Езекиль 17:7 - Коми Библия 2023

⁷ Но сэні вӧлі мӧд ыджыд кутш, сійӧ вӧлі ыджыд бордъяса да пашкыр гӧна. Виноград пу ассьыс вужсӧ сылань веськӧдіс, тшӧтш вожъяссӧ сылань нюжӧдіс, медым тайӧ кутшыс киськалас сійӧс.

Езекиль 17:7 ပူးပေါင်းရင်းမြစ်များ

Ӧксыяслӧн 4 небӧг 24:20

Иуда муын да Ерусалим карын олысьяс вылӧ Господьлӧн скӧрлуныс вӧлі сэтшӧм ыджыд, мый вӧтліс найӧс Аслас чужӧмбан водзысь. Седекей кыпӧдчис вавилонса ӧксылы паныд.

2 Каднебӧг 26:13

Налӧн веськӧдлӧм улын вӧліны куимсё сизим сюрс витсё тышкаморт, кодъяс вӧліны вына тышкасьысьяс, ӧксы вӧсна найӧ дасьӧсь вӧліны петны вӧрӧглы паныд.

Езекиль 17:15

Но иудаса ӧксы кыпӧдчис вавилонса ӧксылы паныд. Сійӧ мӧдӧдіс ассьыс йӧзсӧ Египетӧ, медым найӧ ваясны сэтысь вӧвъясӧс да уна лыда тышкайӧзӧс. Но лоӧ-ӧ сылы бур? Сёрнитчӧмсӧ торкысь морт оз пышйы мыждӧмысь.

Езекиль 17:6

Кӧйдысысь быдмис виноград пу, пашкыр, но ляпкыд. Сылӧн вожъясыс нюжӧдчисны кутшлань, вужйыс вӧлі му пытшкас. Виноград пу быдмис-туис, петасъясыс паськалісны.

Езекиль 17:8

Виноградсӧ вӧлі пуктӧма бур муӧ, ыджыд ва бокӧ, медым сійӧ выль вож сетас да уна вотӧс ваяс, медым бур виноград пуӧн лоас.

Езекиль 31:4

Сус пусӧ ва юкталіс, мупытшса ва быдтіс сійӧс. Визувтысь ва кытшаліс сылысь быдманінсӧ, ваыс вичмывліс тшӧтш мукӧд пуяслы.