Езекиль 13:6 - Коми Библия 2023

⁶ Найӧ аддзӧны абутӧмсӧ, юӧртӧны ылӧгсӧ. Шуӧны, Господь пӧ висьталӧ, но Господь найӧс эз мӧдӧдлы. Та вылӧ видзӧдтӧг найӧ виччысьӧны, мый шуӧм кывныс инас.

Езекиль 13:6 ပူးပေါင်းရင်းမြစ်များ

Ӧксыяслӧн 3 небӧг 22:12

Тадзи пророкалісны тшӧтш мукӧд пророкъяс. Найӧ шуалісны: «Уськӧдчы галаадса Рамот кар вылӧ. Тэ верман. Господь сетас Рамот карсӧ тэнад киӧ, ӧксыӧй».

Ӧксыяслӧн 3 небӧг 22:15

Кор Микей локтіс ӧксы дінӧ, ӧксы юаліс: «Висьтав, Микей, уськӧдчыны-ӧ миянлы галаадса Рамот кар вылӧ?» Мӧдыс вочавидзис: «Уськӧдчы. Тэ верман. Господь сетас сійӧс тэнад киӧ, ӧксыӧй».

Ӧксыяслӧн 3 небӧг 22:27

Шуӧй налы, мый ӧксы тшӧктӧ йӧртны Микейӧс дзескыдінӧ да сетны сылы сӧмын нянь да ва, кытчӧдз ӧксы бӧр оз лок тыш вылысь».

Ӧксыяслӧн 3 небӧг 22:37

Тадзи куліс израильса ӧксы. Сылысь шойсӧ вайисны Самария карӧ да дзебисны сэні.

Ӧксыяслӧн 3 небӧг 22:6

Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

Шусьӧгъяс 14:15

Вежӧртӧм морт эскӧ быд кывлы, вежӧра морт мӧвпалӧ, кытчӧ воськовтны.

Еремей 14:14

Господь шуис меным: «Тайӧ пророкъясыс ылӧгсӧ висьталӧны Менам нимсянь. Ме найӧс эг мӧдӧдлы, эг пуктывлы пророкъясӧ, эг висьтавлы налы. Найӧ висьталӧны тіянлы ылӧг аддзылӧмъяс, ковтӧм юӧртӧмъяс да ассьыныс мӧвпъяссӧ.

Еремей 23:16

Господь Саваоф тадзи висьталӧ: энӧ кывзӧй тайӧ пророкъяссӧ. Найӧ пӧрйӧдлӧны тіянӧс, висьталӧны тіянлы ассьыныс аддзылӧмъяс, а оз Господьсянь петкӧдчылӧмъяс.

Еремей 28:1

Иудаса Седекей ӧксылӧн нёльӧд веськӧдлан воӧ, витӧд тӧлысьӧ, Господьлӧн крамын попъяс да став войтырыс дырйи Азурлӧн Хананей пиыс, Гаваонысь пророк, шуис меным:

Еремей 28:15

Еремей пророк шуис Хананей пророклы: «Кывзы, Хананей! Господь тэнӧ эз мӧдӧдлы. Тэ ышӧдан тайӧ войтырсӧ лача кутны ылӧг вылӧ.

Еремей 28:2

«Господь Саваоф, Израильлӧн Ен, тадзи висьталӧ: Ме жугӧда вавилонса ӧксылысь сийӧссӧ!

Еремей 29:31

«Пленӧ нуӧдӧм став йӧзыслы мӧдӧд гижӧд, мый Нехеламысь Шемай йылысь Господь тадзи висьталӧ: Ме эг мӧдӧдлы Шемайӧс, но сійӧ пророкалӧ тіянлы да ышӧдӧ тіянӧс лача кутны ылӧг вылӧ.

Еремей 29:8

Господь Саваоф, Израильлӧн Ен, тадзи висьталӧ: энӧ лэдзӧй тіян пӧвстын олысь пророкъяслы да туналысьяслы ылӧдлыны тіянӧс, энӧ кывзӧй вӧт висьталысьясӧс.

Еремей 37:19

Кӧні тіян пророкъясныд, кодъяс юӧртлісны тіянлы, мый вавилонса ӧксы оз пет тышӧ тіянлы да тайӧ муыслы паныд?

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Бӧрданкыв 2:14

Пророкъясыд висьтавлісны тэныд ковтӧм да ылӧг восьтӧмсӧ, а тэнсьыд мыжтӧ эз эрдӧдны, эз видзны тэнӧ пленӧ нуӧдӧмысь. Ковтӧм да пӧрйӧдлан аддзылӧмъяс найӧ юӧртісны тэныд.

Езекиль 13:7

Найӧ аддзӧны абутӧмсӧ да юӧртӧны ылӧгсӧ. Найӧ шуӧны, Господь пӧ висьталӧ, а Ме эг висьтав.

Езекиль 21:23

Ерусалимын олысьяс нинӧмӧ пуктӧны тайӧ тунасьӧмсӧ. Но вавилонса ӧксылы тӧд вылас усяс, мый Ерусалимын олысьяс торкисны кыв сетӧмнысӧ, и сійӧ босьтас найӧс пленӧ.

Езекиль 21:29

Аммон войтырлы висьталӧны абутӧмсӧ да ылӧгсӧ. Вавилонса шыпурт суас найӧс, лёксӧ да пежсӧ вӧчысьясӧс, ӧд воис найӧс мыждан луныс, налӧн лёк уджъяслы воис пом.

Езекиль 22:28

Ерусалимса пророкъяс ставсӧ тайӧс дзебӧны еджыдӧн стенсӧ мавтысьяс моз. Найӧ аддзӧны абутӧмсӧ, висьталӧны ылӧгсӧ. Шуӧны, Господь Ыджыдыс пӧ тадзи висьталӧ, но Господь налы эз висьтавлы.

Закар 10:2

Гортса бӧлбанъяс висьталӧны нинӧм абусӧ, туналысьяс аддзӧны ылӧгторъяс, висьталӧны пӧръясяна вӧтъяс, ышӧдӧны нинӧм абунас. Та вӧсна войтырыс шӧйтӧ вошӧм ыж чукӧр моз, сьӧкыдалӧ видзысьтӧгыс.

Марк 13:6

Унаӧн Менам нимӧн локтасны да шуасны, ме пӧ Сійӧ, да унаӧс ылӧдасны.

2 Фессалоникаӧ 2:11

Та вӧсна Енмыс лэдзас ылӧдлыны найӧс, медым найӧ эскисны ылӧгыслы.

2 Петыр 2:18

Тшап да ковтӧм сёрнинаныс найӧ ӧзтӧны вир-яйлысь лёкколӧмсӧ да зільӧны кыскыны лэдзчысьӧм оласногӧ найӧс, кодъяс муртса на мынӧмаӧсь ылалӧм йӧзысь.