Эсфир 9:20 - Коми Библия 2023

²⁰ Мардокей гижис тайӧ лоӧмторъяс йылысь да ысталіс гижӧдсӧ Артаксеркс ӧксыув муясӧ матын и ылын олысь иудейяслы.

Эсфир 9:20 ပူးပေါင်းရင်းမြစ်များ

1 Каднебӧг 16:12

Ті, Израильсянь чужысьяс, Господьлӧн кесйӧгъяс, Яковлӧн пиян, Господьлӧн бӧрйӧмаяс, энӧ вунӧдӧй Сылысь шензьӧданаторъяссӧ, индысьпасъяссӧ да веськыда мыждӧмсӧ.

Эсфир 1:1

Тайӧ вӧлі Артаксеркс ӧксы дырйи. Сы кипод улын сэки вӧлі сё кызь сизим му Индиясянь да Эфиопияӧдз.

Эсфир 1:22

Сійӧ дасьтіс гижӧд аслас ӧксыув муясын олысьяслӧн шыпасъясӧн да быд войтырлӧн чужан кыв вылын. Тайӧ мӧдӧдӧм гижӧдас тшӧктіс, мый верӧслы аслас керкаын колӧ лоны ыджыдӧн.

Эсфир 3:12

Медводдза тӧлысьлӧн дас коймӧд лунӧ чукӧртісны ӧксылысь гижалысьясӧс. Аманлысь тшӧктӧмсӧ найӧ гижисны ӧксылӧн сатрапъяслы, [Индиясянь Эфиопияӧдз сё кызь сизим] ӧксыув муын юралысьяслы да войтыръяслӧн веськӧдлысьяслы. Гижӧдсӧ дасьтісны ӧксыув муясын олысьяслӧн шыпасъясӧн да быд войтырлӧн чужан кыв вылын. Сійӧс вӧлі гижӧма Артаксеркс ӧксы нимсянь да вынсьӧдӧма ӧксылӧн чунькытш пасӧн.

Эсфир 8:9

Коймӧд сиван тӧлысьлӧн кызь коймӧд лунӧ чукӧртісны ӧксылысь гижалысьясӧс. Мардокейлысь тшӧктӧмсӧ гижисны иудейяслы, ыджыдалысьяслы, сатрапъяслы да ӧксыув муясын юралысьяслы Индиясянь Эфиопияӧдз, сё кызь сизим муӧ – быдлаӧ сэні олысьяслӧн шыпасъясӧн да быд войтырлӧн чужан кыв вылын. Иудейяслы тшӧтш гижисны налӧн шыпасъясӧн да налӧн кыв вылын.

Эсфир 9:19

Та вӧсна ылысса кар-сиктъясын олысь иудейяс пасйӧны тайӧ лунсӧ адар тӧлысьлӧн дас нёльӧд лунӧ. Сэки найӧ нимкодясьӧны, гажӧдчӧны да ысталӧны матыссаясыслы чӧскыдторъяс. [Ыджыд каръясын нимкодясьӧны да гажӧдчӧны адар тӧлысьлӧн дас витӧд лунӧ, и сэки найӧ ысталӧны матыссаясыслы козинъяс.]

Эсфир 9:21

Сійӧ тшӧктіс налы быд во адар тӧлысьӧ пасйыны дас нёльӧд да дас витӧд лунъяс.

Эсфир 9:26

Та вӧсна тайӧ лунъясыслы сетӧма ”пурим” ним, артмӧма ”пур” кывйысь [еврей ”пур” кывйыслӧн вежӧртасыс ”пудъясянтор”]. Гижӧд вылӧ, аддзылӧмторъяс да лоӧмторъяс вылӧ подуласьӧмӧн

Эсфир 9:27

иудейяс тшӧктісны, мый быд во индӧм кадӧ налы, налӧн ныв-пилы да накӧд ӧтувтчысь йӧзлы гижӧд серти колӧ пасйыны тайӧ кык лунсӧ.

Эсфир 9:29

Эсфир ӧксы-ань, Абихайллӧн нылыс, гижис иудей Мардокейкӧд мӧд гижӧд да аслас нимӧн вынсьӧдіс ставсӧ, мый вӧлі гижӧма пурим йылысь.

Петӧм 17:14

Господь шуис Мӧисейлы: «Гиж тайӧс небӧгӧ, медым эз вун, да висьтав Исуслы, мый Ме бырӧда амаликъясӧс да вушта амалик нимсӧ енэж улысь».

Еремей 29:1

Еремей пророк мӧдӧдіс Ерусалимысь гижӧд пленӧ нуӧдӧм войтырлӧн юрнуӧдысьяслы, попъяслы, пророкъяслы да став войтырыслы, кодъясӧс Навукодоносор нуӧдіс Ерусалимысь Вавилонӧ.