Езекиль 18:12 - Коми Библия 2023

¹² гӧльӧс да коньӧрӧс дзескӧдӧ, бӧр оз сет, мый босьтіс уджйӧзӧн сетӧмсьыс, мӧдлысь мырддялӧ, идолъяслы юрбитӧ, зывӧксӧ вӧчӧ,

Езекиль 18:12 ပူးပေါင်းရင်းမြစ်များ

Ӧксыяслӧн 4 небӧг 21:11

«Иудаса Манассей ӧксы вӧчис пежсӧ. Сыӧдз олысь аморей войтыр дорысь сійӧ лёксӧ вӧчис унджык на. Аслас идолъяслы юрбитӧмӧн сійӧ кежӧдіс тшӧтш Иуда войтырӧс мыжас.

Ӧксыяслӧн 4 небӧг 23:13

Ӧксы пежаліс вись ваян мылькъяс, кодъяс сулалісны Ерусалимсянь асыввылын, Бырӧдӧмлӧн керӧссянь лунвылын. Найӧс коркӧ вӧчліс израильса Соломон ӧксы, мед юрбитны сидонсаяслӧн зывӧк Астарта идоллы, моавсаяслӧн зывӧк Кемош идоллы да аммон войтырлӧн зывӧк Милком идоллы.

Исай 3:14

Господь кутас мыждыны Аслас войтырлысь юрнуӧдысьясӧс да веськӧдлысьясӧс: – Ті куштінныд виноград йӧр, гӧльяслысь мырддялӧм эмбурнас тыртінныд керкаяснытӧ.

Еремей 22:17

Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Еремей 22:3

Господь тадзи висьталӧ: олӧй веськыда да мыждӧй збыльыс серти, увтыртӧмаӧс мездӧй дзескӧдысьлӧн киысь. Йӧз муысь локтысьӧс, батьтӧм-мамтӧмӧс да дӧваӧс энӧ увтыртӧй да энӧ дзескӧдӧй, мыжтӧм мортлысь вирсӧ тайӧ муас энӧ кисьтӧй.

Езекиль 16:49

Со татшӧм вӧлі Содом чойыдлӧн мыжыс. Содом да сылӧн нывъясыс вӧліны тшапӧсь, найӧ лышкыда да кокньыда олісны, эз отсасьны гӧльяслы да коньӧръяслы.

Езекиль 18:16

некодӧс оз дзескӧд, а бӧр сетӧ, мый босьтліс уджйӧзӧн сетӧмсьыс, сійӧ оз мырддяв, а тшыгъялысьӧс вердӧ да пасьтӧмӧс пасьтӧдӧ,

Езекиль 33:25

Та вӧсна шу налы, мый Господь Ыджыдыс тадзи висьталӧ: ті сёянныд яйсӧ вирнас, юрбитанныд идолъясныдлы да вир кисьтанныд. Тіян-ӧ тайӧ муыс?

Езекиль 7:23

Найӧ вайӧдасны Израиль войтырӧс шызьӧмӧдз, ӧд муыс тырас вир кисьтӧмӧн, юркарын паськалас виалӧм-дзескӧдӧм.

Езекиль 8:17

Сійӧ шуис меным: «Аддзан-ӧ, морт пиӧй? Иуда войтырлы оз ӧмӧй тырмы зывӧк вӧчӧмыс? Виалӧм-дзескӧдӧмнас найӧ тыртісны мусӧ да ӧтарӧ скӧрмӧдӧны Менӧ, кор Меным ныр улӧ пуктӧны пу вожъяс.

Езекиль 8:6

Господь шуис меным: «Морт пиӧй, аддзан-ӧ, мый вӧчӧ Израиль войтыр? Найӧ вӧчӧны зывӧксӧ, та вӧсна Ме эновта Ассьым вежаинӧс. Видзӧд, и унджык на аддзан зывӧксӧ».

Осий 12:7

Ефрем – ылӧг вески кутысь ханаанса кодь, сійӧ радейтӧ дзескӧдны.

Левит 18:22

Айловкӧд эн узьлы анькӧд моз. Тадзи вӧчӧмыс – зывӧк.

Амос 4:1

Кывзӧй, ті, васанса мӧсъяс, Самария керӧс вылын олысь аньяс! Ті дзескӧданныд гӧльясӧс, топӧданныд коньӧръясӧс, верӧсныдлы тшӧктанныд: «Вай юны!»

Закар 7:10

Дӧваясӧс да батьтӧм-мамтӧмъясӧс, йӧз муысь локтысьясӧс да гӧльясӧс энӧ дзескӧдӧй, ӧта-мӧдныдлы лёксӧ вӧчны энӧ мӧвпалӧй.

Яков 2:6

Но ті увтыртанныд гӧльясӧс. Оз ӧмӧй озыръяс дзескӧдны тіянӧс да кыскыны тіянӧс ёрдӧ?