Эсфир 1:21 - Коми Библия 2023

²¹ Ӧксылы да юралысьяслы сьӧлӧм вылас воис Мемуканлӧн вӧзйӧмыс. Ӧксы тадзи и вӧчис.

Эсфир 1:21 ပူးပေါင်းရင်းမြစ်များ

Олӧм 41:37

Ӧсиплӧн вӧзйӧмыс кажитчис фараонлы да сылӧн чина йӧзлы.

Эсфир 1:19

Шогмана кӧ ӧксылы, мед петас сысянь тшӧктӧм, мый Астинь некор оз вермы локны Артаксеркс ӧксы водзӧ, а ӧксы-аньӧ сійӧ босьтас бурджык аньӧс. Тайӧ тшӧктӧмсӧ мед гижасны персияса да мидияса индӧдӧ, кытысь нинӧм вежны оз позь.

Эсфир 1:20

Кор ӧксылӧн ыджыд му пасьтала кыласны сылысь тшӧктӧмсӧ, сэки гӧтыръяс пондасны пыдди пуктыны верӧсъяснысӧ – тӧдчана-ӧ верӧсыс али абу».

Эсфир 1:22

Сійӧ дасьтіс гижӧд аслас ӧксыув муясын олысьяслӧн шыпасъясӧн да быд войтырлӧн чужан кыв вылын. Тайӧ мӧдӧдӧм гижӧдас тшӧктіс, мый верӧслы аслас керкаын колӧ лоны ыджыдӧн.

Эсфир 2:4

Кутшӧм ныв воас ӧксылы сьӧлӧм вылас, сійӧ мед и лоӧ Астинь пыдди ӧксы-аньӧн». Ӧксылы кажитчис татшӧм вӧзйӧмыс. Сійӧ тадзи и вӧчис.