Езекиль 16:11 - Коми Библия 2023

¹¹ Ме мичмӧді тэнӧ. Ки вылад ӧшӧді сойкытшъяс, сьыліад – сикӧтш,

Езекиль 16:11 ပူးပေါင်းရင်းမြစ်များ

Олӧм 24:22

Кор верблюдъяс дугдісны юнысӧ, кесйӧг босьтіс зарни ныркытш, кык зарни сойкытш да сетіс нывлы. Ныркытш вӧлі сикель джын сьӧкта, а сойкытшъяс – дас сикель сьӧкта.

Олӧм 24:47

Ме юалі: ”Кодлӧн тэ лоан?” Сійӧ шуис: ”Ме – Бетуэллӧн нылыс, а Бетуэл – Нахорлӧн да Милкалӧн пи”. Та бӧрын ме сеті Ревеккалы ныркытш да сойкытш.

Олӧм 24:53

Кесйӧг перйис паськӧм, эзысь да зарни мичмӧдчанторъяс да сетіс Ревеккалы. Сетіс дона козинъяс тшӧтш Ревеккалӧн вокыслы да мамыслы.

Олӧм 35:4

Йӧзыс ваялісны вӧчӧм енъяссӧ да пельсьыныс перъялӧм исерганысӧ Яковлы. Ставсӧ тайӧс Яков гуаліс сикемдорса тупу улӧ. [Эз висьтав некодлы, и весиг ӧніӧдз оз тӧдны, кӧні тайӧ ставыс.]

Олӧм 41:42

Фараон пӧрччис ассьыс чунькытшсӧ да чунькытшӧдіс Ӧсипӧс. Сэсся сетіс сылы шабді паськӧм, сьыліас ӧшӧдіс зарни сикӧтш.

Эсфир 2:17

Став гӧтыр дорсьыс ӧксылы Эсфир лои медмуса. Эсфир воис ӧксылы сьӧлӧм вылас, и мукӧд нывъяс дорысь Эсфир дінӧ сійӧ вӧлі вывті бур сьӧлӧма. Ӧксы пуктіс сылы юр вылас юркытш да индіс сійӧс Астинь пыдди ӧксы-аньӧн.

Иов 42:11

Иов дінӧ локтісны сылӧн чой-вокыс да важ тӧдсаясыс. Найӧ ӧтлаын сёйисны-юисны Иов ордын, бурӧдісны-ышӧдісны сійӧс став сьӧкыд нуӧмсьыс, мый сылы вӧлі ыстӧма Господь. Быдӧн козьналіс Иовлы зарни чунькытш да эзысь.

Петӧм 32:2

Аарон налы шуис: «Босьтӧй гӧтыръясныдлысь да ныв-пиныдлысь зарни исергаяссӧ да вайӧй меным».

Петӧм 35:22

Локтісны айулов и аньяс, найӧ сьӧлӧмсяньныс вайисны исергаяс, чунькытшъяс, сикӧтшъяс да мукӧд зарни мичмӧдчантор. Быдӧн, коді кӧсйис, вайис Господьлы зарни.

Шусьӧгъяс 1:9

Налӧн велӧдӧмыс – тэнад юр вылӧ пуктӧм мича юркытш кодь, сьылітӧ мичмӧдысь сикӧтш кодь.

Шусьӧгъяс 25:12

Мывкыд мортлӧн ӧлӧдӧмыс сійӧс кывзысьлы пельтӧ мичмӧдысь зарни исерга кодь.

Шусьӧгъяс 4:9

Мича юркытш сійӧ пуктас юр вылад, дзирдалана юркытш ваяс тэныд».

Сьылан 1:10

Ми вӧчам тэныд зарни сикӧтш, эзысь чиръясӧн сійӧс мичмӧдам. (Ныв:)

Сьылан 4:9

Тэ пӧлӧнитін менсьым сьӧлӧмӧс, чоюкӧй-гӧтырпуӧй, гусялін аслад ӧтчыд видзӧдлӧмӧн, аслад сикӧтш молльӧн.

Исай 28:5

Сійӧ лунӧ Господь Саваоф лоӧ мича юркытшӧн, ошйысяна мичмӧданторйӧн Аслас коляс войтырлы.

Исай 3:19

исергаяс, сикӧтшъяс, вевттьӧдъяс, юрвевттьӧдъяс, сойкытшъяс, вӧньяс, чӧскыд ӧвтанторъяс, амулетъяс,

Исай 3:21

мича вылыс и улыс паськӧм, чышъянъяс, сьӧм турыш,

Бӧрданкыв 5:16

Юркытшным усис миян юр вылысь. Курыд шог миянлы мыж вӧснаным!

