Езекиль 17:17 - Коми Библия 2023

¹⁷ Кор вавилонсаяс лэптасны Ерусалим кар гӧгӧр тымӧдъяс, медым бырӧдны уна йӧзӧс, фараон аслас уна да вына тышкайӧзыскӧд оз отсав сылы тышын.

Езекиль 17:17 ပူးပေါင်းရင်းမြစ်များ

Исай 36:6

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.

Еремей 33:5

Тайӧ карас олысьяс петасны тышкасьны калдеяса тышкайӧзкӧд, но налӧн керкаясныс тырасны шойясӧн. Ӧд Ме бергӧді Ассьым чужӧмӧс тайӧ карас олысьясысь налӧн лёк вӧчӧмныс вӧсна, Ме пасьварта найӧс Аслам скӧрлунӧн да ярлунӧн.

Еремей 37:5

Сійӧ кадас фараонлӧн тышкайӧзыс петісны Египетысь. Калдеяса тышкайӧз, кодъяс кытшалісны Ерусалим, кылісны та йылысь да ылыстчисны Ерусалим дорысь.

Еремей 37:7

«Господь, Израильлӧн Ен, тадзи висьталӧ: иудаса ӧксылы, коді мӧдӧдіс юавны Менсьым, висьталӧй, мый фараонлӧн тышкайӧзыс, кодъяс вӧлі локтӧны тіянлы отсӧг вылӧ, бӧр бергӧдчасны асланыс муӧ, Египетӧ.

Еремей 52:4

Та вӧсна Седекейлӧн ӧкмысӧд веськӧдлан воӧ дасӧд тӧлысьлӧн дасӧд лунӧ вавилонса Навукодоносор ӧксы аслас тышкайӧзкӧд уськӧдчис Ерусалим кар вылӧ. Найӧ кытшалісны карсӧ да лэптісны сы гӧгӧр тымӧд.

Бӧрданкыв 4:17

Весьшӧрӧ отсӧгсӧ виччысигӧн миян синным мудзис. Башня вывсянь ми дзӧргим, виччысим войтырӧс, но сійӧ эз лок миянӧс мездыны.

Езекиль 4:2

Карсӧ босьт кытшӧ. Кар гӧгӧрыс лэпты тымӧд, сувтӧдав тышкайӧзӧс да стен жуглан керъяс.

Даниил 11:15

Сэсся локтас войвывса ӧксы, кар гӧгӧрыс вӧчас тымӧд да босьтас изкарсӧ. Лунвывса ӧксылӧн тышкайӧзыс, весиг медвынаясыс, оз вермыны водзсасьны сыкӧд.

Индӧд 20:20

Но вотӧс вайтӧм пуяссӧ верманныд керавны да карсӧ босьтӧм могысь вӧчавны содъяс, кытчӧдз карыс оз ло тіян».