Езекиль 17:4 - Коми Библия 2023

⁴ нетшыштіс медвылыс петассӧ, лэбӧдіс сійӧс Ханаан муӧ, пуктіс вузасьысьяслӧн карӧ.

Езекиль 17:4 ပူးပေါင်းရင်းမြစ်များ

Ӧксыяслӧн 4 небӧг 24:12

Сэки иудаса Еконей ӧксы аслас мамкӧд, кесйӧгъясыскӧд, веськӧдлысьясыскӧд да ыджыд чина йӧзыскӧд сетчис вавилонса ӧксылы. Навукодоносор босьтіс Еконейӧс пленӧ аслас кӧкъямысӧд веськӧдлан воӧ.

Исай 43:14

Господь, тіянӧс Мездысь, Израильлӧн вежа Ен, тадзи висьталӧ: – Тіян вӧсна Ме мӧдӧда Вавилонӧ тышкайӧзӧс, медым жугӧдны сэні став игансӧ. Калдея войтыр пышъясны корабльяс вылын, кӧні водзынджык гажӧдчисны.

Исай 47:15

Татшӧмӧсь найӧ, кодъяскӧд тэ уджалін, кодъяскӧд том кадсяньыд тэ вузасин-ньӧбасин. Найӧ быдӧн мунісны асланыс туйӧд, некод оз мезды тэнӧ.

Еремей 24:1

Вавилонса Навукодоносор ӧксы нуӧдіс Ерусалимысь Вавилонӧ пленӧ иудаса Еконей ӧксыӧс, Ехоякимлысь писӧ, тшӧтш иудаса юралысьясӧс, пуысь да кӧртысь вӧчасьысьясӧс. Та бӧрти Господь петкӧдліс меным инжир тыра кык чуман, мый вӧлі пуктӧма Господьлӧн крам водзӧ.

Еремей 51:13

Вавилон, тэ олан уна ва дорын, тэнад эм уна озырлун, но регыд тэныд воас пом, воас пом тэнад горшасьӧмлы.

Езекиль 17:3

Шу налы: – Господь Ыджыдыс тадзи висьталӧ: Ливан керӧс вылӧ ыджыд кутш пуксис, сійӧ вӧлі ыджыд бордъяса, уна рӧма гӧныс вӧлі пашкыр да кузь. Сійӧ чегис сус пулысь йывсӧ,

Езекиль 17:5

Кутш босьтіс сэтчӧс муысь кӧйдыс, кӧдзис сійӧс бур муӧ, баддьӧс моз пуктіс ыджыд ва бокӧ.

Езекиль 31:3

Ассуркӧд. Сійӧ коркӧ вӧлі ливанса сус пу кодь, мича вожъяса джуджыд пу, вуджӧрнас сайӧдысь, туганнас быдмис мукӧд пуясысь вылӧджык.

Восьтӧм 18:3

Мувывса ӧксыяс кырсалісны сыкӧд, а вузасьысьяс озырмисны сылӧн лышкыдлунысь.