Эсфир 8:17 - Коми Библия 2023

¹⁷ Быд муын да быд карын – быдлаын, кӧні юӧртісны ӧксылысь тшӧктӧмсӧ, иудейяслӧн вӧлі нимкодьлун да долыдлун, найӧ сёйисны-юисны да гажӧдчисны. Мукӧд войтыръясысь унаӧн лоисны иудейясӧн, ӧд полісны наысь.

Эсфир 8:17 ပူးပေါင်းရင်းမြစ်များ

Олӧм 35:5

Найӧ [петісны Сикемысь,] мӧдӧдчисны туйӧ. Матігӧгӧр каръясын олысьясӧс ыджыд полӧм босьтіс Енмысь, та вӧсна Яковлысь пиянсӧ эз вӧтӧдны.

Неемий 8:10

Мунӧй гортаныд да чӧскыда сёйӧй-юӧй. Юксьӧй сёян-юаннад накӧд, кодлӧн нинӧм абу дасьтӧма, ӧд тайӧ лунсӧ вежӧдӧма миян Господьлы. Энӧ шогсьӧй, ӧд Господь водзын нимкодясьӧм ёнмӧдӧ тіянӧс».

Эсфир 9:17

Тайӧ вӧлі адар тӧлысьлӧн дас коймӧд лунӧ. Дас нёльӧд луннас найӧ шойччисны – гажӧдчисны да нимкодясисны.

Эсфир 9:19

Та вӧсна ылысса кар-сиктъясын олысь иудейяс пасйӧны тайӧ лунсӧ адар тӧлысьлӧн дас нёльӧд лунӧ. Сэки найӧ нимкодясьӧны, гажӧдчӧны да ысталӧны матыссаясыслы чӧскыдторъяс. [Ыджыд каръясын нимкодясьӧны да гажӧдчӧны адар тӧлысьлӧн дас витӧд лунӧ, и сэки найӧ ысталӧны матыссаясыслы козинъяс.]

Эсфир 9:2

Артаксеркслӧн ӧксыув муясын олысь иудейяс чукӧртчисны асланыс каръясын, медым уськӧдчыны на вылӧ, кодъяс кӧсйисны лёк вӧчны иудейяслы. Некод эз сувт иудейяслы паныд, ӧд ставныс полісны наысь.

Эсфир 9:22

Ӧд тайӧ лунъясӧ иудейяс мынтӧдчисны вӧрӧгысь, тайӧ тӧлысяс шогыс бергӧдчис налы нимкодясьӧмӧ, бӧрдӧмыс – гажӧдчӧмӧ. Мед тайӧ лунъясӧ найӧ гажӧдчасны да нимкодясясны, мед ысталасны матыссаясыслы чӧскыдторъяс да гӧльяслы козинъяс.

Эсфир 9:27

иудейяс тшӧктісны, мый быд во индӧм кадӧ налы, налӧн ныв-пилы да накӧд ӧтувтчысь йӧзлы гижӧд серти колӧ пасйыны тайӧ кык лунсӧ.

Эсфир 9:3

Мардокейысь полӧмнысла ӧксыув муясын юралысьяс, сатрапъяс, ыджыдалысьяс да ӧксылӧн чина йӧз сувтісны иудейяс дор.

Псалтыр 105:38

кисьтісны мыжтӧм ныв-пиныслысь вирсӧ, вайлісны найӧс вись пыдди ханаансаяслӧн идолъяслы, вир кисьтӧмнас пежалісны мусӧ.

Петӧм 15:16

Мед дзӧрӧны-полӧны найӧ! Тэнад вына киыд из сюръяӧ пӧртлӧ найӧс, кытчӧдз Тэнад войтырыд оз мун на дінті, войтырыд, кодӧс Тэ ньӧбин Аслыд.

Индӧд 11:25

Некод оз вермы тіянлы паныд сувтны, ӧд Господь, тіян Енныд, кӧдзас тіянысь полӧм-тіралӧм быдлаын, кытчӧ ті сувтанныд кокнад. Та йылысь Сійӧ висьтавліс тіянлы.

Индӧд 2:25

Талунсянь енэжувса войтыръяс пӧвстын Ме понда кӧдзны полӧм-тіралӧм. Кодъяс кыласны тіян йылысь, повзясны тіянысь да весьӧпӧрасны”.

Нав Исус 2:11

и тайӧс кылӧм бӧрын миянӧс полӧм босьтіс. Ӧні миян пӧвстысь некод оз лысьт сувтны тіянлы паныд, ӧд Господь, тіян Енныд, эм енэжас и му вылас ыджыдалысь Ен.

Нав Исус 2:9

да шуис: «Ме тӧда, мый тайӧ мусӧ Господь сетіс тіянлы. Ми ставӧн полам тіянысь. Тайӧ муас став олысьыс дзӧрӧ-тіралӧ тіянысь.

Ӧксыяслӧн 1 небӧг 25:8

Юав аслад кесйӧгъяслысь, и найӧ висьталасны тэныд. Менам зонъяс локтісны тэ дінӧ тіян гажӧдчан кадӧ. Ло бур сьӧлӧма на дінӧ. Сет налы, тэнад кесйӧгъяслы, да тэнад Давид пилы, мый верман сетны”».