Еврейяслы 9:27 - Коми Библия 2023

²⁷ Мортыслы шуӧма кувны ӧтчыдысь, сэсся лоӧ мыждӧм.

Еврейяслы 9:27 ပူးပေါင်းရင်းမြစ်များ

Олӧм 3:19

Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

Ӧксыяслӧн 2 небӧг 14:14

Ми ставным коркӧ кулам, лоам муӧ кисьтӧм ва кодьӧн, кодӧс бӧр он курав. Но Енмыс оз кӧсйы бырӧдны мортсӧ. Мӧдарӧ, Сійӧ зільӧ сибӧдны ӧтдортӧмаӧс.

Иов 14:5

Тэнад кӧ индӧма нин мортлысь олан лунъяссӧ, арталӧма сылысь тӧлысь лыдсӧ, пасйӧма олан нэмыслысь помсӧ, мый сійӧ оз вермы вежны,

Иов 19:25

Но ме тӧда, менам Мездысьӧй ловъя! Сійӧ медбӧръяыс, коді сувтас му вылӧ.

Иов 30:23

Ме тӧда: Тэ менӧ вайӧдан кулӧмас, сэтчӧ, кытчӧ чукӧртчас став ловъя олысьыс.

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Еклесиаст 12:14

Енмыс веськыда мыждас мортӧс быд уджысь, бурсьыс и лёксьыс, весиг сыысь, мый вӧлі гусьӧн вӧчӧма.

Еклесиаст 12:7

Муысь вӧчӧм вир-яйыд бӧр бергӧдчас муӧ, а лолыд бӧр мунас Ен дінӧ, коді сетіс сійӧс.

Еклесиаст 3:2

Эм кад чужны и кувны, пуктысьны и идравны,

Еклесиаст 3:20

Ставыс мунӧ ӧтилаӧ: ставсӧ вӧчӧма муысь, и ставыс бӧр бергӧдчӧ муӧ.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Еклесиаст 9:5

Ловъяяс тӧдӧны, мый куласны, а кулӧмаяс оз тӧдны нинӧм. Налы оз нин ло удждоныс, ӧд найӧс вунӧдӧма.

Лука 20:32

Медбӧрын аньыс куліс.

Ап. уджъяс 17:31

Ӧд Сійӧ индіс лун, кор пондас веськыда мыждыны став муюгыдсӧ водзвыв индӧм Морт пыр. Ассьыс шуӧмсӧ быдӧнлы тӧдмӧн Енмыс вынсьӧдіс, кор ловзьӧдіс Сійӧс кулӧмысь».

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Римӧ 5:12

Ӧти морт пыр муюгыдас пырис мыжыс, мыжнас – кулӧмыс. Тадзи кулӧмыс вуджис быд морт вылӧ, ӧд ставныс мыжмисны.

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

2 Тимофейлы 4:1

Ен водзын да Господь Исус Кристос водзын, коді кутас мыждыны ловъяясӧс да кулӧмаясӧс, Сылысь локтӧмсӧ да Юралӧмсӧ тӧд вылын кутӧмӧн кора тэнӧ:

Еврейяслы 10:27

Сӧмын ыджыд полӧмӧн ковмас виччысьны мыждӧмсӧ да яр бисӧ, мый бырӧдас Енлы паныд кыпӧдчысьясӧс.

Еврейяслы 6:2

пыртчӧм да ки пуктылӧм йылысь, кулӧмысь ловзьӧм да пыр кежлӧ мыждӧм йылысь.

1 Иоан 4:17

Сідзкӧ, муслуныс тыр-бурӧдз воӧма миян пытшкын. Та вӧсна вермам повтӧг сувтны мыждан лунӧ, ӧд ми тайӧ муюгыдас Кристос кодьӧсь.

Иуда 1:15

медым мыждыны став йӧзсӧ. Сійӧ мыждӧ Ентӧг олысьясӧс налӧн лёк уджъясысь да янӧдӧ мыж вӧчысьясӧс, кодъяс шуасисны Господь вылӧ лёкӧдан кывъясӧн».

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.