Езекиль 14:14 - Коми Библия 2023

¹⁴ Весиг кӧ сэні олісны Ной, Даниил да Иов, найӧ эськӧ асланыс веськыдлунӧн сӧмын асьнысӧ мездісны, – висьталӧ Господь Ыджыдыс. –

Езекиль 14:14 ပူးပေါင်းရင်းမြစ်များ

Олӧм 6:8

Господьлы шогманаӧн вӧлі сӧмын Ной.

Олӧм 7:1

Господь [Ен] шуис Нойлы: «Пыр аслад котырыдкӧд ковчегӧ, ӧд Ме аддзи, мый ӧнія олысьяс пӧвстысь тэ ӧтнад олан веськыда Ме водзын.

1 Каднебӧг 1:4

Ламеклӧн – Ной, Нойлӧн чужисны Сим, Хам да Яфет.

Иов 1:1

Уц муын оліс Иов нима морт. Сійӧ вӧлі сӧстӧм сьӧлӧма веськыд морт, поліс Енсьыс да ӧтдортчис лёксьыс.

Иов 1:5

Кор став сизимнан пи ордас вӧлі пасйӧма гажсӧ, Иов корліс пиянсӧ ас ордас, медым вежӧдны-сӧстӧммӧдны найӧс. Сійӧ чеччыліс водз асывнас да быдӧн вӧсна торйӧн вайліс сотан вись. [Нӧшта ӧти ӧшкӧс вайліс ставныслӧн мыж вӧсна.] Иов мӧвпаліс, гашкӧ пӧ, пиянӧй гажӧдчиганыс мыжмисны да сьӧлӧманыс сералісны Енсӧ. Иов быд пӧрйӧ тадзи вӧчліс.

Шусьӧгъяс 11:4

Скӧралан лунӧ озырлуныд оз отсав, но веськыдлуныд кулӧмысь мездас.

Еремей 11:14

Но тэ, Еремей, эн кевмысь тайӧ войтырыс вӧсна, корӧмӧн эн бӧрд на вӧсна. Кор найӧ шог дырйиныс шыасясны Ме дінӧ, Ме ог кыв найӧс».

Еремей 15:1

Господь шуис меным: «Весиг кӧ Мӧисей да Самуил сувтасны Ме водзӧ да кутасны кевмысьны, Ме ог бурсьӧлӧмтчы тайӧ войтырыс дінӧ. Вӧтлы найӧс Менам син водзысь!

Еремей 7:16

Но тэ, Еремей, эн кевмысь тайӧ войтырыс вӧсна, корӧмӧн эн бӧрд на вӧсна. Эн шыась Ме дінӧ на пыдди, ӧд Ме ог кыв тэнӧ.

Езекиль 14:16

весиг сэки, – висьталӧ Господь Ыджыдыс, – тайӧ куим мортыс эськӧ эз вермыны мездыны ныв-пинысӧ. Мездмисны эськӧ сӧмын асьныс, а муыс овтӧммис. Тайӧс Ме Ачым кыв сетӧмӧн шуа.

Езекиль 14:18

весиг сэки, – висьталӧ Господь Ыджыдыс, – тайӧ куим мортыс эськӧ эз вермыны мездыны ныв-пинысӧ, а мездмисны сӧмын асьныс. Тайӧс Ме Ачым кыв сетӧмӧн шуа.

Езекиль 14:20

и весиг кӧ сэні олісны Ной, Даниил да Иов, – висьталӧ Господь Ыджыдыс, – найӧ эськӧ эз вермыны мездыны ныв-пинысӧ, а асланыс веськыдлунӧн сӧмын асьнысӧ мездісны. Тайӧс Ме Ачым кыв сетӧмӧн шуа.

Езекиль 16:18

Серлӧдлӧм паськӧмнад тэ вевттин найӧс, Менсьым олив выйӧс да Менсьым тшынӧдчанторйӧс пуктывлін на водзӧ.

Езекиль 16:20

Тэ босьтін пиянтӧ да нывъястӧ, кодъясӧс чужтін Меным, да вайин найӧс вись пыдди идолъяслы сёйны. Тайӧ уджъясыд вӧліны кырсалӧм кодь жӧ, и тайӧ этша на вӧлі тэныд.

Езекиль 18:20

Кулас сӧмын мыж вӧчысьыс. Пиыс оз кывкут батьыслӧн мыж вӧсна, и батьыс пиыслӧн мыж вӧсна оз кывкут. Енмыс мынтысяс веськыда олысьлы сылӧн веськыдлуныс серти, а лёк вӧчысьлы – сылӧн лёклуныс серти.

Езекиль 28:3

Тэ лоин Даниилысь мывкыдджык на, став гусяторйыс тэныд лои восьса.

Езекиль 3:19

Тэ кӧ ӧлӧдан лёк вӧчысьӧс, а сійӧ оз дугды лёксӧ вӧчны да оз бергӧдчы лёк туй вывсьыс, сэки сійӧ кулас аслас мыж вӧсна, а тэ мездан ассьыд олӧмтӧ.

Даниил 1:6

Бӧрйӧм зонъяс пӧвстын вӧліны Даниил, Хананей, Мисаэл да Азарий. Ставныс найӧ вӧліны Иуда чужанкотырысь.

Даниил 10:11

Сійӧ шуис меным: «Даниил, тэ муса Енмыслы. Гӧгӧрво сійӧ кывъяссӧ, мый ме висьтала тэныд. Чеччы да сувт кок вылад, ӧд менӧ мӧдӧдӧма тэ дінӧ». Кор сійӧ шуис тайӧ кывъяссӧ, ме чеччи дзӧригтыр.

Даниил 9:21

Менам кевмысигӧн петкӧдчис Гавриил, кодӧс ме водзынджык аддзылі. Рытъя вись ваян кадӧ сійӧ зэв ӧдйӧ лэбзис мелань да инмӧдчис ме дінӧ.

Даниил 9:23

Кор тэ пондін кевмысьны, Енмыс мӧдӧдіс кыв, и ме локті юӧртны сійӧс тэныд, ӧд тэ муса Енмыслы. Сідзкӧ, сибӧд сьӧлӧмад тайӧ кывсӧ да гӧгӧрво сійӧ, мый аддзылін.

Еврейяслы 11:7

Эскӧм вӧсна Нойлы вӧлі водзвыв сетӧма тӧдны аддзытӧмсӧ. Сійӧ кывзысис Енмыслысь да вӧчис ковчег, медым мездыны ассьыс гортсасӧ. Эскӧмнас сійӧ мыждіс муюгыдсӧ, эскӧм вӧсна сылы вичмис Енсянь веськыдлун.

2 Петыр 2:9

Господь тӧдӧ, кыдзи мездыны вежавидзысьӧс сьӧкыдалӧмсьыс, а лёк вӧчысьӧс Сійӧ видзӧ, медым мыждан лунӧ сійӧс чорыда мыждыны.