Езекиль 17:18 - Коми Библия 2023

¹⁸ Иудаса ӧксы нинӧмӧ пуктіс кыв сетӧмсӧ да торкис вавилонса ӧксыкӧд сёрнитчӧмсӧ, мый ки сетӧмӧн вынсьӧдіс. Та вӧсна сійӧ оз пышйы мыждӧмысь.

Езекиль 17:18 ပူးပေါင်းရင်းမြစ်များ

Ӧксыяслӧн 4 небӧг 10:15

Еху водзӧ муніс да паныдасис Рекавлӧн Ионадав пикӧд. Чолӧмасигас Еху шуис сылы: «Менам сьӧлӧмӧй восьса тэныд, а тэнад?» Ионадав вочавидзис: «Менам сьӧлӧмӧй тшӧтш восьса тэныд». «Тадзи кӧ, вай меным китӧ», – шуис Еху. Ионадав мыччис кисӧ, а Еху отсаліс сылы кайны аслас тарантасӧ.

1 Каднебӧг 29:24

Став веськӧдлысьыс и тышкайӧзыс, тшӧтш Давид ӧксылӧн став пияныс кӧсйысисны кывзысьны Соломон ӧксылысь.

2 Каднебӧг 30:8

Ӧні батьясныд моз энӧ асныралӧй. Сетчӧй Господьлы да локтӧй Сылӧн крамӧ, кодӧс Сійӧ вежӧдіс пыр кежлӧ. Кесъялӧй Господьлы, асланыд Енлы, и Сійӧ вештас тіян вылысь Ассьыс ыпъялан скӧрлунсӧ.

Еклесиаст 8:2

Вӧч ӧксылӧн шуӧм серти, ӧд тэ кыв сетін Ен водзын.

Бӧрданкыв 5:6

Египетлысь ми корим отсӧг, Ассурлысь корим нянь.

Езекиль 17:15

Но иудаса ӧксы кыпӧдчис вавилонса ӧксылы паныд. Сійӧ мӧдӧдіс ассьыс йӧзсӧ Египетӧ, медым найӧ ваясны сэтысь вӧвъясӧс да уна лыда тышкайӧзӧс. Но лоӧ-ӧ сылы бур? Сёрнитчӧмсӧ торкысь морт оз пышйы мыждӧмысь.

Езекиль 17:16

Ме Ачым кыв сетӧмӧн шуа, – висьталӧ Господь Ыджыдыс, – мый сійӧ кулас вавилонса ӧксылӧн муын. Ӧд та вылӧ видзӧдтӧг, мый вавилонса ӧксы пуктіс сійӧс Иудалӧн коляс войтырлы ӧксыӧ, сійӧ торкис кыв сетӧмсӧ да вавилонса ӧксыкӧд сёрнитчӧмсӧ.

Езекиль 17:19

Господь Ыджыдыс тадзи висьталӧ: Ме Ачым кыв сетӧмӧн шуа, мый мынтыся сылы уджъясыс серти. Ӧд Ме водзын сетӧм кывсӧ сійӧ нинӧмӧ пуктіс да Ме водзын вынсьӧдӧм сёрнитчӧмсӧ торкис.

Езекиль 21:23

Ерусалимын олысьяс нинӧмӧ пуктӧны тайӧ тунасьӧмсӧ. Но вавилонса ӧксылы тӧд вылас усяс, мый Ерусалимын олысьяс торкисны кыв сетӧмнысӧ, и сійӧ босьтас найӧс пленӧ.