Еремей 48:28 - Коми Библия 2023

²⁸ Моавын олысьяс, эновтӧй ассьыныд каръяснытӧ, олӧй изкыртаясын, гулюяс моз вӧчӧй познытӧ кырта горсъясӧ.

Еремей 48:28 ပူးပေါင်းရင်းမြစ်များ

Олӧм 8:12

Сизим лун бӧрын Ной бара лэдзис гулюӧс, и сійӧ бӧрсӧ эз нин лок.

Сьылан 2:14

Гулюӧй менам, мыйла дзебсясян изкырта потасын, сайӧдчан джуджыд кыр бердын! Петкӧдлы меным чужӧмбантӧ, сет меным кывны гӧлӧс шытӧ, ӧд тэнад гӧлӧс шыыд – небыд, тэнад чужӧмбаныд – мичасьыс-мича!»

Исай 2:19

Йӧзыс пышъясны изкыртаясӧ, дзебсясны му горсъясӧ, ӧд найӧс полӧм топӧдас Господьлӧн вынысь, Сылӧн дзирдлунысь найӧс полӧм босьтас. Господь кыпӧдчас, и йӧзсӧ полӧм босьтас!

Еремей 48:9

Сетӧй Моавлы бордъяс, медым вермис лэбзьыны. Сылӧн каръясыс лоӧны овтӧминӧн, сэні оз коль олысьыс.

Еремей 49:16

Скӧрлуныд да вылӧ кыпӧдчӧмыд ылӧдлісны тэнӧ. Изкарын моз тэ олан джуджыд керӧсъяс вылын. Но тэ кӧ кутш моз овмӧдчан-поздысян выліинӧ, весиг сэтысь Ме шыбита тэнӧ, – висьталӧ Господь.

Еремей 49:8

Деданын олысьяс, бӧр бергӧдчӧй, пышйӧй, дзебсьӧй изкыртаӧ, ӧд Ме мӧдӧда Исавсянь чужысьяслы бырӧдӧм, инда найӧс мыждан кад.

Ёрдысьяс 6:2

Мадиансаяс чорыда дзескӧдісны Израиль войтырӧс. Наысь дзебсясьӧм могысь Израиль пиян вӧчалісны керӧсъяс вылӧ, керӧс потасъясӧ да кырта горсъясӧ сайӧдчанінъяс.

Ӧксыяслӧн 1 небӧг 13:6

Кор израильсаяс казялісны, мый филистимсаяс топӧдӧны найӧс, дзебсисны кырта горсъясӧ, сёнъясӧ, изкыртаяс костӧ, важ гуасянінъясӧ да косьмӧм вайӧртӧдъясӧ.