Еремей 51:55 - Коми Библия 2023

⁵⁵ Господь куштӧ-пазӧдӧ Вавилон, Сійӧ пуктас пом вавилонсаяслӧн шызьӧмлы. Найӧ ызгӧны ыджыд гыяс моз, кылӧ налӧн гора шыныс.

Еремей 51:55 ပူးပေါင်းရင်းမြစ်များ

Псалтыр 124:2

Кыдзи керӧсъяс кытшалӧны Ерусалим, сідзи Господь видзӧ-кытшалӧ Ассьыс войтырсӧ ӧні и нэмъяс чӧж.

Псалтыр 124:4

Господьӧй, бур да веськыд сьӧлӧмаяслы вӧч бурсӧ,

Псалтыр 18:4

Налӧн абу сёрниыс, абу кывъясыс, гӧлӧс шысӧ он кыв,

Псалтыр 65:7

Аслас вынӧн Сійӧ ыджыдалӧ помтӧг, Сылӧн синмыс видзӧдӧ войтыръяс бӧрся, медым найӧ эз кыпӧдчыны Сылы паныд.

Псалтыр 69:2

Енмӧй, мезды менӧ, Господьӧй, тэрмась отсавны меным!

Исай 15:1

Моав йылысь водзвыв висьталӧм. Войнас лоӧ куштӧма-бырӧдӧма Ар-Моавӧс. Войнас лоӧ куштӧма-бырӧдӧма Кир-Моавӧс.

Исай 17:13

Войтыръяс горзӧны, быттьӧ пыдӧстӧм ваяс бузгӧны. Но Господь чирыштас найӧс, и найӧ ылӧдз пышъясны. Найӧ тӧвзясны керӧсъяс вывті тӧвнырӧн нӧбӧдан кыд моз, ыджыд тӧвнырӧн нӧбӧдан бус моз.

Исай 47:5

Мун пемыдас, калдея войтырлӧн ныв, да чӧла пукав сэні. Водзӧ тэнӧ оз нин шуны войтыръяс вылын ыджыдалысь ӧксы-аньӧн.

Еремей 25:10

Тайӧ муясас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, оз кут кывны изкилӧн шыыс, оз кут тыдавны би дозлӧн югӧрыс.

Еремей 51:42

Саридз ыльӧбтіс Вавилон вылӧ, гыясыс вевттисны сійӧс.

Езекиль 26:3

Та вӧсна Господь Ыджыдыс тадзи висьталӧ: Ме сувта тэныд паныд, Тир. Ассьыс гыяссӧ кыпӧдысь саридз моз Ме кыпӧда тэныд паныд войтыръясӧс.

Лука 21:25

«Шонді, тӧлысь да кодзувъяс вылын тыдовтчасны индысьпасъяс. Саридз ыджыд шыӧн гызяс, войтыръяс му вылын шызясны да шӧйӧвошасны.

Восьтӧм 17:15

Сэсся андел шуис меным: «Тэ аддзылін васӧ сэтысь, кӧні пукалӧ кырсалысь аньыс. Тайӧ ваыс – чужанкотыръяс да йӧз чукӧръяс, войтыръяс да быд кыла йӧз.