Езекиль 16:17

Менам козинъясысь, зарни да эзысь мичмӧдчанторъясысь, тэ вӧчин айлов бӧлбанъясӧс да кырсалін накӧд.

Езекиль 23:40

Но тайӧ абу на ставыс. Огола да Оголива, ассьыныд йӧзнытӧ ті мӧдӧдлінныд ылі муясӧ, медым корны сэтысь айуловӧс. Налӧн локтігкежлӧ ті мыссьывлінныд, мавтлінныд синнытӧ да ӧшлінныд ас выланыд мичмӧдчанторъяс.

Езекиль 23:42

Тіян дінӧ чукӧртчӧм йӧзыс гораа гажӧдчисны, весиг овтӧминысь вайӧдлісны юысь-кодалысьясӧс. Гажӧдчысь айулов ӧшӧдлісны тіянлы ки выланыд сойкытшъяс, а юр выланыд пуктылісны мича юркытш.

Даниил 5:16

Но тэ йылысь ме кывлі, мый тэ верман гӧгӧрвоӧдны вӧтъяс да сьӧкыдлунъяс дырйи разьны гӧрӧдъяс. Тэ кӧ верман лыддьыны тайӧ гижӧмасӧ да гӧгӧрвоӧдны сійӧс, тэнӧ пасьтӧдасны пемыдгӧрд паськӧмӧ, сьыліад ӧшӧдасны зарни чеп, и тэ лоан менам муын чин серти коймӧд юралысьӧн».

Даниил 5:29

Та бӧрти Валтасарлӧн тшӧктӧм серти Даниилӧс пасьтӧдісны пемыдгӧрд паськӧмӧ, сьыліас ӧшӧдісны зарни чеп да юӧртісны, мый сійӧ лоӧ тайӧ муас чин серти коймӧд юралысьӧн.

Даниил 5:7

Ӧксы гораа горӧдіс, медым вайӧдісны сы дінӧ кимӧститчысьясӧс, калдеяса мывкыд йӧзӧс да пемӧс мускӧн тунасьысьясӧс. Сійӧ шуис вавилонса тӧдысь-туналысьяслы: «Коді лыддяс да гӧгӧрвоӧдас стенмӧ гижӧмасӧ, сійӧс пасьтӧдасны пемыдгӧрд паськӧмӧ, сьыліас ӧшӧдасны зарни чеп, и сійӧ лоӧ менам муын чин серти коймӧд юралысьӧн».

Осий 2:13

Ме мыжда сійӧс лунъясысь, кор сійӧ вись сотліс Ваал идолъяслы, мичмӧдліс асьсӧ исергаясӧн да сикӧтшъясӧн, ветліс аслас мусукъяс бӧрся, а Менӧ вунӧдіс, – висьталӧ Господь.

Левит 8:9

Юр вылас пуктіс юркӧртӧд. Юркӧртӧд водзладорас пысаліс шыльӧдӧм зарни пӧвтор – вежа мичмӧдчантор. Тадзи Господь тшӧктіс Мӧисейлы.

Лыд 31:50

Господь водзын мыжнымӧс вештӧм могысь ми сетам Господьлы тышын шедӧдӧм зарни чепъяс, сойкытшъяс, чунькытшъяс, исергаяс да сикӧтшъяс».

Восьтӧм 2:10

Некутшӧм локтана сьӧкыдысь эн пов. Ӧткымынӧс тіян пиысь омӧльыс йӧршитас дзескыдінӧ, медым тӧдмавны тіянӧс. Сэки дас лун чӧж ті кутанныд сьӧкыдавны. Но тэ помӧдзыс ло эскана, и Ме сета тэныд Олӧмыслысь юркытш!

Восьтӧм 4:10

сэки кызь нёль юрнуӧдысьыс уськӧдчӧны юралан пуклӧсын Пукалысь водзӧ да копыртчылӧны помтӧг Олысьлы. Ассьыныс юркытшсӧ пуклӧс водзӧ пуктӧмӧн найӧ шуалӧны:

Восьтӧм 4:4

Пуклӧс гӧгӧрыс вӧлі нӧшта на кызь нёль пуклӧс. Сэні пукалісны кызь нёль юрнуӧдысь. Найӧ вӧліны еджыд паськӧмаӧсь да зарни юркытшаӧсь.

Ёрдысьяс 8:24

Гедеон содтіс: «Ӧтитор тіянлысь кора. Мед быдӧн сетас меным тышын шедӧдӧмторсьыс исергаӧн». Тышын вӧлі шедӧдӧма уна зарни исерга, ӧд вӧрӧгыс вӧлі Измаил рӧдысь, а найӧ новлісны исергаяс.