Эсфир 9:21 - Коми Библия 2023

²¹ Сійӧ тшӧктіс налы быд во адар тӧлысьӧ пасйыны дас нёльӧд да дас витӧд лунъяс.

Эсфир 9:21 ပူးပေါင်းရင်းမြစ်များ

Ездра 6:15

Крамсӧ вӧлі эштӧдӧма Дарий ӧксылӧн квайтӧд веськӧдлан воӧ адар тӧлысьлӧн коймӧд лунӧ.

Эсфир 3:7

Артаксеркс ӧксылӧн дас кыкӧд веськӧдлан воӧ медводдза нисан тӧлысьӧ Аманлӧн тшӧктӧм серти пудъясисны тӧлысьяс да лунъяс йылысь [медым ӧти лунӧн бырӧдны Мардокейлысь войтырсӧ]. Пудйыс уси дас кыкӧд адар тӧлысь вылӧ.

Эсфир 9:17

Тайӧ вӧлі адар тӧлысьлӧн дас коймӧд лунӧ. Дас нёльӧд луннас найӧ шойччисны – гажӧдчисны да нимкодясисны.

Эсфир 9:18

А Суза карын олысь иудейяс чукӧртчылісны дорйыны асьнысӧ дас коймӧд и дас нёльӧд лунъясӧ, а дас витӧд луннас найӧ шойччисны – гажӧдчисны да нимкодясисны.

Эсфир 9:20

Мардокей гижис тайӧ лоӧмторъяс йылысь да ысталіс гижӧдсӧ Артаксеркс ӧксыув муясӧ матын и ылын олысь иудейяслы.

Эсфир 9:22

Ӧд тайӧ лунъясӧ иудейяс мынтӧдчисны вӧрӧгысь, тайӧ тӧлысяс шогыс бергӧдчис налы нимкодясьӧмӧ, бӧрдӧмыс – гажӧдчӧмӧ. Мед тайӧ лунъясӧ найӧ гажӧдчасны да нимкодясясны, мед ысталасны матыссаясыслы чӧскыдторъяс да гӧльяслы козинъяс.

Эсфир 9:27

иудейяс тшӧктісны, мый быд во индӧм кадӧ налы, налӧн ныв-пилы да накӧд ӧтувтчысь йӧзлы гижӧд серти колӧ пасйыны тайӧ кык лунсӧ.

Эсфир 9:29

Эсфир ӧксы-ань, Абихайллӧн нылыс, гижис иудей Мардокейкӧд мӧд гижӧд да аслас нимӧн вынсьӧдіс ставсӧ, мый вӧлі гижӧма пурим йылысь.