Езекиль 18:4 - Коми Библия 2023

⁴ Став йӧзыс Менам киын. Батьыслӧн и пиыслӧн олӧмыс – Менам киын. Коді мыжсӧ вӧчис, сійӧ и кулас.

Езекиль 18:4 ပူးပေါင်းရင်းမြစ်များ

Ӧксыяслӧн 4 небӧг 14:6

Но налысь челядьсӧ эз ви, а вӧчис Господьлӧн тшӧктӧм серти, кыдзи гижӧма Мӧисей Индӧдын: «Пиыслӧн мыж вӧсна батьсӧ оз ков вины, и батьыслӧн мыж вӧсна писӧ оз ков вины. Быдӧнӧс аслас мыж вӧсна мед лоӧ мыждӧма кулӧм вылӧ».

Иов 21:20

Лёк вӧчысь мед аслас синмӧн аддзылас шогсӧ, олігас мед ачыс юас Ставсӧвермысьлысь скӧрлунсӧ.

Иов 8:4

Тэнад пияныд кӧ мыж вӧчисны Сылы паныд, Сійӧ мынтысис налы мыжныс серти.

Исай 42:5

Господь Ен вӧчис енэжсӧ да шевкнитіс сійӧс, вӧчис му да ставсӧ, мый сэні быдмӧ. Мувывса войтырлы Сійӧ сетӧ олӧм, мувывса йӧзлы – ловшы. Сійӧ тадзи висьталӧ:

Исай 57:16

Ме ог кут помтӧг мыждыны, ог кут пыр скӧравны, ӧд тадзи кӧ кута вӧчны, сэки Ме водзын дзикӧдз нюкыртчас мортлӧн лолыс, нюкыртчас Меӧн вӧчӧм ловъя олысь.

Еремей 31:30

Быдӧн кулас аслас мыж вӧсна. Коді сёяс кисьмытӧм виноград, сылӧн и пиньясыс кутасны ёнтыны.

Езекиль 18:20

Кулас сӧмын мыж вӧчысьыс. Пиыс оз кывкут батьыслӧн мыж вӧсна, и батьыс пиыслӧн мыж вӧсна оз кывкут. Енмыс мынтысяс веськыда олысьлы сылӧн веськыдлуныс серти, а лёк вӧчысьлы – сылӧн лёклуныс серти.

Езекиль 18:3

Ме Ачым кыв сетӧмӧн шуа, – висьталӧ Господь Ыджыдыс, – мый тайӧ шусьӧгсӧ Израильын дугдасны дольны.

Езекиль 18:5

Веськыда да Индӧд серти олысь морт

Езекиль 3:18

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс да ловйӧн коляс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Езекиль 33:8

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Закар 12:1

Водзвыв висьталӧм. Израиль йылысь Господьлӧн кыв. Господь, коді шевкнитіс енэжсӧ, пуктіс мулы подувсӧ да артмӧдіс морт пытшкын ловсӧ, висьталӧ:

Лыд 16:22

Но Мӧисей да Аарон кымынь уськӧдчисны муас да шуисны: «Енмӧй, Тэ став ловъя олысьыслӧн Ен! Тэ ӧмӧй став войтырыс вылӧ скӧрман ӧти мортлӧн мыж вӧсна?»

Лыд 27:16

«Господьӧй, Тэ став ловъя олысьыслӧн Ен! Инды тайӧ войтырыслы веськӧдлысьӧс,

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

Галатӧ 3:22

Гижӧдыс йӧртіс ставнысӧ мыж улас. Та вӧсна кӧсйысьӧмасӧ эскысьяс вермасны босьтны Исус Кристослы эскӧм пыр.

Индӧд 24:16

Пиыслӧн мыж вӧсна батьсӧ оз ков вины, и батьыслӧн мыж вӧсна писӧ оз ков вины. Быдӧнӧс аслас мыж вӧсна мед лоӧ мыждӧма кулӧм вылӧ.

Еврейяслы 12:9

Мувывса батьяс миянӧс ставнымӧс чирыштлісны, но ми найӧс пыдди пуктім. Сідзкӧ, кымын пӧв ёнджыка на колӧ кывзысьны енэжвыв Батьлысь, медым овны.