Еремей 50:38 - Коми Библия 2023

³⁸ Юясыс косьмасны, ваыс бырас, ӧд Вавилон – идолъяслӧн му. Идолъяс вӧсна сэні олысьяс вежӧрнысӧ воштӧмаӧсь.

Еремей 50:38 ပူးပေါင်းရင်းမြစ်များ

Олӧм 8:1

Ен эз вунӧд Нойӧс да сыкӧд ковчегын кывтысь мувыв пемӧсъясӧс [лэбачьясӧс да гаг-веглясьысьясӧс]. Ен тшӧктіс кыпӧдчыны му вылын тӧвлы, и ваыс сувтіс.

Исай 44:25

Ме нинӧмӧ бергӧда ылӧгпророкъяслысь индысьпасъяссӧ, эрдӧда туналысьяслысь йӧйталӧмсӧ, шӧйӧвошта тӧдысьясӧс, налысь тӧдӧмлунсӧ вӧча нинӧмӧн.

Исай 44:27

Джуджыд саридзлы Ме тшӧкта косьмыны, Ме косьта сылысь юяссӧ.

Еремей 50:12

Но тіян мамныд ёна яналас, тіянӧс чужтысьлы юръяндзим лоӧ. Войтыръяс пӧвстын вавилонсаяс лоӧны медічӧт войтырӧн, налӧн муыс лоӧ овтӧмин, кушин да кос му.

Еремей 50:2

– Юӧртӧй войтыръяслы, кыпӧдӧй дӧрапас, юӧртӧй, энӧ дзебӧй, висьталӧй тадзи: Вавилон карӧс босьтӧма, Вил идолӧс янӧдӧма, Мардук идолӧс пасьвартӧма, вавилонса идолъясӧс янӧдӧма, сылысь бӧлбанъяссӧ жугӧдӧма.

Еремей 51:44

Ме мыжда вавилонсаяслысь Вил идолӧс, Ме перъя сылӧн вомысь ньылыштӧмасӧ, войтыръяс оз нин локны сы дінӧ. Вавилонса стенъяс киссясны.

Еремей 51:47

Воасны лунъяс, кор Ме мыжда вавилонса идолъясӧс. Вавилон му лоӧ янӧдӧма, быдлаын пондасны куйлыны виӧмаяс.

Еремей 51:52

– Но воасны лунъяс, – висьталӧ Господь, – кор Ме мыжда вавилонса идолъясӧс, и Вавилон му пасьтала кутасны ойзыны-ымзыны доймалӧмаяс.

Еремей 51:7

Господь киын Вавилон вӧлі зарни чашаӧн, Вавилон юктӧдіс му вылын олысь став йӧзсӧ. Войтыръяс юисны сэтысь вина да воштісны вежӧрнысӧ.

Даниил 5:4

Найӧ юисны вина да ошкисны зарниысь да эзысьысь вӧчӧм енъясӧс, ыргӧнысь да кӧртысь вӧчӧм енъясӧс, пуысь да изйысь вӧчӧм енъясӧс.

Ап. уджъяс 17:16

Павел виччысис вокъясӧс Афинын. Тайӧ карыс вӧлі тырӧма идолъясӧн. Кор Павел аддзис тайӧс, сійӧ ловнас пузис.

Восьтӧм 16:12

Квайтӧд анделыс кисьтіс ассьыс чашасӧ ыджыд Ефрат юӧ, и ваыс сэтысь косьмис. Тадзи вӧлі дасьтӧма туйсӧ асыввывсянь локтысь ӧксыяслы.

Восьтӧм 17:5

Плешкас сылӧн вӧлі гижӧма гуся вежӧртаса ним: «Ыджыд Вавилон – мувывса став зывӧкыслӧн да кырсалысьяслӧн мам».

Ёрдысьяс 6:30

Карса олысьяс шуисны Йоаслы: «Вайӧд питӧ миян дінӧ! Сылы ковмас кувны, ӧд сійӧ жугӧдӧма Вааллысь висьпуктанінсӧ да кералӧма орччӧн сулалысь юрбитан пусӧ».