Эсфир 6:6 - Коми Библия 2023

⁶ Кор Аман пырис, ӧксы юаліс сылысь: «Висьтав, мый позьӧ вӧчны сійӧ мортыслы, кодӧс ӧксы кӧсйӧ донъявны?» Аман ас кежас мӧвпыштіс: «Буракӧ, ӧксы кӧсйӧ менӧ донъявны? А кодӧс сэсся меысь кындзи?»

Эсфир 6:6 ပူးပေါင်းရင်းမြစ်များ

Эсфир 1:15

Артаксеркс ӧксы юаліс налысь: «Индӧд серти мый колӧ вӧчны Астинь ӧксы-анькӧд, ӧд сійӧ эз кывзы ӧксылысь тшӧктӧмсӧ, мый вӧлі висьталӧма евнукъяс пыр?»

Эсфир 5:11

Аман ошйысис налы аслас ыджыд озырлунӧн, ошйысис, мый сылӧн уна пи, и мый ӧксы ыдждӧдліс сійӧс да кыпӧдіс аслас юралысьясысь да веськӧдлысьясысь медвылӧ.

Эсфир 6:11

Аман босьтіс ӧксы паськӧм да вӧв, пасьтӧдіс Мардокейӧс, петкӧдіс сійӧс вӧв вылын карса изэрд вылӧ да мунігмозыс сы водзын юӧртіс: «Тадзи вӧчӧны сылы, кодӧс ӧксы кӧсйӧ донъявны!»

Эсфир 6:5

Кесъялысьяс вочавидзисны ӧксылы: «Йӧрад Аман сулалӧ». «Мед пырас», – шуис ӧксы.

Эсфир 6:7

Сэсся вочавидзис ӧксылы: «Сійӧ мортыслы, кодӧс ӧксы кӧсйӧ донъявны,

Эсфир 6:9

Паськӧмсӧ да вӧвсӧ мед ваяс ӧксылӧн медыджыд юралысьясысь ӧти. Сійӧ мортсӧ, кодӧс ӧксы кӧсйӧ донъявны, мед пасьтӧдасны, пуксьӧдасны вӧв вылӧ да петкӧдасны карса изэрд вылӧ. Сы водзын мед гораа юӧртасны: ”Тадзи вӧчӧны сылы, кодӧс ӧксы кӧсйӧ донъявны!”»

Шусьӧгъяс 1:32

Мывкыдтӧм мортлӧн асныралӧмыс виас сійӧс, вежӧртӧмлӧн кокньыд оласногыс бырӧдас сійӧс.

Шусьӧгъяс 16:18

Вылӧ кӧ пуксян – олӧмтӧ жугӧдан, ныртӧ кӧ кутан лэптавны – усян.

Шусьӧгъяс 18:12

Озырлы аслас эмбурыс изкар кодь, озырлуныс сылы джуджыд потшӧс кодь.

Шусьӧгъяс 30:13

Курыд шог налы, кодъяс асьнысӧ лэптӧны да вылісянь видзӧдӧны.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Еремей 32:41

Ме кута нимкодьпырысь вӧчны налы бурсӧ, Ме зумыда вужйӧда найӧс тайӧ муас, и вӧча тайӧс став сьӧлӧмсянь.

Авдий 1:3

Вылӧ кыпӧдчӧмыд ылӧдліс тэнӧ. Изкарын моз тэ олан джуджыд керӧсъяс вылын, тэ мӧвпалан ас йывсьыд: «Некод оз вермы шыбитны менӧ му вылӧ».

Матвей 3:17

Енэжсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

Лука 14:9

Сэки кӧлысь вылӧ корысь матыстчас тэ дінӧ да шуас: ”Тайӧ мортыс мед пуксяс татчӧ”. Тэ яналан, ӧд тэныд ковмас вуджны пызан помас.

Иоан 5:23

медым став йӧзыс бурӧ пуктісны Писӧ Батьсӧ моз. Коді оз бурӧ пукты Писӧ, сійӧ оз бурӧ пукты и Батьсӧ, коді мӧдӧдіс Писӧ.