Езекиль 11:12 - Коми Библия 2023

¹² Сэки ті тӧдмаланныд, мый Ме – Господь. Ті ӧд энӧ олӧй Менам индӧд-тшӧктӧмъяс серти, а олінныд тіян гӧгӧр олысь войтыръяслӧн индӧдъяс серти».

Езекиль 11:12 ပူးပေါင်းရင်းမြစ်များ

Ӧксыяслӧн 3 небӧг 11:33

Ме вӧча тадзи, ӧд Израиль войтыр эновтіс Менӧ да кутіс юрбитны сидонсаяслӧн Астарта енлы, моавсаяслӧн Кемош енлы да аммон войтырлӧн Милком енлы. Найӧ оз ветлыны Менам туйӧд, оз вӧчны Ме водзын шогманасӧ, оз овны Менам индӧд-тшӧктӧмъяс серти, оз овны Соломонлӧн Давид батьыс моз.

Ӧксыяслӧн 4 небӧг 16:3

Сійӧ ветліс израильса ӧксыяслӧн туйӧд, весиг сотіс биын ассьыс писӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 18:12

Тайӧ ставыс суис Израиль войтырӧс сы понда, мыйла найӧ эз кывзысьны асланыс Господь Енлысь, торкисны Господьлысь йитӧдсӧ, мый Сійӧ кӧрталіс накӧд, торкисны став индӧд-тшӧктӧмсӧ, мый сетліс налы Мӧисей, Господьлӧн кесйӧг. Найӧ эз кывзыны сылысь тшӧктӧмъяссӧ да эз овны на серти.

Ӧксыяслӧн 4 небӧг 21:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 21:22

Сійӧ эновтіс Господьӧс, аслас батьяслысь Енсӧ, да эз ветлы Господьлӧн туйӧд.

Ӧксыяслӧн 4 небӧг 21:9

Но Израиль войтыр эз кывзысь Господьлысь. Манассей кежӧдіс найӧс лёкас. Найӧ вӧчисны лёксӧ унджык на сійӧ войтыръясыс дорысь, кодъясӧс Господь бырӧдіс Израиль войтыр водзысь.

2 Каднебӧг 13:9

Господьлысь попъясӧс – Ааронсянь чужысьясӧс – да левитъясӧс ті вӧтлінныд. Мукӧд войтыръяс моз ті асьныд пуктінныд аслыныд попъясӧс. Быдӧн, коді локтӧ асьсӧ вежӧдӧм могысь да вайӧдӧ ӧшкӧс да сизим межӧс, сійӧ и лоӧ ылӧг енъяслӧн попӧн.

2 Каднебӧг 28:3

Бен-Хинном ковтысын сійӧ сотліс висьяс ылӧг енъяслы, сотліс биын ассьыс пиянсӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

2 Каднебӧг 36:14

Попъяслӧн да войтырлӧн юралысьясыс тшӧтш эновтісны Господьӧс. Мукӧд войтыр моз найӧ вӧчисны пежсӧ да пежалісны Господьлысь крамсӧ, мый Сійӧ вежӧдіс Ерусалимын.

Ездра 9:7

Батьяслӧн кадсянь и ӧнӧдз миян вылын куйлӧ ыджыд мыж. Асланым мыжъяс вӧсна ми асьным, миян ӧксыяс и попъяс шедім мукӧд войтырлӧн ӧксыяс киӧ да шыпурт улӧ. Найӧ нуӧдісны миянӧс пленӧ, мырддялісны эмбурнымӧс да янӧдісны миянӧс. Тадзи найӧ вӧчӧны весиг талун.

Неемий 9:33

Быдторйын, мый суис миянӧс, Тэ веськыда вӧчин, ӧд Тэ веськыд, а ми – мыжаӧсь.

Неемий 9:34

Миян ӧксыяс, юралысьяс, попъяс да батьяс эз овны Тэнад Индӧд серти, эз кывзыны Тэнсьыд тшӧктӧмъястӧ, вунӧдісны Тэнсьыд ӧлӧдӧмъястӧ.

