Езекиль 13:13 - Коми Библия 2023

¹³ Господь Ыджыдыс тадзи висьталӧ: Ме скӧрма да кыпӧда ыджыд тӧвныр, ярлунӧн кисьта сувтса зэр, лӧглунӧн лэдза шер, медым бырӧдны стенсӧ.

Езекиль 13:13 ပူးပေါင်းရင်းမြစ်များ

Иов 38:22

Пыралін-ӧ тэ лым видзанінъясӧ, аддзылін-ӧ тэ шерлысь йӧртӧдъяссӧ?

Иов 38:23

Ме видза найӧс сьӧкыд кад кежлӧ, тышӧ петан лун кежлӧ.

Псалтыр 105:32

Мерива ва дорын найӧ бара дӧзмӧдісны Господьӧс, и Мӧисейлы ковмис сьӧкыдавны на вӧсна.

Псалтыр 148:8

Ошкӧй Сійӧс, би и шер, лым и ру, ошкы, Сылӧн тшӧктӧм серти пӧльтысь ыджыд тӧвныр!

Исай 30:30

Господьлӧн вына шыыс грымӧбтас, Сійӧ петкӧдлас Ассьыс вына кисӧ, Сылӧн скӧрлуныс лоӧ вывті яр, ставсӧ сотысь би кодь, бушков да сувтса зэр кодь, гырысь шер кодь.

Еремей 23:19

Со, Господьсянь кыпӧдчӧ ыджыд тӧвныр, Сылӧн скӧрлуныс локтӧ тӧвныр моз, гартчӧ лёк вӧчысьяслӧн юр весьтын.

Бӧрданкыв 2:1

Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.

Бӧрданкыв 2:3

Скӧрйывсьыс Сійӧ жугӧдіс Израильлысь вынсӧ, вештіс сы вылысь Ассьыс веськыд кисӧ, эз видз сійӧс вӧрӧгысь. Сійӧ сотіс Яковӧс ыпъялысь биӧн, мый ньылыштӧ ставсӧ.

Бӧрданкыв 2:4

Паныд сувтысь моз Сійӧ зэвтіс Ассьыс ньӧввужсӧ, мустӧмтысь моз веськӧдіс мелань кисӧ. Сійӧ виис-бырӧдіс ставсӧ, мый долыдмӧдӧ синтӧ. Биӧс моз Сійӧ кисьтіс Ассьыс скӧрлунсӧ Сион нывлӧн оланін вылӧ.

Езекиль 1:4

Ме аддзи, мый войвывсянь кыпӧдчис ён тӧвныр. Сійӧ локтіс ыджыд кымӧрӧн да сявкйысь чардбиӧн. Кымӧрыс ставнас югъяліс-дзирдаліс.

Езекиль 13:12

сэки стенмыс киссяс, и налысь юаласны, кӧні налӧн гудрасныс, мыйӧн мавтісны стенсӧ.

Левит 26:28

Ме скӧрмӧмӧн тіянлы паныд сувта да сизим пӧвстӧн мыжда тіянӧс мыжъяссьыныд.

Иона 1:4

Но Господь ыстіс саридз вылӧ ыджыд тӧвныр. Кыптіс бушков, саридз гызис, и корабль вӧлі жугласянвыйын.

Аггей 2:17

Сотысь тӧвруӧн, висьӧмӧн да шерӧн Ме бырӧдлі тіян видз-му вылысь няньнытӧ да став быдтаснытӧ, но ті энӧ бергӧдчӧй Ме дінӧ, – висьталӧ Господь.

Восьтӧм 11:19

Енэжас воссис Енлӧн крамыс, и крамысь тыдовтчис Йитӧд куд. Сэки кутіс чардавны-гымавны, кылісны гора шыяс, муыс кутіс вӧрны, да киссис гырысь шер.

Восьтӧм 16:21

Йӧзыс вылӧ енэжсянь киссис зэв гырысь шер, шер тусьыс сьӧктанас вӧлі комын кило мында. Йӧзыс лёкӧдісны Енсӧ тайӧ шерсьыс, ӧд тайӧ бырӧданторйыс вайис налы уна сьӧкыдлун.

Восьтӧм 8:7

Кор медводдза анделыс тутсіс трубаӧ, му вылӧ киссис вир сора биа шер. Сэки сотчис пуяслӧн коймӧд юкӧныс да став веж туруныс.