Еремей 49:29 - Коми Библия 2023

²⁹ Налысь чомъяссӧ, чом дӧраяссӧ да эмбурсӧ мырддясны, ыжъяссӧ да верблюдъяссӧ босьтасны налысь. Налы пондасны горзыны, найӧс пондасны повзьӧдлыны быд боксянь.

Еремей 49:29 ပူးပေါင်းရင်းမြစ်များ

Олӧм 37:25

Сёйны пуксиганыс вокъяс аддзисны, мый налань локтӧны верблюдъяс. Тайӧ измаил войтыр нуисны Галаадсянь Египетӧ чӧскыд дука сиръяс, мавтасъяс да ладан.

Иов 1:3

Овмӧсыс вӧлі зэв ыджыд: сизим сюрс ыж-кӧза, куим сюрс верблюд, сюрс доддялан ӧш, витсё энь осёл да зэв уна кесйӧг. Асыввыв муын Иов вӧлі медся нималана мортӧн.

Псалтыр 120:5

Господь – тэнӧ Видзысьыс, Господь – тэнад веськыдладорын сайӧдыс.

Исай 13:20

Сэтчӧ некод оз овмӧдчы, сэні некод оз кут овны нэмъяс чӧж. Сэні араб оз сувтӧд чомсӧ, ыж видзысь оз понды шойччыны ыжъясыскӧд.

Исай 60:7

Кедарысь став ыжсӧ вайӧдасны тэ дінӧ, Невайотысь межъяс лоӧны тэнад киынӧсь. Менам висьпуктанін вылын найӧс ваясны вись пыдди, найӧ лоӧны Меным шогмана висьӧн, и Ме нимӧда Ассьым дзирдлуна крамӧс.

Еремей 10:20

Менсьым чомйӧс куштісны, чом зэвтан гезъяссӧ орйӧдлісны. Менам челядьӧй мунісны ме дінысь, найӧ абуӧсь. Некодлы сувтӧдны менсьым чомйӧс, некодлы зэвтны чом дӧраясӧс.

Еремей 4:20

Выльысь и выльысь локтӧ бырӧдӧм, мусӧ ставнас куштӧма. Виччысьтӧг пазӧдісны менсьым чомъясӧс, ӧти здукӧн косялісны чом дӧраясӧс.

Еремей 46:5

Но мый Ме аддза? Найӧ повзьӧмаӧсь, бӧр бергӧдчӧны, налысь вына шыпуртаяссӧ пасьвартӧмаӧсь. Найӧ пышйӧны, бӧрлань оз видзӧдны, найӧс быд боксянь повзьӧдлӧны, – висьталӧ Господь. –

Еремей 49:24

Дамаскын олысьяс вынтӧммисны, уськӧдчисны пышйыны, найӧс полӧм босьтіс. Кага чужтысь аньӧс моз найӧс топӧдісны сьӧкыдалӧм да дойяс.

Еремей 49:5

Со, Ме мӧдӧда тіян вылӧ быд боксянь повзьӧдлӧм, – висьталӧ Ыджыдыс, Господь Саваоф. – Тіянӧс вӧтласны, ті пышъянныд, и некод оз чукӧрт тіянӧс.

Еремей 6:25

Энӧ петӧй видз-му вылӧ, энӧ ветлӧдлӧй туй вывті, ӧд вӧрӧг кыйӧдчӧ шыпуртӧн, повзьӧдлӧ быд боксянь.

Аввакум 3:7

Ме аддза, мый кушанса чомъясын шогсьӧны, мадианса чомъясын полӧны-тіралӧны.

2 Коринфӧ 4:8

Миянӧс быд боксянь топӧдӧны, но йӧршитны оз вермыны. Ми шӧйӧвошлам, но лачанымӧс огӧ воштӧй.

2 Коринфӧ 7:5

Македонияӧ воӧм бӧрын миян эз вӧв некутшӧм шойччӧг. Миянлы быд боксянь вӧлі сьӧкыд: ортсысянь – усьласисны, а пытшкӧсаным вӧлі полӧм.

Ёрдысьяс 6:5

Вӧрӧг волывліс аслас ыж-мӧскӧн да чомъясӧн саранча чукӧръяс моз. Найӧ асьныс да налӧн верблюдъясыс вӧліны сы мында, мый весиг он вермы лыддьынысӧ. Найӧ локтісны да куштісны Израиль му.

Ёрдысьяс 7:12

Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында.

Ёрдысьяс 8:21

Сэки Зевей да Салман шуисны: «Ачыд миянӧс ви, ӧд тэныд тайӧ выныд серти». Гедеон матыстчис да виис Зевейӧс да Салманӧс. Налӧн верблюд голяяс вылысь босьтіс аслыс тӧлысь сяма мичмӧдчанторъяссӧ.

Ёрдысьяс 8:26

Гедеонлы сетӧм зарни исерга чукӧрыс сьӧктанас вӧлі сюрс сизимсё сикель. Исергаяс кындзи вӧрӧглысь вӧлі босьтӧма тӧлысь сяма мичмӧдчанторъяс, сикӧтшъяс, мадианса ӧксыяслысь пемыдгӧрд паськӧм да налӧн верблюдъяслысь голясӧ мичмӧдан [зарни] чепъяс.