Ездра 4:20 - Коми Библия 2023

²⁰ Ерусалим вылын ыджыдалӧмаӧсь вына ӧксыяс. На улын вӧлӧма став Авар-Нахара муыс, и сэтчӧс олысьясыс налы мынтылӧмаӧсь вот.

Ездра 4:20 ပူးပေါင်းရင်းမြစ်များ

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Ӧксыяслӧн 3 небӧг 4:21

Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.

Ӧксыяслӧн 3 небӧг 4:24

Соломон кипод улын вӧліны Ефрат ю таладор муяс – Типсахсянь Газаӧдз. Соломон ыджыдаліс сэтчӧс ӧксыяс вылын. Быдлаын, кӧні сійӧ ыджыдаліс, войтыръяс олісны лӧня.

Ӧксыяслӧн 3 небӧг 5:1

Кор тирса Хирам ӧксы тӧдмаліс, мый Соломонӧс мавтыштӧмӧн пуктӧмаӧсь ӧксыӧ батьыс пыдди, мӧдӧдіс сы дінӧ ассьыс кесйӧгъяссӧ. Хирам Давидкӧд пыр вӧліны ёртъясӧн.

Ӧксыяслӧн 3 небӧг 5:4

Ӧні Господь, менам Енмӧй, сетіс меным быдласянь лӧньлун: паныд сувтысьяс абуӧсь, миян вылӧ некод оз усьлась.

1 Каднебӧг 18:13

Став Эдом пасьтала сійӧ сувтӧдаліс тышкакотыръяс. Эдомсаяс шедісны Давидлӧн кипод улӧ. Господь быд тышын отсаліс Давидлы вермыны.

1 Каднебӧг 18:3

Давид пасьвартіс и цова-хаматса Ададезер ӧксыӧс, коді буретш вӧлі мунӧ, медым босьтны Ефрат ю дорысь муяссӧ.

1 Каднебӧг 18:6

Дамаскӧ Давид сувтӧдаліс ассьыс тышкакотыръяссӧ. Тадзи арамейяс шедісны Давидлӧн кипод улӧ да кутісны мынтыны сылы вот. Господь быд тышын отсаліс Давидлы вермыны.

1 Каднебӧг 19:19

Кор Ададезерлӧн киподувса ӧксыяс аддзисны, мый израильсаяс вермисны найӧс, сэки сёрнитчисны Давидкӧд, мед пом пуктыны тышныслы, сэсся сетчисны сылы. Арамейяс сэсся эз нин кӧсйыны отсавны аммон войтырлы.

2 Каднебӧг 17:11

Филистимсаяс вайлісны Иосафатлы козинъяс да вот пыдди эзысь, арабъяс вайлісны сылы сизим сюрс сизимсё межӧс да сизим сюрс сизимсё ай кӧзаӧс.

2 Каднебӧг 9:14

Таысь ӧтдор вузасьысьяс мынтылісны сылы вот, а ӧксыув муясын юралысьяс да аравияса ӧксыяс вайлісны сылы эзысь-зарни.

Ездра 4:13

Та вӧсна сетам тӧдны тэныд, ӧксыӧй: найӧ кӧ лэптасны карнысӧ да кыпӧдасны стенсӧ, сэки дугдасны мынтыны тэныд воттӧ. Тадзикӧн ӧксы кудйыд вермас кушмыны.

Ездра 4:16

Ми юӧртам тэныд, ӧксыӧй: карсӧ кӧ лэптасны да карса стенсӧ кыпӧдасны, сэки Авар-Нахара мутӧ воштан».

Ездра 4:19

Ме тшӧкті видзӧдлыны важ пасйӧдъяс. И збыльысь, тайӧ карыс, вӧлӧмкӧ, важысянь нин кыпӧдчӧ ӧксыяслы паныд, и сійӧ пыр шызьӧма-гызьӧма.

Ездра 4:21

Сідзкӧ, карсӧ лэптысьяслы тшӧктӧй, мед дугдасны уджавнысӧ. Менам тшӧктытӧдз мед карсӧ оз лэптыны.

Ездра 7:24

Нӧшта тшӧкта, мый оз ков босьтны вот попъяслысь, левитъяслысь, сьылысьяслысь, дзиръя видзысьяслысь, крамбердса кесйӧгъяслысь да мукӧдлысь, кодъяс уджалӧны Енлӧн крамын.

Псалтыр 72:8

Найӧ сералӧны да лёкӧдӧны, суклясьӧны да ышнясьӧмӧн сёрнитӧны.

Бӧрданкыв 1:1

Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.

Езекиль 19:11

Ёнӧсь вӧліны вожъясыс, юралан бедьяс наысь вӧчисны. Сійӧ пашкыртчис да вылӧ кыпӧдчис, лои джуджыд да уна вожа, та вӧсна ылӧдз тыдаліс.

Матвей 9:9

Исус водзӧ муніс да аддзис вотчукӧртанінын пукалысь Матвей нима мортӧс. Исус шуис сылы: «Лок Ме бӧрся». Сійӧ чеччис да муніс Исус бӧрся.