Езекиль 16:20 - Коми Библия 2023

²⁰ Тэ босьтін пиянтӧ да нывъястӧ, кодъясӧс чужтін Меным, да вайин найӧс вись пыдди идолъяслы сёйны. Тайӧ уджъясыд вӧліны кырсалӧм кодь жӧ, и тайӧ этша на вӧлі тэныд.

Езекиль 16:20 ပူးပေါင်းရင်းမြစ်များ

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Ӧксыяслӧн 4 небӧг 16:3

Сійӧ ветліс израильса ӧксыяслӧн туйӧд, весиг сотіс биын ассьыс писӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

2 Каднебӧг 33:6

Бен-Хинном ковтысын Манассей сотліс биын ассьыс пиянсӧ. Сійӧ кимӧститчис, тунасис, тшыкӧдчис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Петӧм 13:12

сэки став медводдза чужысь писӧ торйӧд Господьлы. Весиг ыж-мӧслысь став медводдза ай чужысьсӧ вай Господьлы.

Петӧм 13:2

«Став медводдза ай чужысьсӧ вежӧд-торйӧд Меным. Израиль войтыр пӧвстысь медводдза чужысьыс и ыж-мӧс пӧвстысь медводдза чужысьыс лоӧны Менам».

Исай 57:5

Тіян лёкколӧмныд ӧзъялӧ пашкыр пуяс пӧвстын, быд веж пу улын. Ассьыныд челядьнытӧ ті ваянныд вись пыдди шоръяс дорын да керӧс потасъясын.

Еремей 19:5

Найӧ лэптісны Ваал идоллы вись ваян мылькъяс, медым сотан вись пыдди вайны Вааллы ассьыныс ныв-пинысӧ. Но татшӧмторсӧ Ме эг тшӧктывлы вӧчнысӧ, тайӧ Меным абу сьӧлӧм серти.

Еремей 3:24

Миян том кадсянь зывӧк Ваал идол сёйис ставсӧ, мый могысь батьясным уджалісны, сёйис налысь ыжъяссӧ да ӧшъяссӧ, пиянсӧ да нывъяссӧ.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 7:31

Бен-Хинном ковтысын найӧ лэптісны Тофет нима вись ваян мыльк, медым сотны сэні ассьыныс ныв-пинысӧ. Но тайӧс Ме эг тшӧктывлы вӧчнысӧ, тайӧ Меным абу сьӧлӧм серти.

Езекиль 14:14

Весиг кӧ сэні олісны Ной, Даниил да Иов, найӧ эськӧ асланыс веськыдлунӧн сӧмын асьнысӧ мездісны, – висьталӧ Господь Ыджыдыс. –

Езекиль 16:21

Тэ виалін Менсьым ныв-пиӧс да сотін найӧс вись пыдди идолъяслы.

Езекиль 16:36

Господь Ыджыдыс тадзи висьталӧ: тэ ӧзъялін лёкколӧмӧн да кырсалігад мусукъясыд водзын да зывӧк идолъясыд водзын петкӧдлін куш яйтӧ, виин пиянтӧ да вайин идолъяслы вись пыдди.

Езекиль 20:26

Найӧ сотлісны биын ассьыныс медводдза чужысь пиянсӧ. Ме лэдзи налы пежавны асьнысӧ татшӧм висьяснас, но ысті на пӧвстӧ ыджыд полӧм да сеті налы тӧдны, мый Ме – Господь.

Езекиль 20:31

Идолъяслы юрбитӧмнаныд ті ӧнӧдз асьнытӧ пежаланныд, кор ваянныд налы козинъяс да сотанныд вись пыдди ассьыныд пияннытӧ. И та бӧрын ті, израильсаяс, локтанныд юасьны Менсьым! Ме Ачым кыв сетӧмӧн шуа, – висьталӧ Господь Ыджыдыс, – мый ог вочавидз тіянлы.

Езекиль 23:37

Найӧ ӧд пежалісны йитӧдӧс, мый Ме кӧрталі накӧд. Найӧ сетчисны идолъясныслы, налы вись пыдди биын сотлісны пияннысӧ, кодъясӧс чужтісны Меным. Налӧн киныс вирӧсь.

Езекиль 23:39

Ассьыныс пиянсӧ идолъясныслы начкӧм бӧрын найӧ сійӧ жӧ лунӧ локтісны Менам вежаинӧ, тадзи пежалісны сійӧс. Со мый найӧ вӧчисны Менам керкаын.

Езекиль 23:4

Ыджыд чойсӧ шуисны Огола, а мӧдсӧ – Оголива. Оголаыс – Самария, а Оголиваыс – Ерусалим. Кыкнанныс найӧ вӧліны Менам, и чужтісны ныв-пиӧс.

Езекиль 8:17

Сійӧ шуис меным: «Аддзан-ӧ, морт пиӧй? Иуда войтырлы оз ӧмӧй тырмы зывӧк вӧчӧмыс? Виалӧм-дзескӧдӧмнас найӧ тыртісны мусӧ да ӧтарӧ скӧрмӧдӧны Менӧ, кор Меным ныр улӧ пуктӧны пу вожъяс.

Микей 6:7

Шогмана-ӧ лоӧ Господьлы, вая кӧ сюрс межӧс, вая кӧ ю моз визувтысь олив вый? Сета ӧмӧй ассьым медводдза чужысьӧс лёк вӧчӧмӧй вӧсна, сьӧлӧмувса кагаӧс – мыжӧй вӧсна?