Езекиль 18:17 - Коми Библия 2023

¹⁷ гӧльӧс оз дзескӧд, и сетӧ кӧ уджйӧзӧн, бӧрсӧ содтӧдӧн оз босьт. Татшӧм мортыс олӧ Менам индӧд-тшӧктӧмъяс серти. Сійӧ овны кутас, и батьыслӧн мыж вӧсна сылы оз ков кувны.

Езекиль 18:17 ပူးပေါင်းရင်းမြစ်များ

Иов 29:16

коньӧръяслы ме вӧлі батьӧн, тӧдтӧм йӧзӧс ме дорйылі ёрд водзын,

Псалтыр 119:1

Аслам шог дырйи ме шыася Господь дінӧ, и Сійӧ вочавидзас меным.

Псалтыр 119:3

Ылӧг вома мортӧй, мыйӧн лоӧ мынтысьӧма тэныд?

Шусьӧгъяс 14:31

Коді дзескӧдӧ коньӧрӧс – омӧльтӧ сійӧс Вӧчысьӧс, коді бурӧ пуктӧ Енсӧ – отсалӧ гӧльяслы.

Шусьӧгъяс 29:14

Ӧксы кӧ гӧльясӧс веськыда мыждӧ, сылӧн пуклӧсыс нэмсӧ зумыд лоас.

Шусьӧгъяс 29:7

Веськыда олысьыд гӧль мортлысь ёрдӧ вайӧм венсӧ тӧдмалӧ-туялӧ, а лёк вӧчысьлы тайӧ веськодь.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Еремей 22:16

Сійӧ дорйис гӧльясӧс да коньӧръясӧс, та вӧсна сылы вӧлі бур. Тадзи вӧчысь тӧдӧ Менӧ, – висьталӧ Господь. –

Езекиль 18:13

уджйӧзӧн сетӧ, а бӧрсӧ содтӧдӧн босьтӧ. Татшӧм мортыс кутас ӧмӧй овны? Оз. Сійӧ оз кут овны. Татшӧм зывӧк ужъяссӧ вӧчысь кулас, сійӧ ачыс лоӧ мыжа аслас кулӧмысь.

Езекиль 18:18

Но батьыс аслас мыж вӧсна кулас, ӧд чорыда дзескӧдіс мӧдъясӧс, мырддяліс матыссаыслысь, аслас войтыр пӧвстын вӧчис лёксӧ.

Езекиль 18:28

Сійӧ кӧ бергӧдчас аслас мыжысь, сійӧ оз кув, а кутас овны.

Езекиль 20:18

Овтӧминын Ме шуи налӧн ныв-пилы: батьясныдлӧн кок туйӧд энӧ мунӧй, налӧн тшӧктӧмъяс серти энӧ олӧй да налӧн идолъясӧн асьнытӧ энӧ пежалӧй.

Езекиль 20:30

Шу Израиль войтырлы, мый Господь Ыджыдыс тадзи висьталӧ: батьясныд моз ті пежаланныд асьнытӧ. Ті сетчинныд батьясныдлӧн зывӧк идолъяслы – тайӧ лоӧ сійӧ жӧ, мый кырсалӧм.

Езекиль 3:21

Но тэ кӧ ӧлӧдан веськыда олысьӧс, медым сійӧ мыжсӧ эз вӧч, и сійӧ оз вӧч мыжсӧ, сэки ловйӧн коляс, ӧд кывзіс ӧлӧдӧмсӧ. Тэ тшӧтш мездан ассьыд олӧмтӧ».

Езекиль 33:13

Кор Ме шуа веськыда олысьлы, мый сійӧ кутас овны, но сылӧн лачанас лоӧ аслас веськыдлуныс, и сійӧ пондас вӧчны лёксӧ, сэки сылысь веськыдлунсӧ лоӧ вунӧдӧма. Аслас лёк вӧчӧм вӧсна сійӧ кулас.

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Левит 18:26

Но ті олӧй Менам индӧд-тшӧктӧмъяс серти, энӧ вӧчӧй тайӧ зывӧкторъяссӧ, ни вужвойтыр, ни йӧз муысь локтысьяс.

Левит 18:30

Олӧй Менам тшӧктӧмъяс серти, а энӧ тіянӧдз олысьяслӧн зывӧк оласног серти. Энӧ пежалӧй асьнытӧ налӧн кодь оласногӧн. Ме – Господь, тіян Енныд».

Левит 18:4

Олӧй Менам индӧд-тшӧктӧмъяс серти. Ме – Господь, тіян Енныд.

Малакий 3:7

Батьясныдлӧн кадсянь ті бергӧдчанныд Менам тшӧктӧмъясысь, онӧ олӧй на серти. Ӧні бӧр бергӧдчӧй Ме дінӧ, и Ме бергӧдча тіян дінӧ, – висьталӧ Господь Саваоф. – Но ті юаланныд, мыйла пӧ миянлы колӧ бӧрсӧ бергӧдчыны.

Лука 19:8

Заккей сувтіс да шуис: «Господьӧй, овмӧслысь джынсӧ сета гӧльяслы, а кодлысь ылӧдлӧмӧн босьті, сылы нёль пӧвстӧн бӧр бергӧда».

Римӧ 2:7

Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.