Еремей 50:21 - Коми Библия 2023

²¹ Тышӧ петӧй Мератаим мулы паныд, Пекодын олысьяслы паныд, виӧй найӧс, бырӧдӧй ставсӧ, мый на бӧрти коляс, – висьталӧ Господь. – Ставсӧ вӧчӧй Менам тшӧктӧм серти.

Еремей 50:21 ပူးပေါင်းရင်းမြစ်များ

Ӧксыяслӧн 2 небӧг 16:11

Сэсся Авишайлы да тышкайӧзлы Давид шуис: «Менам кӧ пиӧй, аслам вир-яйсянь чужысьӧй, корсьӧ вины менӧ, мый позьӧ виччысьны Веняминлӧн писянь? Кольӧй сійӧс. Мед лёкӧдас. Сылы, буракӧ, Господь тшӧктӧма.

Ӧксыяслӧн 4 небӧг 18:25

Ме ӧд Господьлӧн кӧсйӧм серти локті татчӧ, медым бырӧдны тайӧ мусӧ. Господь Ачыс шуис меным: ”Мун да бырӧд сійӧ мусӧ”».

2 Каднебӧг 36:23

«Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам. Быдӧн Сылӧн войтырысь мед мӧдӧдчас туйӧ. Господь Ен мед лоас быдӧнкӧд!»

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Исай 44:28

Кирлы Ме шуа, мый сійӧ – Менсьым войтырӧс видзысь, сійӧ ставсӧ вӧчас Менам кӧсйӧм серти. Сійӧ шуас Ерусалимлы, тэнӧ пӧ выльысь лоӧ лэптӧма, а крамлы шуас, тэнсьыд подувтӧ пӧ выльысь лоӧ пуктӧма.

Исай 48:14

Чукӧртчӧй ставныд да кывзӧй! Коді на пӧвстысь водзвыв висьталіс та йылысь? Господь радейтӧ сійӧ мортсӧ, коді збыльмӧдас Господьлысь кӧсйӧмсӧ Вавилон йылысь, петкӧдлас Сылысь вынсӧ калдея войтыр вылын.

Исай 48:15

Ме Ачым юӧрті тайӧс да чукӧсті сійӧ мортсӧ, Ме вайӧді сійӧс, и сылӧн став уджыс артмӧ.

Еремей 34:22

Ме бӧр вайӧда найӧс тайӧ карыс дорӧ, – висьталӧ Господь. – Менам тшӧктӧм серти найӧ уськӧдчасны тайӧ карыс вылӧ, босьтасны сійӧс да сотасны биӧн. Иудаса каръясӧс Ме вӧча овтӧминӧн, сэні оз коль олысьыс».

Еремей 48:10

Ёрӧма быдӧнӧс, коді дышпырысь кесъялӧ-уджалӧ Господьлы. Ёрӧма быдӧнӧс, коді падмӧдӧ Господьлысь шыпуртсӧ вир кисьтӧмысь.

Еремей 50:15

Быд боксянь горзӧмӧн уськӧдчӧй Вавилон вылӧ! Вавилон сетчӧ, башняясыс усьӧны, стенъяссӧ жуглӧны, ӧд Господь водзӧс перйӧ сылысь. Водзӧс перйӧй! Вӧчӧй сылы сійӧ жӧ, мый сійӧ вӧчис.

Еремей 50:3

Войвывсянь Вавилон вылӧ уськӧдчас войтыр, вӧчас Вавилон му овтӧминӧн. Некод оз кут овны сэні, йӧз и ыж-мӧс пышъясны сэтысь.

Еремей 50:9

Войвыв муысь Ме вайӧда уна лыда войтыръясӧс, и найӧ кытшаласны да босьтасны Вавилон. Найӧ бура лыйсьӧны ньӧввужйысь, налӧн ньӧвъясыс веськалӧны коланаинӧ.

Езекиль 23:23

Вайӧда йӧзӧс Вавилонысь, Калдеяысь, Пекодысь, Шоаысь да Коаысь. Накӧд локтасны и ассурсаяс, мича том зонъяс. Ставныс найӧ нималана йӧз, ыджыдалысьяс да юралысьяс, тарантаса тышкайӧзӧн веськӧдлысьяс.

Индӧд 33:27

Тэнад сайӧдчаніныд – пыр олысь Ен, Сылӧн киыс новлӧдлӧ тэнӧ. Сійӧ вӧтлас тэ водзысь вӧрӧгтӧ, тшӧктас бырӧдны сійӧс.

Ӧксыяслӧн 1 небӧг 15:3

Ӧні мун да пасьварт амаликъясӧс [да ерим войтырӧс]. Бырӧд ставсӧ, мый налӧн эм. [Эн босьт аслыд нинӧм, но бырӧд ставсӧ да сет ёрӧм улӧ.] Эн жалит найӧс, виав айуловӧс и аньясӧс, челядьӧс и пузчужӧм кагаясӧс. Виав тшӧтш налысь ӧшъяссӧ, ыжъяссӧ, верблюдъяссӧ да осёлъяссӧ”».