Езекиль 1:24 - Коми Библия 2023

²⁴ Ме кылі налӧн бордъяслысь шысӧ. Сійӧ вӧлі бузгысь ыджыд ва кодь, Ставсӧвермысьлӧн гӧлӧс шы кодь. Ловъя олысьяслӧн муніганыс борд шыныс вӧлі уна лыда тышкайӧзлӧн восьлалӧм шы кодь. А кор найӧ сувтлісны, борднысӧ лэдзлісны.

Езекиль 1:24 ပူးပေါင်းရင်းမြစ်များ

Ӧксыяслӧн 4 небӧг 7:6

Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».

Иов 37:2

Кывзӧй, кывзӧй Енлысь гӧлӧс шысӧ, Сылӧн вомысь петӧ гымалӧм.

Псалтыр 18:13

Коді казялас ассьыс мыжъяссӧ? Господьӧй, весав менӧ гуся мыжъясысь,

Псалтыр 68:33

Тайӧс аддзасны рам сьӧлӧмаяс да кутасны нимкодясьны, Енсӧ корсьысьяслӧн сьӧлӧмныс ловзяс.

Езекиль 10:5

Херувимъяслӧн борд шыныс кыліс весиг ортсы йӧрӧдз, сійӧ вӧлі Ставсӧвермысь Енлӧн гӧлӧс шы кодь.

Езекиль 3:13

Ме кылі ловъя олысьяслысь борд шысӧ, ӧта-мӧдныслы инмалӧмсӧ. Ме кылі гӧгыльяслысь шысӧ да горасьыс-гора грымакылӧм.

Езекиль 43:2

Ме аддзи, мый асыввывсянь матыстчӧ Израиль Енлӧн дзирдлуныс. Ме кылі бузгысь ыджыд валысь кодь шы. Господьлӧн дзирдлунысь муыс югдіс.

Даниил 10:6

Сылӧн вир-яйыс вӧлі хризолит из кодь, чужӧмыс – чардби кодь, синмыс – би кодь, киыс да кокыс югъялісны весалӧм ыргӧн моз, гӧлӧс шыыс вӧлі уна лыда йӧзлӧн шы кодь.

Восьтӧм 1:15

Сылӧн кокыс дзирдаліс пачын донӧдӧм ыргӧн моз, а гӧлӧс шыыс Сылӧн вӧлі бузгысь валӧн шы кодь.

Восьтӧм 19:6

Сэсся ме кылі йӧз чукӧрлысь шысӧ, быттьӧ уна шор бузгис-визувтіс, и чорыда гымаліс. Найӧ шуалісны: – Аллилуйя! Господь, Ставсӧвермысь Ен, ӧні лоис Ӧксыӧн!