Еремей 37:19 - Коми Библия 2023

¹⁹ Кӧні тіян пророкъясныд, кодъяс юӧртлісны тіянлы, мый вавилонса ӧксы оз пет тышӧ тіянлы да тайӧ муыслы паныд?

Еремей 37:19 ပူးပေါင်းရင်းမြစ်များ

Ӧксыяслӧн 4 небӧг 3:13

Елисей шуис израильса ӧксылы: «Мыйла тэ локтін ме дінӧ? Мун аслад бать-мамыдлӧн пророкъяс дінӧ». «Ог мун, – вочавидзис израильса ӧксы. – Господь вайӧдіс миянӧс, куим ӧксыӧс, татчӧ, мед сетны миянӧс моавсаяс киӧ».

Еремей 2:28

Но кӧні тіян киӧн вӧчӧм енъясныд? Вермӧны кӧ, найӧ мед отсаласны тіянлы шог дырйиныд. Ӧд тэнад, Иуда войтыр, сы мында жӧ енмыс, мыйта тэнад карыд.

Еремей 23:17

Менӧ мустӧмтысьяслы найӧ пыр дольӧны, Господь пӧ висьталӧ, мый тіян век лоӧ лӧнь олӧм. Налы, кодъяс чорзьӧдӧмаӧсь ассьыныс сьӧлӧмнысӧ, тайӧ пророкъясыс шуӧны, шогыс пӧ оз су тіянӧс.

Еремей 29:31

«Пленӧ нуӧдӧм став йӧзыслы мӧдӧд гижӧд, мый Нехеламысь Шемай йылысь Господь тадзи висьталӧ: Ме эг мӧдӧдлы Шемайӧс, но сійӧ пророкалӧ тіянлы да ышӧдӧ тіянӧс лача кутны ылӧг вылӧ.

Еремей 6:14

Найӧ чайтӧны, мый кокньыда бурдӧдӧны Менам войтырлысь дойяссӧ, шуалӧны: «Лӧнь олӧм, лӧнь олӧм!», а лӧнь олӧмыс абу.

Еремей 8:11

Найӧ чайтӧны, мый кокньыда бурдӧдӧны Менам войтырлысь дойяссӧ, шуалӧны: «Лӧнь олӧм, лӧнь олӧм!», а лӧнь олӧмыс абу.

Бӧрданкыв 2:14

Пророкъясыд висьтавлісны тэныд ковтӧм да ылӧг восьтӧмсӧ, а тэнсьыд мыжтӧ эз эрдӧдны, эз видзны тэнӧ пленӧ нуӧдӧмысь. Ковтӧм да пӧрйӧдлан аддзылӧмъяс найӧ юӧртісны тэныд.

Езекиль 13:2

«Морт пиӧй, шу ассяньныс пророкалысь израильса пророкъяслы: кывзӧй Господьлысь кывсӧ.

Езекиль 13:6

Найӧ аддзӧны абутӧмсӧ, юӧртӧны ылӧгсӧ. Шуӧны, Господь пӧ висьталӧ, но Господь найӧс эз мӧдӧдлы. Та вылӧ видзӧдтӧг найӧ виччысьӧны, мый шуӧм кывныс инас.

Индӧд 32:38

Кӧні енъясыс, кодъяс сёйисны тіян висьяслысь госсӧ, юисны вина висьнытӧ? Найӧ мед чеччасны да отсаласны тіянлы, найӧ мед видзасны тіянӧс.