Езекиль 16:7 - Коми Библия 2023

⁷ Ме быдті тэнӧ видзвыв турунӧс моз. Тэ быдмин, верстяммин да лоин мичасьыс-мича. Тэнад гӧрддзассис морӧсыд, быдмис юрсиыд, но тэ вӧлін пасьтӧм.

Езекиль 16:7 ပူးပေါင်းရင်းမြစ်များ

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Иов 1:21

Иов шуис: – Пасьтӧг ме петі мам кынӧмысь, пасьтӧг и бӧр муна. Господь сетіс, Господь и бӧр босьтіс. [Ӧд тадзи вӧлі шогмана Господьлы.] Мед лоӧ ошкӧма Господьлысь нимсӧ!

Псалтыр 135:4

Ошкӧй Сійӧс, коді вӧчӧ ыджыд шензьӧданаторъяс, Сылӧн буралӧмыс оз помасьлы.

Псалтыр 148:14

Сійӧ вынсьӧдіс Ассьыс войтырсӧ, медым Сійӧс ошкис Сылӧн эскана войтырыс, Израиль войтыр, коді матын Сылы. Аллилуйя!

Петӧм 1:7

Израиль войтырлӧн чужис зэв уна ныв-пи. Тадзи войтырыс ёна содіс да паськаліс став му пасьталаыс.

Петӧм 12:37

Израиль войтыр петіс Рамсесысь да мӧдӧдчис Суккотӧ. Аньясӧс да ныв-писӧ артавтӧг пода мортыс вӧлі квайтсё сюрс гӧгӧр.

Петӧм 3:22

Быд ань мед корас орччӧн олысь да ас ордас олысь аньяслысь эзысь, зарни да паськӧм. Наӧн мичмӧдӧй ныв-пинытӧ. Тадзи ті петкӧданныд египетсалысь озырлунсӧ».

Сьылан 4:5

Тэнад морӧсыд – двӧйни кӧрпиян, лилия пӧвстын йирсьысь двӧйни газельяс.

Сьылан 8:10

– Ме – карса стен, менам морӧсӧй быттьӧ сюръяяс, мусукӧйлы ме кисьмӧм-воӧм ань. (Зон:)

Сьылан 8:8

– Миян чойным ичӧт на, сылӧн морӧсыс абу на гӧрддзасьӧма. Мый миянлы вӧчны чойнымкӧд, кор локтасны сійӧс коравны?

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Исай 62:3

Тэ лоан дзирдалысь юркытшӧн Господьлӧн киын, лоан ӧксылӧн юркытшӧн Аслад Енлӧн ки пыдӧсын.

Езекиль 16:16

Аслад уна рӧма паськӧмӧн тэ мичмӧдін вись ваян мылькъястӧ, кӧні тэ кырсалін. Татшӧмторйыс некор на эз вӧвлы, и водзӧ оз ло.

Езекиль 16:22

Зывӧк уджъяс вӧчигад да кырсалігад тэныд юрад эз волы сійӧ кадыс, кор тэ вӧлін пасьтӧм, куйлін вирӧсь да чужъясин.

Езекиль 16:6

Ме муні тэ бокті да аддзи, кыдзи тэ куйлан вирӧсь да чужъясян. Кор тэ куйлін вирӧсь, Ме шуи тэныд: ”Тэ кутан овны!”

Осий 2:3

Оз кӧ, Ме сійӧс кушӧдз пӧрччӧда, пузчужӧм кагаӧс моз пасьтӧгыс коля. Ме вӧча сійӧс овтӧминӧн, вӧча сійӧс кос муӧн, горш косьмӧмысла сійӧ кулас.

Ап. уджъяс 7:17

Египетын миян войтырным ӧтарӧ содіс. Матысмис сійӧ кадыс, мый йылысь Енмыс кыв сетӧмӧн кӧсйысьліс Ӧвраамлы.

Индӧд 1:10

Господь, тіян Енныд, содтіс тіянӧс, и ті лоинныд енэжвыв кодзувъяс мында.

Индӧд 1:11

Господь, тіян батьяслӧн Ен, мед сюрс пӧвстӧн содтас тіянлысь лыднытӧ да бурсиас тіянӧс, кыдзи Сійӧ кӧсйысис тіянлы.

Индӧд 4:8

Эм-ӧ нӧшта сэтшӧм вына войтырыс, кодлӧн индӧд-тшӧктӧмъясыс веськыдӧсь, кыдзи тайӧ Индӧдыс, мый талун ме юӧрта тіянлы?