Езекиль 14:8 - Коми Библия 2023

⁸ паныд сувта сылы, вӧча сійӧс пасӧн да сёрнитанторйӧн. Ме бырӧда сійӧс Аслам войтыр пӧвстысь. Сэки ті тӧдмаланныд, мый Ме – Господь.

Езекиль 14:8 ပူးပေါင်းရင်းမြစ်များ

Псалтыр 34:16

пиньнысӧ йирӧмӧн найӧ наяна сералісны ме вылын.

Псалтыр 34:17

Господьӧй, дыр-ӧ на Тэ кутан видзӧдны тайӧс? Видз менӧ налӧн лёк вӧчӧмысь, видз менсьым олӧмӧс тайӧ левъяссьыс.

Псалтыр 37:22

Господьӧй, эн эновт менӧ! Енмӧй, эн ылыстчы меысь!

Исай 65:15

Тіян нимныд лоас ёран кывйӧн Менам кесйӧгъяс пӧвстын, найӧ шуасны: «Господь Ыджыдыс мед на моз виас тэнӧ». Но Ассьым кесйӧгъясӧс Ме нимта мӧд нимӧн.

Еремей 21:10

Ме шуи вӧчны тайӧ карыслы лёксӧ, а эг бурсӧ, – висьталӧ Господь. – Тайӧ карсӧ лоӧ сетӧма вавилонса ӧксы киӧ, и сійӧ сотас тайӧ карсӧ».

Еремей 24:9

Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Еремей 29:22

Иудаысь Вавилонӧ пленӧ нуӧдӧмаяс пондасны ӧта-мӧднысӧ ёрны тадзи: Господь мед вӧчас тэкӧд сійӧ жӧ, мый вӧчис Седекейкӧд да Ахавкӧд, кодъясӧс вавилонса ӧксы сотіс бипур вылын.

Еремей 44:11

Та вӧсна Господь Саваоф, Израильлӧн Ен, тадзи висьталӧ: Ме бергӧда чужӧмӧс тіянлы лёк вылӧ да бырӧда став Иуда войтырсӧ.

Езекиль 13:23

Водзӧ ті онӧ нин кутӧй абутӧмсӧ аддзыны да ылӧгсӧ юӧртны. Ме мезда Ассьым войтырӧс тіян киысь, сэки ті тӧдмаланныд, мый Ме – Господь».

Езекиль 15:7

Ме сувта налы паныд. Найӧ вермасны петны биысь, но мӧд би ньылыштас найӧс. Кор Ме сувта налы паныд, сэки ті тӧдмаланныд, мый Ме – Господь.

Езекиль 5:15

Тэ гӧгӧр олысь войтыръяс кутасны лёкӧдны-омӧльтны тэнӧ. Найӧс полӧм босьтас, кор аддзасны, мый Ме мыжді тэнӧ да кисьті тэ вылӧ Ассьым скӧрлунӧс да ярлунӧс. Тайӧс висьтала Ме, Господь.

Езекиль 6:7

Тіян пӧвстысь унаӧс лоӧ виӧма. Сэки ті тӧдмаланныд, мый Ме – Господь!

Левит 17:10

«Израиль войтыр пӧвстысь либӧ йӧз муысь локтысьяс пӧвстысь кӧ кодкӧ сёяс вир, Ме паныд сувта сылы да бырӧда сійӧс войтыр пӧвстысь,

Левит 22:3

Висьтав налы, мый быдӧнӧс, коді насянь чужысьяс пӧвстысь пежӧн матыстчас Израиль пиянлӧн вежа вайӧмторъяс дінӧ, лоӧ ӧтдортӧма Ме дінысь. Ме – Господь [тіян Енныд].

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Лыд 16:38

Тшынӧдчан дозъяссӧ налысь, кодъяс кулісны асланыс мыж вӧсна, мед лямӧдасны листъясӧ. Наӧн мед эжасны висьпуктанін, ӧд дозъясыс лоины вежаӧсь, кор найӧс вайисны Господь водзӧ. Лямӧдӧм дозъясыс мед лоӧны ӧлӧданпасӧн Израиль пиянлы».

Лыд 19:20

Но пежасьӧм морт кӧ оз сӧстӧммӧдчы, сійӧс лоӧ бырӧдӧма войтыр пӧвстысь, ӧд сійӧ пежалӧ Господьлысь вежаинсӧ. Сійӧ пеж, ӧд сӧстӧммӧдчан ванас сійӧс абу вӧлі резӧма.

Лыд 26:10

Сэки воссис муыс да ньылыштіс Датанӧс, Авирамӧс да Корейӧс. Корейкӧд ӧтувтчысь йӧзыс кулісны, би ньылыштіс кыксё ветымын мортӧс. Найӧ лоисны мукӧдыслы ӧлӧданпасӧн.

Римӧ 11:22

Тӧд, мый Енмыс бур сьӧлӧма, но овлӧ чорыдӧн. Чорыд усьӧмаяс дінӧ, бур сьӧлӧма тэ дінӧ, сӧмын кутчысян кӧ Сылӧн бурлунӧ. Он кӧ, тэнӧ тшӧтш керыштасны.

1 Коринфӧ 10:11

Ставыс тайӧ вӧлі накӧд, медым ӧлӧдны йӧзсӧ. Тайӧс гижӧма, медым велӧдны миянӧс, бӧръя кадас олысьясӧс.

Индӧд 28:37

Став войтыръяс, кодъяс пӧвстӧ Господь [Ен] вӧтлас тіянӧс, повзясны сыысь, мый лоӧ тіянкӧд. Найӧ лӧсьӧдласны тіян йылысь шусьӧгъяс, серамвыв лэптасны тіянӧс.

Индӧд 28:46

Тайӧ ёрӧмыс лоӧ индысьпасӧн тіян пӧвстын да тіянсянь чужысьяс пӧвстын нэмъяс чӧж.

Индӧд 29:19

Йитӧд йылысь кыв сетӧмсӧ кылӧм бӧрын татшӧм мортыс мӧвпалӧ: ”Менам ставыс лоӧ бур. Ола, кыдзи кӧсъя”. Татшӧм мортыс вӧсна бырӧдӧмыс локтас став войтырыс вылӧ.