Езекиль 12:15 - Коми Библия 2023

¹⁵ Кор Ме разӧда найӧс войтыръяс пӧвстӧ да шердъя мукӧд муясӧ, сэки найӧ тӧдмаласны, мый Ме – Господь.

Езекиль 12:15 ပူးပေါင်းရင်းမြစ်များ

Псалтыр 9:16

Войтыръяс усисны гуӧ, кодӧс асьныс кодйисны. Налӧн кокныс шедіс налькйӧ, кодӧс асьныс пуктісны.

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Еремей 49:32

Налысь верблюдъяссӧ мырддясны, уна лыда ыж-мӧссӧ босьтасны. Ме разӧда разі-пели тайӧ йӧзсӧ, кодъяс шырӧны юрсинысӧ пель боксьыныс, мӧдӧда налы быдласянь шог, – висьталӧ Господь. –

Езекиль 11:10

и ті куланныд шыпурт помысь. Ме мыжда тіянӧс Израиль керӧсъяс вылын, и ті тӧдмаланныд, мый Ме – Господь.

Езекиль 12:16

Но ӧткымынӧс на пиысь Ме видза шыпуртысь, тшыгъялӧмысь да пӧрӧс висьӧмысь, медым найӧ висьталасны асланыс зывӧк уджъясныс йылысь войтыръяслы, кодъяс пӧвстӧ овмӧдчасны. Сэки тӧдмаласны, мый Ме – Господь».

Езекиль 12:20

Олан каръясныс киссясны, муныс овтӧммас. Сэки ті тӧдмаланныд, мый Ме – Господь».

Езекиль 14:18

весиг сэки, – висьталӧ Господь Ыджыдыс, – тайӧ куим мортыс эськӧ эз вермыны мездыны ныв-пинысӧ, а мездмисны сӧмын асьныс. Тайӧс Ме Ачым кыв сетӧмӧн шуа.

Езекиль 24:27

Сійӧ лунӧ, кор тайӧ пышйӧм мортыс локтас, воссяс тэнад кыв-ворыд, и тэ пондан сёрнитны. Тэ лоан аслад войтырлы пасӧн, и найӧ тӧдмаласны, мый Ме – Господь».

Езекиль 25:11

Кор Ме мыжда моав войтырӧс, найӧ тӧдмаласны, мый Ме – Господь».

Езекиль 26:6

и Тирсянь саридз бокӧ паськӧдчӧм сиктъясын олысьяс шыпурт помысь куласны. Сэки Тирын олысьяс тӧдмаласны, мый Ме – Господь.

Езекиль 28:26

Найӧ кутасны сэні повтӧг овны, лэптасны керкаяс да пуктасны виноград пуяс. Кутасны повтӧг овны, ӧд Ме мыжда на гӧгӧр олысь войтыръясӧс, кодъяс мустӧмтісны найӧс. Сэки найӧ тӧдмаласны, мый Ме – Господь, налӧн Ен».

Езекиль 33:33

Тэнад кывъясыд регыд инасны. Сэки тайӧ войтырыс тӧдмалас, мый на дінӧ воліс пророк».

Езекиль 39:28

Ме некодӧс ог коль, а ставнысӧ бӧр чукӧрта асланыс муӧ мукӧд войтыръяс пӧвстысь, кытчӧ разӧдлі найӧс. Сэки израильсаяс тӧдмаласны, мый Ме – Господь, налӧн Ен.

Езекиль 5:10

Батьыс кутас сёйны писӧ, а пияныс кутасны сёйны батьнысӧ. Ме мыжда тэнӧ, Ерусалим, а тэнсьыд ловйӧн кольӧмаястӧ тӧвйыв разӧда.

Езекиль 5:13

Ме кисьта Ерусалимын олысьяс вылӧ Ассьым скӧрлунӧс, койышта на вылӧ Ассьым ярлунӧс, и сӧмын та бӧрын бурмас Менам сьӧлӧмӧй. Кор Менам скӧрлунӧй мунас на вывті, найӧ тӧдмаласны, мый вежӧгтӧмпырысь Ме, Господь, мыжді найӧс.

Езекиль 6:14

Ме лэпта на вылӧ Ассьым киӧс да кушта тайӧ муысь налысь оланінъяссӧ овтӧминсянь Ривла карӧдз. Сэки найӧ тӧдмаласны, мый Ме – Господь».

Езекиль 6:7

Тіян пӧвстысь унаӧс лоӧ виӧма. Сэки ті тӧдмаланныд, мый Ме – Господь!

Езекиль 7:4

Ме ог жалит тэнӧ, ог бурсьӧлӧмтчы тэ дінӧ. Ме мынтыся тэныд олан туйыд серти, зывӧк вӧчӧмсьыд тэ кывкутан. Сэки ті тӧдмаланныд, мый Ме – Господь.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.