Еремей 50:26 - Коми Библия 2023

²⁶ Уськӧдчӧй Калдея му вылӧ быд боксянь, восьтӧй сылысь амбаръяссӧ, босьтӧй сэтысь ставсӧ да чукӧртӧй кольтаясӧс моз, дзикӧдз бырӧдӧй ставсӧ, медым нинӧм эз коль.

Еремей 50:26 ပူးပေါင်းရင်းမြစ်များ

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Исай 14:23

Ме вӧча сійӧс ёжъяслы оланінӧн да нюрӧн, чышкышта сійӧс бырӧдан роскӧн, – висьталӧ Господь Саваоф.

Исай 25:10

Аслас киӧн Господь видзӧ тайӧ керӧссӧ. Но Моавӧс лоӧ талялӧма аслас оланінын, кыдзи идзас талялӧны куйӧдын.

Исай 45:3

Ме сета тэныд пемыдінын видзан озырлун, дзебӧм озырлун, медым тэ тӧдін: Ме – Господь, Израильлӧн Ен, Ме чуксала тэнӧ нимнад.

Исай 5:26

Господь кыпӧдас дӧрапас да чукӧстас войтыръясӧс ылі муясысь, Сійӧ чукӧстас му помын олысьясӧс, и найӧ кокньыда да тэрыба локтасны.

Еремей 50:10

Калдея муӧс лоӧ куштӧма, и сійӧс куштысьяс пӧтасны, – висьталӧ Господь.

Еремей 50:13

Господьлӧн скӧралӧм вӧсна сэні оз ло олысьыс, сійӧ лоӧ овтӧминӧн. Вавилонӧс бырӧдӧмысь сы дорті мунысьясӧс полӧм босьтас.

Еремей 50:15

Быд боксянь горзӧмӧн уськӧдчӧй Вавилон вылӧ! Вавилон сетчӧ, башняясыс усьӧны, стенъяссӧ жуглӧны, ӧд Господь водзӧс перйӧ сылысь. Водзӧс перйӧй! Вӧчӧй сылы сійӧ жӧ, мый сійӧ вӧчис.

Еремей 50:23

Став мусӧ пазӧдысь мӧлӧтӧс жугӧдӧма-чегӧма! Вавилон лои повзьӧдчанторйӧн войтыръяс пӧвстын.

Еремей 50:41

Войвывсянь локтӧны тышкайӧз, му помсянь ӧксыяскӧд локтӧ уна лыда войтыр.

Еремей 51:44

Ме мыжда вавилонсаяслысь Вил идолӧс, Ме перъя сылӧн вомысь ньылыштӧмасӧ, войтыръяс оз нин локны сы дінӧ. Вавилонса стенъяс киссясны.

Еремей 51:64

Сэсся шу: тадзи жӧ вӧяс Вавилон. Сійӧ оз вермы кыпӧдчыны шог бӧрти, мый Господь мӧдӧдас сылы. Вавилон дзикӧдз усяс». Тайӧн помасьӧны Еремейлӧн пророкалан кывъясыс.

Микей 7:10

Тайӧс аддзас менӧ мустӧмтысь, коді шуавліс меным, кӧні пӧ Господь, тэнад Енмыд. Сійӧ яналас, а ме аддза, кыдзи туйвыв няйтӧс моз сійӧс таляласны.

Матвей 6:26

Видзӧдлӧй енэжвыв лэбачьяс вылӧ: найӧ оз кӧдзны, оз вундыны, оз чукӧртны йӧртӧдъясӧ, но енэжвыв Батьныд вердӧ найӧс. Ті ӧмӧй наысь абу донаджыкӧсь?

Восьтӧм 14:19

Андел шыбитіс ассьыс чарласӧ му вылӧ да вундіс му вылысь виноград розъяссӧ. Сійӧ шыбитіс найӧс ыджыд гуӧ, Ен скӧрлуна пычкан гуӧ.

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.