Езекиль 18:7 - Коми Библия 2023

⁷ Сійӧ некодӧс оз дзескӧд, а бӧр сетӧ, мый босьтліс уджйӧзӧн сетӧмсьыс. Сійӧ оз мырддяв, а тшыгъялысьӧс вердӧ да пасьтӧмӧс пасьтӧдӧ.

Езекиль 18:7 ပူးပေါင်းရင်းမြစ်များ

Неемий 5:10

Аслам вокъяскӧд да кесйӧгъяскӧд ме тшӧтш водзӧсӧн сета сьӧм да нянь, но содтӧдӧн бӧрсӧ ми огӧ босьтӧй.

Иов 22:6

Вокъяслы уджйӧзӧн сетӧмсьыд тэ босьтлін налысь коланаторсӧ, гӧльяслысь пӧрччӧдлін бӧръя паськӧмсӧ.

Иов 24:3

Батьтӧм-мамтӧмлысь мырддьӧны осёлсӧ, дӧвалы уджйӧзӧн сетӧмысь босьтӧны сылысь ӧшсӧ.

Иов 24:9

Ентӧг олысьяс торйӧдӧны батьтӧг кольӧм кагаӧс мам морӧс бердысь, гӧльлы уджйӧзӧн сетӧмысь босьтӧны сылысь кагасӧ.

Псалтыр 112:4

Господь – став войтыръяс вылын Ыджыдыс, Сылӧн дзирдлуныс кыптӧ енэжъясысь вылӧджык на.

Псалтыр 112:9

Кага вайтӧм аньлы Сійӧ сетӧ оланін да челядь, и сійӧ лоас шуда мамӧн. Аллилуйя!

Псалтыр 41:1

Сьылысьясӧн веськӧдлысьлы. Корей пиянлӧн сьыланкыв.

Петӧм 22:25

Менам войтырысь гӧль мортлы кӧ уджйӧзӧн сетан сьӧм, бӧрсӧ сылысь содтӧдӧн эн босьт.

Петӧм 22:26

Уджйӧзӧн сетӧмсьыд кӧ босьтан матыссаыдлысь паськӧмсӧ, шонді пуксьытӧдзыс сылы паськӧмсӧ бӧр сет.

Петӧм 23:9

Эн [ӧтдорт да эн] дзескӧд йӧз муысь локтысьӧс. Ті ӧд асьныд тӧдлінныд татшӧм олӧмсӧ, кор локтысьясӧн вӧлінныд Египет муын».

Шусьӧгъяс 14:31

Коді дзескӧдӧ коньӧрӧс – омӧльтӧ сійӧс Вӧчысьӧс, коді бурӧ пуктӧ Енсӧ – отсалӧ гӧльяслы.

Шусьӧгъяс 28:27

Гӧльлы сетысь оз гӧльмы, а коді оз отсав гӧльлы, сійӧс ёрӧм суас.

Шусьӧгъяс 28:8

Уджйӧзалысь содтӧдӧн босьтысь чукӧртӧ сылы, коді отсалӧ гӧльяслы.

Шусьӧгъяс 3:31

Эн вежав лёк вӧчысьлы, сылысь туйсӧ эн бӧрйы.

Исай 1:17

велӧдчӧй вӧчны бурсӧ! Зільӧй вӧчны веськыда, отсалӧй увтыртӧмалы, дорйӧй батьтӧм-мамтӧмӧс, сувтӧй дӧва дор.

Исай 33:15

Сійӧ, коді олӧ веськыда да висьталӧ збыльсӧ, коді оз кӧсйы озырмӧдчыны мукӧдсӧ дзескӧдӧмӧн, коді оз босьт козин, а мыждӧ веськыда, коді оз кӧсйы ӧтувтчыны вир кисьтысьяскӧд, коді мустӧмтӧ лёк вӧчысьяслысь уджъяссӧ.

Исай 5:7

Господь Саваофлӧн виноград йӧрыс – Израиль войтыр. Иуда войтыр – Сылӧн муса быдтасыс. Сійӧ кӧсйис аддзыны веськыда вӧчӧм, но аддзис вир кисьтӧм. Кӧсйис аддзыны веськыда олӧм, но аддзис бӧрдӧм-ойзӧм.

Еремей 22:3

Господь тадзи висьталӧ: олӧй веськыда да мыждӧй збыльыс серти, увтыртӧмаӧс мездӧй дзескӧдысьлӧн киысь. Йӧз муысь локтысьӧс, батьтӧм-мамтӧмӧс да дӧваӧс энӧ увтыртӧй да энӧ дзескӧдӧй, мыжтӧм мортлысь вирсӧ тайӧ муас энӧ кисьтӧй.

