Эсфир 9:18 - Коми Библия 2023

¹⁸ А Суза карын олысь иудейяс чукӧртчылісны дорйыны асьнысӧ дас коймӧд и дас нёльӧд лунъясӧ, а дас витӧд луннас найӧ шойччисны – гажӧдчисны да нимкодясисны.

Эсфир 9:18 ပူးပေါင်းရင်းမြစ်များ

Эсфир 8:11

Гижӧдас вӧлі юӧртӧма, мый быд карын олысь иудейяслы ӧксы лэдзӧ чукӧртчыны да дорйыны асьнысӧ, вины да бырӧдны на вылӧ уськӧдчысьясӧс быд муысь да быд войтыр пӧвстысь, весиг аньясӧс челядьныскӧд, а эмбурсӧ налысь мырддьыны.

Эсфир 9:1

Дас кыкӧд адар тӧлысьлӧн дас коймӧд лунӧ воис кад збыльмӧдны ӧксылысь тшӧктӧмсӧ. Иудейясӧс мустӧмтысьяс лача кутісны, мый дзик сійӧ лунӧ вермасны найӧс. Но артмис мӧдарӧ – иудейяс вермисны мустӧмтысьяснысӧ.

Эсфир 9:11

Сійӧ жӧ лунӧ ӧксылы юӧртісны Суза юркарын виӧмаяслысь лыдсӧ.

Эсфир 9:13

Эсфир вочавидзис: «Ӧксылы кӧ шогмана, мед лэдзас Суза карын олысь иудейяслы аски тшӧтш талунъя моз вӧчны. И Аманлысь даснан писӧ мед ӧшӧдасны пу сюръя вылӧ».

Эсфир 9:15

Адар тӧлысьлӧн дас нёльӧд лунӧ Суза карын олысь иудейяс бара чукӧртчисны да виисны куимсё мортӧс, но налысь овмӧс-эмбурсӧ эз босьтны.

Эсфир 9:2

Артаксеркслӧн ӧксыув муясын олысь иудейяс чукӧртчисны асланыс каръясын, медым уськӧдчыны на вылӧ, кодъяс кӧсйисны лёк вӧчны иудейяслы. Некод эз сувт иудейяслы паныд, ӧд ставныс полісны наысь.

Эсфир 9:21

Сійӧ тшӧктіс налы быд во адар тӧлысьӧ пасйыны дас нёльӧд да дас витӧд лунъяс.