Эсфир 6:11 - Коми Библия 2023

¹¹ Аман босьтіс ӧксы паськӧм да вӧв, пасьтӧдіс Мардокейӧс, петкӧдіс сійӧс вӧв вылын карса изэрд вылӧ да мунігмозыс сы водзын юӧртіс: «Тадзи вӧчӧны сылы, кодӧс ӧксы кӧсйӧ донъявны!»

Эсфир 6:11 ပူးပေါင်းရင်းမြစ်များ

Ездра 6:13

Авар-Нахара муын юралысь Таттенай, Шетар-Бозенай да налӧн уджъёртъясыс ставсӧ вӧчисны Дарий ӧксылӧн тшӧктӧм серти.

Эсфир 6:10

Ӧксы шуис Аманлы: «[Бур вӧзйӧм]. Дзик пыр босьт паськӧмсӧ да вӧвсӧ, кыдзи тэ ачыд вӧзйин, да ставсӧ вӧч аслад шуӧм серти Мардокей нима иудейлы, коді кесъялӧ меным».

Эсфир 6:12

Та бӧрын Мардокей бӧр локтіс ӧксы керкаӧ, а Аман шогсьӧмысла юрсӧ тупкӧмӧн тэрмасьӧмӧн муніс гортас.

Эсфир 8:15

Кор Мардокей петіс ӧксы дінысь, сы вылын вӧлі ӧксылӧн еджыд да гӧрдовлӧз рӧма паськӧм, вӧсни шабдіысь пемыдгӧрд кышан, юр вылас ыджыд зарни юркытш. Суза карын олысьяс гажӧдчисны да нимкодясисны.

Эсфир 9:3

Мардокейысь полӧмнысла ӧксыув муясын юралысьяс, сатрапъяс, ыджыдалысьяс да ӧксылӧн чина йӧз сувтісны иудейяс дор.

Шусьӧгъяс 27:18

Коді быдтас инжир пу, вотӧссӧ сэтысь сёяс, коді доръяс ассьыс ыджыдсӧ, сійӧс пыдди пуктасны.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Лука 1:52

юралан пуклӧсысь юралысьясӧс чӧвтіс, улӧ пуктӧмаясӧс кыпӧдіс,

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.