Езекиль 16:5 - Коми Библия 2023

⁵ Мый колӧ вӧлі вӧчны, эз вӧчны тэныд. Некод эз жалит тэнӧ, эз бурсьӧлӧмтчы тэ дінӧ. Кор тэ чужин, тэнӧ шыбитісны эрд вылӧ, тадзи увтыртісны тэнӧ.

Езекиль 16:5 ပူးပေါင်းရင်းမြစ်များ

Олӧм 21:10

Сарра шуис Ӧвраамлы: «Вӧтлы тайӧ кесйӧг аньсӧ пиыскӧд. Тэнад овмӧсыд мед оз вудж сылӧн пилы, а вуджас сӧмын менам Исаак пилы».

Петӧм 1:22

Аслас войтырлы фараон тшӧктіс: «Еврейяслысь став пузчужӧм пи кагасӧ шыблалӧй Нил юӧ, а нывъяссӧ ловйӧн кольӧй».

Исай 49:15

Ань ӧмӧй вунӧдас ассьыс пузчужӧм кагасӧ, сійӧ ӧмӧй оз кут жалитны ассьыс чужтӧм кагасӧ? Но весиг мам кӧ вунӧдас ассьыс кагасӧ, Ме тэнӧ ог вунӧд!

Еремей 22:19

Сійӧс гуаласны осёлӧс моз. Сылысь шойсӧ кыскасны да шыбитасны ерусалимса дзиръя сайӧ.

Бӧрданкыв 2:11

Синмӧй пемдіс бӧрдӧмсьыс, пытшкӧсӧй шызьӧма, сьӧлӧмӧй потӧ шогысла, ӧд менсьым войтырӧс бырӧдӧма, челядь да пузчужӧм кагаяс тшыгйысла кулӧны карса изэрдъяс вылын.

Бӧрданкыв 2:19

Чеччы войнас да горзы, горзы войбыд, дугдывтӧг! Господьлӧн чужӧмбан водзын ваӧс моз кисьт сьӧлӧм дойтӧ. Нюжӧд китӧ Сылань, кевмысь ныв-пиыдлӧн олӧм вӧсна. Найӧ куйлӧны туйвежъясын, тшыгнысла кулӧны.

Бӧрданкыв 4:10

Небыд сьӧлӧма мамъяс пуисны ассьыныс челядьнысӧ, менсьым войтырӧс бырӧдан кадӧ кагаясныс лоины налы сёянӧн.

Бӧрданкыв 4:3

Весиг шакал нёньӧдчӧ, вердӧ ассьыс пиянсӧ, а менам войтырлӧн нывъяс сьӧлӧмтӧмӧсь, овтӧминса страус моз найӧ эновтӧны каганысӧ.

Езекиль 16:6

Ме муні тэ бокті да аддзи, кыдзи тэ куйлан вирӧсь да чужъясян. Кор тэ куйлін вирӧсь, Ме шуи тэныд: ”Тэ кутан овны!”

Езекиль 2:6

Морт пиӧй, тэ эн пов наысь, эн повзьы налӧн сёрниысь, эн пов, весиг кӧ найӧ лоӧны бытшкалысь лежнӧг кодьӧс, весиг кӧ кутан овны на дінын скорпионъяс пӧвстын моз. Эн пов налӧн сёрниысь, эн повзьы наысь, ӧд найӧ асныра войтыр.

Лыд 19:16

Быдӧн, коді ывлаын инмӧдчылас шыпурт помысь кулӧм либӧ мӧд ногӧн кулӧм морт дінӧ, морт шойлӧн лыясӧ либӧ шой дзебанінӧ, сизим лун чӧж лоӧ пеж.

Индӧд 32:10

Сійӧ аддзис тайӧ войтырсӧ овтӧминысь, куш да шуштӧм пельӧсысь, тӧждысис на вӧсна, дорйис найӧс, синмӧс моз видзис.