Псалтыр 78:10

Мыйла лэдзан войтыръяслы шуасьны: «Кӧні налӧн Енмыс?» Тэнад кесйӧгъяслысь вирсӧ кисьтӧмысь сет миянлы аддзыны водзӧс перйӧмтӧ. Та йылысь мед тӧдмаласны войтыръяс!

Еремей 10:2

Господь тадзи висьталӧ: – Энӧ олӧй мукӧд войтыръяс моз, на моз энӧ полӧй енэжвывса индысьпасъясысь.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Езекиль 11:21

Но зывӧкторъяслы юрбитысьяслы Ме мынтыся олан туйныс серти, – висьталӧ Господь Ыджыдыс».

Езекиль 18:8

Сетӧ кӧ уджйӧзӧн, бӧрсӧ содтӧдӧн оз босьт. Лёксӧ сійӧ оз вӧч, а вензьӧмъяс дырйи веськыда мыждӧ.

Езекиль 18:9

Сійӧ сьӧлӧмсяньыс олӧ Менам индӧд-тшӧктӧмъяс серти. Сійӧ – веськыда олысь, и овны кутас, – висьталӧ Господь Ыджыдыс.

Езекиль 20:16

Найӧ вештісны Менсьым индӧд-тшӧктӧмъясӧс бокӧ, эз овны на серти, пежалісны Менсьым шойччан лунӧс, ӧд сьӧлӧмнысӧ бергӧдісны идолъяслань.

Езекиль 20:21

Но найӧ тшӧтш кыпӧдчисны Меным паныд, эз овны Менам индӧд-тшӧктӧмъяс серти, медым видзны ассьыныс олӧмнысӧ. Нӧшта найӧ пежалісны Менсьым шойччан лунӧс. Сэки Ме шуи, мый овтӧминын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 20:24

сыысь, мый найӧ эз овны Менам индӧд-тшӧктӧмъяс серти, а бокӧ вештісны найӧс, пежалісны Менсьым шойччан лунӧс да синнысӧ бергӧдісны асланыс батьяслӧн идолъяслань.

Езекиль 5:6

Но Ерусалимын олысьяс кыпӧдчисны Менам индӧд-тшӧктӧмъяслы паныд, мукӧд войтыръяс дорысь унджык лёксӧ вӧчисны да ёнджыка на Менсьым тшӧктӧмъясӧс торкисны. Найӧ бокӧ вештӧмаӧсь Менсьым тшӧктӧмъясӧс, оз овны Менам индӧдъяс серти.

Езекиль 8:10

Ме пыри да аддзи, мый стен пасьталаыс вӧлі серпасалӧма гаг-веглясьысьясӧс, пеж пемӧсъясӧс да Израиль войтырлысь идолъяссӧ.

Езекиль 8:14

Господь вайӧдіс менӧ Господьлӧн крамӧ пыран войвыв дзиръя дорӧ. Сэні ме аддзи пукалысь аньясӧс, кодъяс бӧрдісны Таммуз идол вӧсна.

Езекиль 8:16

Господь вайӧдіс менӧ крамлӧн пытшкӧс йӧрӧ. Крам пыранін дорын, посводз да висьпуктанін костын, сулалісны кызь вит кымын айлов. Найӧ сулалісны Господьлӧн крамлы мышкӧн, чужӧмнаныс асыввылӧ, да копрасисны шонділы.

Даниил 9:10

Ми эгӧ кывзысьӧй Тэнсьыд, Господьӧй, миян Енмӧй, эгӧ олӧй Тэнад тшӧктӧмъяс серти, мый Тэ сетін пророкъяс пыр, кодъяс кесъялісны Тэныд.

Левит 18:3

Энӧ вӧчӧй Египет муын олысьяс моз, кодъяс пӧвстын ті олінныд. Ме нуӧда тіянӧс Ханаан муӧ, но энӧ вӧчӧй сэні олысьяс моз, энӧ олӧй налӧн оласног серти.

Левит 26:40

Но найӧ висьтасясны асланыс да батьясныслӧн мыжысь, Меным паныд сувтӧмысь да Менӧ эновтӧмысь,