Еврейяслы 11:37 - Коми Библия 2023

³⁷ Мӧдъясӧс изъялісны, быд ногыс дойдалісны, пилитісны шӧрипӧв да виисны шыпуртӧн. Коймӧдъяс ветлісны кӧза да ыж ку паськӧмӧн, пыкисны гӧльлун, найӧс нӧйтісны да вӧтлісны.

Еврейяслы 11:37 ပူးပေါင်းရင်းမြစ်များ

Ӧксыяслӧн 2 небӧг 12:31

Карса олысьясӧс тшӧтш петкӧдіс. Сійӧ сьӧкыда уджӧдіс найӧс: ӧтияс уджалісны чер-пилаӧн, мӧдъяс – кӧрт коканӧн, коймӧдъяс сотісны кирпич. Тадзи Давид вӧчис аммон войтырлӧн быд карын, а сэсся аслас тышкайӧзкӧд бӧр локтіс Ерусалимӧ.

Ӧксыяслӧн 3 небӧг 18:13

Тэ ӧмӧй эн кывлы, менам ыджыдӧй, мый ме отсалі сё пророклы дзебсьыны, кор Езавель виаліс Господьлысь пророкъясӧс. Кык кырта горсйӧ ветымын мортӧн дзеби, верді-юкталі найӧс сэні.

Ӧксыяслӧн 3 небӧг 18:4

Кор Езавель виаліс Господьлысь пророкъясӧс, Авдий отсаліс сё пророклы дзебсьыны кырта горсъясӧ: быд горсйӧ дзебсисны ветымын мортӧн. Авдий вердіс-юкталіс найӧс сэні.

Ӧксыяслӧн 3 небӧг 19:1

Ахав висьталіс Езавель гӧтырыслы ставсӧ, мый вӧчис Илля, и кыдзи сійӧ шыпуртӧн виис Вааллысь став пророксӧ.

Ӧксыяслӧн 3 небӧг 19:10

Илля вочавидзис: «Господьӧй, Тэ – Ен Саваоф. Ме век кесъялі тэныд став сьӧлӧмсянь. Израиль войтыр ӧтдортіс Тэнсьыд йитӧдтӧ, мый Тэ кӧрталін накӧд. Найӧ жуглісны Тэнсьыд висьпуктанінъястӧ, виалісны шыпуртӧн пророкъястӧ, ӧтнам ме ловйӧн коли. Ӧні корсьӧны вины тшӧтш менӧ».

Ӧксыяслӧн 3 небӧг 19:13

Тайӧс кылігӧн Илля тупкис чужӧмсӧ аслас кышанӧн, петіс кырта горсйысь да сувтіс кырта горсйӧ пыранін дорас. И кыліс гӧлӧс шы: «Илля, тэ мыйла тані?»

Ӧксыяслӧн 3 небӧг 19:14

Илля вочавидзис: «Господьӧй, Тэ – Ен Саваоф. Ме век кесъялі тэныд став сьӧлӧмсянь. Израиль войтыр ӧтдортіс Тэнсьыд йитӧдтӧ, мый Тэ кӧрталін накӧд. Найӧ жуглісны Тэнсьыд висьпуктанінъястӧ, виалісны шыпуртӧн пророкъястӧ, ӧтнам ме ловйӧн коли. Ӧні корсьӧны вины тшӧтш менӧ».

Ӧксыяслӧн 3 небӧг 19:19

Илля петіс туйӧ. Мунігмозыс сійӧ аддзис Шафатлысь Елисей писӧ, коді вӧлі гӧрӧ. Елисей водзвылын восьлалісны дас кык гоз ӧш, ачыс сійӧ гӧрис дас кыкӧд гознас. Елисей дінті мунігӧн Илля шыбитіс сы вылӧ ассьыс кышансӧ.

Ӧксыяслӧн 3 небӧг 21:10

Навотлы воча пуксьӧдӧй кык шогмытӧм мортӧс. Найӧ мед шуасны: ”Тэ омӧльтін Енмӧс да ӧксыӧс”. Та бӧрын петкӧдӧй сійӧс карсьыс да кувтӧдзыс изъялӧй».

Ӧксыяслӧн 4 небӧг 1:8

Ӧксылы вочавидзисны: «Сы вылын вӧлі гӧна паськӧм, коскас – кучик тасма». Ӧксы шуис: «Тайӧ Тишби карысь Илля».

