Езекиль 17:13 - Коми Библия 2023

¹³ Сійӧ бӧрйис иудаса ӧксы рӧдысь мортӧс, сёрнитчис сыкӧд да тшӧктіс сылы кыв сетны. Вавилонса ӧксы нуӧдіс пленӧ став юралысь-веськӧдлысьсӧ,

Езекиль 17:13 ပူးပေါင်းရင်းမြစ်များ

2 Каднебӧг 36:13

Седекей кыпӧдчис Навукодоносор ӧксылы паныд, кодлы Ен водзын кыв сетіс, мый лоас ӧксылӧн кипод улын. Седекей пыксис да чорзьӧдіс сьӧлӧмсӧ, эз кӧсйы бергӧдчыны Израильлӧн Господь Ен дінӧ.

Исай 3:2

тышкайӧзсӧ да налысь вына веськӧдлысьяссӧ, ёрдысьяссӧ да пророкъяссӧ, тунасьысьяссӧ да юрнуӧдысьяссӧ,

Еремей 24:1

Вавилонса Навукодоносор ӧксы нуӧдіс Ерусалимысь Вавилонӧ пленӧ иудаса Еконей ӧксыӧс, Ехоякимлысь писӧ, тшӧтш иудаса юралысьясӧс, пуысь да кӧртысь вӧчасьысьясӧс. Та бӧрти Господь петкӧдліс меным инжир тыра кык чуман, мый вӧлі пуктӧма Господьлӧн крам водзӧ.

Еремей 29:2

Еконей ӧксыӧс, ӧксылысь мамсӧ, ыджыд чина йӧзӧс, иудаса да ерусалимса юралысьясӧс, пуысь да кӧртысь вӧчасьысьясӧс Ерусалимысь нуӧдӧм бӧрын

Еремей 37:1

Ехоякимлӧн Еконей пи пыдди вавилонса Навукодоносор ӧксы пуктіс Иуда муын ӧксыӧ Иосейлысь Седекей писӧ.

Еремей 5:2

– Найӧ кыв сетӧны ловъя Господь водзын, но налӧн кыв сетӧмныс – пӧръясьӧм.

Езекиль 17:16

Ме Ачым кыв сетӧмӧн шуа, – висьталӧ Господь Ыджыдыс, – мый сійӧ кулас вавилонса ӧксылӧн муын. Ӧд та вылӧ видзӧдтӧг, мый вавилонса ӧксы пуктіс сійӧс Иудалӧн коляс войтырлы ӧксыӧ, сійӧ торкис кыв сетӧмсӧ да вавилонса ӧксыкӧд сёрнитчӧмсӧ.

Езекиль 17:5

Кутш босьтіс сэтчӧс муысь кӧйдыс, кӧдзис сійӧс бур муӧ, баддьӧс моз пуктіс ыджыд ва бокӧ.

Езекиль 21:28

Морт пиӧй, пророкав. Аммон войтыр йылысь да сылӧн Израильӧс омӧльтӧм йылысь Господь Ыджыдыс тадзи висьталӧ: перйӧма шыпурт, медым унаӧс начкыны-виавны. Сійӧс весалӧма, медым чардби моз югъялас.

Осий 10:4

Ӧксыяс висьталӧны нинӧм абусӧ, ылӧдчӧмӧн кыв сетӧны, кӧрталӧны йитӧдъяс. Та вӧсна локтас на вылӧ мыждӧмыс гӧрӧм му вылӧ петысь пагӧдан турун моз.

Ӧксыяслӧн 1 небӧг 11:1

[Тӧлысь мысти] локтіс аммон войтырысь Нахаш да кытшаліс Галаад муын Явис кар. Явис карын олысьяс шуисны Нахашлы: «Кӧртав миянкӧд бурасян йитӧд, и ми пондам кесъявны тэныд».