Езекиль 14:1 - Коми Библия 2023

¹ Израиль войтырлӧн юрнуӧдысьясысь ӧткымынӧн локтісны ме дінӧ да пуксисны меным воча.

Езекиль 14:1 ပူးပေါင်းရင်းမြစ်များ

Ӧксыяслӧн 4 небӧг 6:32

Елисей пукаліс гортас карса юрнуӧдысьяскӧд, кор ӧксы мӧдӧдіс сы дінӧ ассьыс мортсӧ. Но сылӧн локтӧдз на, Елисей шуис юрнуӧдысьяслы: «Аддзанныд, морт виысьлӧн пиыс мӧдӧдіс ме дінӧ мортӧс, медым керыштны менсьым юрӧс. Кор мортыс локтас, пӧдлалӧй сы водзын ӧдзӧссӧ да ёна пыкӧй сійӧс. Со, сы бӧрся локтысь ыджыдыслӧн кок шыыс кылӧ!»

Исай 21:12

Кар видзысь вочавидзӧ налы: «Асылыс матыстчӧ нин, но войыс эз на помась. Кӧсъянныд кӧ нӧшта юавны – бара на волӧй да юалӧй».

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Езекиль 14:2

Меным вӧлі Господьсянь кыв:

Езекиль 20:1

Сизимӧд воӧ витӧд тӧлысьлӧн дасӧд лунӧ израильса юрнуӧдысьяс пӧвстысь некымын морт локтісны ме дінӧ, медым юасьны Господьлысь. Найӧ пуксисны меным воча.

Езекиль 20:3

«Морт пиӧй, шу израильса юрнуӧдысьяслы, мый Господь Ыджыдыс тадзи висьталӧ: ті локтінныд Менсьым юасьны, но Ме Ачым кыв сетӧмӧн шуа, мый ог вочавидз тіянлы, – висьталӧ Господь Ыджыдыс.

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Езекиль 33:32

Налы тэ – муслун йылысь сьыланкывъяс мичаа сьылысь-ворсысь кодь. Найӧ кывзӧны тэнсьыд кывъястӧ, но на серти оз овны.

Езекиль 8:1

Квайтӧд вонас квайтӧд тӧлысьлӧн витӧд лунӧ ме вӧлі гортын, и меным воча пукалісны иудаса юрнуӧдысьяс. Господь Ыджыдлӧн киыс вӧлі ме вылын.

Лука 10:39

Марпалӧн вӧлі Марья нима чой. Сійӧ пуксис Господь Исуслӧн кок дорӧ да кутіс кывзыны Сылысь висьталӧмсӧ.

Ап. уджъяс 22:3

«Ме ачым иудей, чужи Киликияын Тарс карын, но быдми тані. Гамалиэл дорын менӧ велӧдісны батьяслӧн Индӧдӧ да тіян моз ме чорыда сулалі Ен дор.

Ап. уджъяс 4:5

Мӧд луннас чукӧртчисны Ерусалимӧ иудейяслӧн юралысьяс, юрнуӧдысьяс да Индӧдӧ велӧдысьяс.

Ап. уджъяс 4:8

Сэки Петыр, коді вӧлі тырӧма Вежа Лолӧн, шуис налы: «Войтырлӧн юралысьяс да юрнуӧдысьяс!