Ӧксыяслӧн 4 небӧг 2:13

Сійӧ лэптіс Иллялысь му вылӧ усьӧм кышансӧ да бӧр муніс Йӧрдан ю дорӧ.

Ӧксыяслӧн 4 небӧг 2:8

Илля пӧрччис ассьыс кышансӧ, гартыштіс сійӧс да кучкис сыӧн ваӧ. Ваыс шӧри потіс, и найӧ вуджисны юсӧ косінті.

1 Каднебӧг 20:3

Карса олысьясӧс тшӧтш петкӧдіс. Сійӧ сьӧкыда уджӧдіс найӧс: ӧтияс уджалісны чер-пилаӧн, мӧдъяс – кӧрт коканӧн. Тадзи Давид вӧчис аммон войтырлӧн быд карын, а сэсся аслас тышкайӧзкӧд бӧр локтіс Ерусалимӧ.

2 Каднебӧг 24:21

Войтырыс сувтіс Закарлы паныд. Йоас ӧксылӧн тшӧктӧм серти Господьлӧн крам йӧрын сійӧс кувтӧдзыс изъялісны.

Еремей 2:30

Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].

Еремей 26:23

Найӧ петкӧдісны Урийӧс Египетысь да вайӧдісны Ехояким ӧксы дінӧ. Ӧксы виис сійӧс шыпуртӧн, а шойсӧ шыбитіс войтырлӧн шойна вылӧ.

Закар 13:4

Сэки мукӧд ылӧгпророкъяслы яндзим лоӧ асланыс восьтӧмъясысь. Найӧ оз нин кутны пророкавны да пророк моз оз кутны пасьтасьны гӧнысь кыӧм паськӧмӧ, мед ылӧдлыны йӧзсӧ.

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Матвей 21:35

Виноград быдтысьяс кутасны кесйӧгъяссӧ: ӧтиӧс нӧйтасны, мӧдӧс виасны, мукӧдсӧ изъяласны.

Матвей 3:4

Иоан новліс верблюд гӧнысь кыӧм паськӧм, коскас вӧнявліс кучик тасма, сёйліс чирк да видзвыв ма.

Матвей 8:20

Исус шуис сылы: «Ручьяслӧн эмӧсь пырмӧсъяс, и енэжвыв лэбачьяслӧн эмӧсь позъяс, сӧмын Морт Пилӧн шойччаніныс абу».

Лука 13:34

Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.

Ап. уджъяс 14:19

Антиокияысь да Иконияысь локтісны сэтчӧ кодсюрӧ иудейяс. Кор апостолъяс повтӧг бурвисьтавлісны, иудейяс эскӧдісны йӧзсӧ, мед найӧ ылыстчасны апостолъясысь. Иудейяс шуисны: «Налӧн висьталӧмныс абу збыль, найӧ сӧмын пӧръясьӧны». Тадзи найӧ кыпӧдісны йӧзсӧ апостолъяслы паныд, йӧзыс изъялісны Павелӧс да кыскисны кар саяс, чайтісны, мый кулӧма нин.

Ап. уджъяс 7:52

Эз вӧв пророк, кодӧс эськӧ эз вӧтлыны тіян батьяс. Найӧ виисны пророкъясӧс, кодъяс висьталісны Веськыда Олысьлӧн локтӧм йылысь. Тайӧ Веськыда Олысьсӧ ті вузалінныд да виинныд.

2 Коринфӧ 12:10

Ме нимкодяся вынтӧмлун дырйи, менӧ лёкӧдігӧн, дзескӧдігӧн, вӧтлігӧн да Кристос вӧсна сьӧкыдсӧ нуигӧн. Ӧд кор ме вынтӧм, сэки ён!

Еврейяслы 11:25

Сійӧ лыддис, мый бурджык Ен войтыркӧд нуны сьӧкыдсӧ, дженьыдик кад мыжа олӧмнас нимкодясьӧм дорысь.

Еврейяслы 13:3

Тӧждысьӧй дзескыдінын пукалысьяс вӧсна, быттьӧ ті на моз пукаланныд дзескыдінын. Энӧ вунӧдӧй найӧс, кодъясӧс нӧйтӧны, ті ӧд асьныд тӧданныд, мый сэтшӧм дойыс.

Восьтӧм 11:3

Ме мӧдӧда Ассьым кык висьталысьӧс. Шогалан паськӧмӧ пасьтасьӧмӧн найӧ кутасны пророкавны сюрс кыксё квайтымын лун чӧж».