Езекиль 16:49

Со татшӧм вӧлі Содом чойыдлӧн мыжыс. Содом да сылӧн нывъясыс вӧліны тшапӧсь, найӧ лышкыда да кокньыда олісны, эз отсасьны гӧльяслы да коньӧръяслы.

Езекиль 18:12

гӧльӧс да коньӧрӧс дзескӧдӧ, бӧр оз сет, мый босьтіс уджйӧзӧн сетӧмсьыс, мӧдлысь мырддялӧ, идолъяслы юрбитӧ, зывӧксӧ вӧчӧ,

Езекиль 18:16

некодӧс оз дзескӧд, а бӧр сетӧ, мый босьтліс уджйӧзӧн сетӧмсьыс, сійӧ оз мырддяв, а тшыгъялысьӧс вердӧ да пасьтӧмӧс пасьтӧдӧ,

Езекиль 18:18

Но батьыс аслас мыж вӧсна кулас, ӧд чорыда дзескӧдіс мӧдъясӧс, мырддяліс матыссаыслысь, аслас войтыр пӧвстын вӧчис лёксӧ.

Езекиль 33:15

бӧр сетас, мый босьтліс уджйӧзӧн сетӧмсьыс, вештысяс гусясьӧмсьыс, пондас овны олӧм вайысь индӧд-тшӧктӧмъяс серти да дугдас вӧчны лёксӧ, сійӧ оз кув, а кутас овны.

Езекиль 7:23

Найӧ вайӧдасны Израиль войтырӧс шызьӧмӧдз, ӧд муыс тырас вир кисьтӧмӧн, юркарын паськалас виалӧм-дзескӧдӧм.

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Левит 19:13

Некодӧс эн дзескӧд, некодлысь эн мырддяв. Медалӧм мортлысь удждонсӧ ас дінад асылӧдзыс эн кут.

Левит 19:15

Ёрд вылын ло веськыд. Мыжды веськыда, эн видзӧд чужӧм вылӧ. Гӧль и озыр морт мед лоӧны тэныд ӧткодьӧсь.

Левит 25:14

Аслад войтырысь мортлы мутӧ вузалігӧн либӧ сылысь мусӧ ньӧбигӧн ӧта-мӧднытӧ энӧ пӧръялӧй.

Амос 2:6

Господь тадзи висьталӧ: Израиль войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд вузалӧны веськыда олысьӧс эзысь сьӧмысь, гӧльӧс – кӧмкот гозйысь.

Амос 2:8

Уджйӧзӧн сетӧмысь коньӧръяслысь босьтӧны паськӧм, сы вылын куйлӧны быд висьпуктанін дорын, юрбитанінын юӧны мыжалӧм йӧзлысь перйӧм винасӧ.

Амос 3:10

Дзескӧдӧмӧн да мырддялӧмӧн найӧ чукӧртӧны озырлун асланыс ыджыд керкаясӧ, веськыда вӧчны найӧ оз кужны, – висьталӧ Господь. –

Амос 6:3

Ті кӧсъянныд ылыстны сійӧ лунсӧ, кор лёкыс суас тіянӧс, но ті асланыд виалӧм-дзескӧдӧмӧн матыстанныд сійӧс.

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Микей 3:2

Но ті мустӧмтанныд бурсӧ, а лёксӧ радейтанныд. Ті йӧзыслысь кучиксӧ кулянныд, лы вылас весиг яйсӧ онӧ кольӧй.

Софоний 1:9

Ме мыжда сійӧ лунӧ быдӧнӧс, коді воськовтігас полӧ тувччыны тагӧс вылӧ, коді ыджыдыслысь керкасӧ тыртӧ виалӧм-дзескӧдӧмӧн да ылӧгӧн.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Лука 3:11

Сійӧ вочавидзис: «Тэнад кӧ кык дӧрӧм, ӧтисӧ сет, кодлӧн абу. Тэнад кӧ эм сёян, тшӧтш тадзи вӧч».

Индӧд 24:17

Йӧз муысь локтысьлысь да батьтӧм-мамтӧмлысь [да дӧвалысь] могъяссӧ видлалігӧн лоӧй веськыдӧсь. Дӧвалысь паськӧмсӧ уджйӧзӧн сетӧмсьыныд энӧ босьтӧй.