр йылысь кутасны сьывны мукӧд войтыръясысь нывъяс, – висьталӧ Господь Ыджыдыс».

Езекиль 32:18

«Морт пиӧй, ырзӧмӧн бӧрд египетса уна лыда войтыр вӧсна. Колльӧд найӧс да мукӧд вына войтыръясӧс, кодъяс мунасны му пыдӧсас, кулӧмаяс дінӧ.

Езекиль 32:2

«Морт пиӧй, сьыв фараон йылысь, египетса ӧксы йылысь, бӧрдӧдчанкыв. Шу сылы: – Войтыръяс пӧвстын тэ том лев, саридзын олысь гундыр. Быгзьӧдан юястӧ, ва пыдӧссӧ талялан, визув васӧ гудыртан.

Амос 5:1

Кывзӧй, Израиль войтыр, тіян йылысь сьыла тайӧ бӧрдӧдчанкывсӧ.