Езекиль 14:15 - Коми Библия 2023

¹⁵ Ме кӧ мӧдӧді сэтчӧс олысьяс вылӧ зверъясӧс, медым муыс овтӧммис да эз ло сэті ветлысь-мунысьыс,

Езекиль 14:15 ပူးပေါင်းရင်းမြစ်များ

Ӧксыяслӧн 3 небӧг 20:36

Сэки пророк шуис: «Сыысь, мый тэ эн кывзысь Господьлысь, тэнӧ косявлас лев, кор тэ мунан ме дінысь». Кор тайӧ мортыс муніс, сылы паныдасис лев да косявліс сійӧс.

Ӧксыяслӧн 4 небӧг 17:25

Овмӧдчӧм бӧраныс тайӧ олысьясыс эз на пыдди пуктыны Господьӧс, та вӧсна Господь ыстіс на вылӧ левъясӧс, кодъяс косявлісны йӧзсӧ.

Исай 51:19

Кыкпӧвста шог суис тэнӧ: куштӧм да бырӧдӧм, тшыгъялӧм да шыпурт. Коді жалитас тэнӧ? Коді бурӧдас тэнӧ?

Еремей 15:3

Ме мӧдӧда тайӧ войтырыс вылӧ нёль мыждӧм, – висьталӧ Господь. – Шыпурт виас найӧс, понъяс кыскаласны шойяссӧ, кырныш-варыш кокаласны, зверъяс бырӧдасны коляссӧ.

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Езекиль 5:17

Тіян тшыгъялӧм дырйи Ме ыста тіян вылӧ зверъясӧс, кодъяс виасны ныв-пинытӧ. Тіянӧс суас пӧрӧс висьӧм да вир кисьтӧм. Ме вайӧда тіян вылӧ шыпуртӧс. Тайӧс висьтала Ме, Господь».

Левит 26:22

Мӧдӧда тіян вылӧ зверъясӧс, и найӧ гусявласны ныв-пинытӧ да косявласны ыж-мӧснытӧ. Ті кутанныд чинӧмӧн чинны, и тіян туйяс вывті ветлысь-мунысьыс оз ло.

Лыд 21:6

Господь мӧдӧдіс Израиль войтыр вылӧ чушкысь змейясӧс. Налӧн чушкалӧмысь унаӧн кулісны.