Еремей 52:13 - Коми Библия 2023

¹³ Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

Еремей 52:13 ပူးပေါင်းရင်းမြစ်များ

Ӧксыяслӧн 3 небӧг 9:8

Тайӧ ыджыд крам дінті мунысь весьӧпӧрӧмӧн да шутёвтӧмӧн юалас: ”Мый вӧсна нӧ Господь тадзи вӧчис тайӧ муыскӧд да тайӧ крамыскӧд?”

Ӧксыяслӧн 4 небӧг 25:9

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

2 Каднебӧг 36:19

Найӧ сотісны Енлысь крамсӧ, жугӧдісны Ерусалим карлысь стенсӧ, сотісны ӧксылысь керкаяссӧ да бырӧдісны сылысь став озырлунсӧ.

Псалтыр 79:1

Сьылысьясӧн веськӧдлысьлы. Сьылӧны ”Шушан эдут” шылад улӧ. Асафлӧн псалом.

Еремей 19:13

Ерусалим карлӧн керкаясыс да иудаса ӧксыяслӧн керкаясыс лоӧны Тофет кодь пежӧсь. Тадзи лоӧ став керкаясыскӧд, кӧні вевт вылас тшынӧдчисны енэжвыв кодзувъяслы да вайисны вина вись мукӧд енъяслы».

Еремей 21:10

Ме шуи вӧчны тайӧ карыслы лёксӧ, а эг бурсӧ, – висьталӧ Господь. – Тайӧ карсӧ лоӧ сетӧма вавилонса ӧксы киӧ, и сійӧ сотас тайӧ карсӧ».

Еремей 21:14

Ме мыжда тіянӧс уджъясныдлӧн вотӧсыс серти, – висьталӧ Господь. – Тіян вӧрын Ме песта би, и сійӧ ставсӧ гӧгӧр ньылыштас.

Еремей 22:14

Сійӧ шуалӧ, ме пӧ кыпӧда аслым ыджыд керка, вӧча ыджыд жыръяс. Сійӧ вӧчӧ ӧшиньяс, эжӧ керкасӧ сус пуӧн да мавтӧ сійӧс гӧрд краскаӧн.

Еремей 32:29

Тайӧ карсӧ кытшалысь калдеяса тышкайӧз пырасны татчӧ. Найӧ сотасны карсӧ керкаяснас, кӧні вевт вылас тшынӧдчисны Ваал идоллы да вайисны вина вись мукӧд енъяслы, и тадзи дӧзмӧдісны Менӧ.

Еремей 34:22

Ме бӧр вайӧда найӧс тайӧ карыс дорӧ, – висьталӧ Господь. – Менам тшӧктӧм серти найӧ уськӧдчасны тайӧ карыс вылӧ, босьтасны сійӧс да сотасны биӧн. Иудаса каръясӧс Ме вӧча овтӧминӧн, сэні оз коль олысьыс».

Еремей 38:23

Став тэнсьыд гӧтыръястӧ да челядьтӧ нуӧдасны калдея войтыр дінӧ, и ачыд тэ он жӧ мездмы налӧн киысь. Тэ шедан вавилонса ӧксы киӧ, а тайӧ карсӧ сотасны биӧн».

Еремей 6:5

Уськӧдчамӧй войшӧрнас, пазӧдам налысь изкаръяссӧ!»

Еремей 7:14

Та вӧсна тайӧ керкаыскӧд, мый сиӧма Менам нимлы, и мый вылӧ ті лача кутанныд, да тайӧ муыскӧд, мый Ме сеті тіянлы да тіян батьяслы, Ме вӧча Силом каркӧд моз.

Бӧрданкыв 2:5

Господь лои вӧрӧг кодь, Сійӧ виис Израильӧс, бырӧдіс сылысь керкаяссӧ, жугліс изкаръяссӧ, содтіс шогсӧ да бӧрдӧмсӧ Иуда нывлы.

Бӧрданкыв 2:6

Сад йӧрысь чомйӧс моз Сійӧ кисьтіс Ассьыс оланінсӧ, бырӧдіс войтырыслысь вежа чукӧртчанінсӧ. Господь лэдзис вунӧдны Сионын гажӧдчан лунъяс да шойччан лунъяс, ёна скӧралігас янӧдіс ӧксыӧс да попъясӧс.

Бӧрданкыв 2:7

Ассьыс висьпуктанінсӧ Господь эновтіс, Ассьыс вежаинсӧ колис. Вӧрӧг киӧ сетіс Сион карлысь стенъяссӧ. Гажӧдчан лунӧ моз вӧрӧг кыпӧдіс гора шы Господьлӧн керкаын.

Бӧрданкыв 2:8

Господь шуис жугӧдны Сионлысь стенъяссӧ. Сійӧ нюжӧдіс мурталан кӧв, Ассьыс кисӧ бырӧдӧмысь эз вешты. Ортсы пыкӧдъяссӧ жугліс, найӧ стенмыскӧд тшӧтш киссисны.

Езекиль 16:41

Найӧ сотасны керкаястӧ, мыждасны тэнӧ мукӧд аньяслӧн син водзын. Тадзи Ме пукта пом тэнад кырсалӧмлы, и тэ дугдан мынтысьны мусукъясыдлы.

Езекиль 24:21

Господь Ыджыдыс тшӧктіс меным висьтавны Израиль войтырлы, мый Сійӧ тадзи висьталӧ: Ме сета пежавны Ассьым вежаинӧс – тіянлысь син гажӧданторнытӧ да сьӧлӧм бурӧданторнытӧ, тіянлысь зумыд пыкӧднытӧ, мыйӧн ті ошйысянныд. Ныв-пиныд, кодъясӧс ті колинныд карас, куласны шыпурт помысь.

Амос 2:5

Та понда Иудаӧс Ме биӧн сота, Ерусалим изкарӧс би ньылыштас.

Амос 6:11

Ӧд Господь тшӧктас пазӧдны ыджыд керкаяс, дзикӧдз жуглыны ичӧт керкаяс.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Закар 11:1

Восьт ассьыд дзиръяястӧ, Ливан, мед биыс ньылыштас тэнсьыд сус пуястӧ.

Матвей 24:2

Исус шуис налы: «Аддзанныд-ӧ ставсӧ тайӧс? Веськыда висьтала тіянлы: татчӧ из вылӧ из оз коль, ставсӧ жугӧдасны».