Еремей 36:29 - Коми Библия 2023

²⁹ А иудаса Ехояким ӧксылы висьтав, мый Господь тадзи висьталӧ: тэ сотін гижӧд тубрассӧ да юалін Еремейлысь, мыйла сійӧ гижӧма, мый локтас вавилонса ӧксы да пазӧдас тайӧ мусӧ, бырӧдас тайӧ муас олысь йӧзсӧ да ыж-мӧссӧ.

Еремей 36:29 ပူးပေါင်းရင်းမြစ်များ

Иов 15:24

Шогыс да сьӧкыдалӧмыс повзьӧдлӧны сійӧс, тышӧ петысь ӧксы моз найӧ вермӧны сійӧс.

Иов 15:25

Тайӧ лои сыысь, мый сійӧ кисӧ лэптіс Енлы паныд, пыксис Ставсӧвермысьлы,

Иов 40:8

ставнысӧ найӧс тырт мунас, чужӧмнысӧ вевттьы сап пемыднас,

Исай 29:21

ӧд найӧ шуӧны мыжтӧмӧс мыжаӧн, карса мыжданінын пӧрйӧдлӧны ёрдысьӧс, ӧтдортӧны збыльсӧ висьталысьӧс.

Исай 30:10

Тӧдысь-аддзысьяслы найӧ шуалӧны: «Дугдӧй аддзыны, мый водзӧ лоас». Пророкъяслы найӧ шуалӧны: «Энӧ висьтавлӧй миянлы збыльсӧ. Висьтавлӧй миянлы лӧсяланасӧ, висьтавлӧй сійӧ, мый миянлы сьӧлӧм серти.

Исай 45:9

Курыд шог сылы, коді вензьӧ аслас Вӧчыськӧд, сылы, коді сӧмын жугалӧм гырничтор кодь. Сёйыс ӧмӧй шуас гырнич вӧчысьыслы: «Мый тэ верман вӧчны?» Тэнад киӧн вӧчӧмторйыд ӧмӧй шуас, тэ пӧ сямтӧм?

Еремей 21:10

Ме шуи вӧчны тайӧ карыслы лёксӧ, а эг бурсӧ, – висьталӧ Господь. – Тайӧ карсӧ лоӧ сетӧма вавилонса ӧксы киӧ, и сійӧ сотас тайӧ карсӧ».

Еремей 25:13

Ме вӧча Калдея мулы Аслам кывъяс серти, вӧча ставсӧ, мый Еремей водзвыв висьталіс войтыръяс йылысь да мый гижӧма тайӧ небӧгас.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 26:9

Мыйла тэ Господь нимсянь пророкалан, мый тайӧ крамыскӧд лоӧ Силом каркӧд моз, а тайӧ карыс кушмас, и сэні олысьыс оз ло?» Став войтырыс кытшаліс Еремейӧс Господьлӧн крамын.

Еремей 28:8

Пророкъяс, кодъяс вӧліны водзысяньыс, тэӧдз и меӧдз на, водзвыв юӧртісны уна муяслы тыш, шог да пӧрӧс висьӧм йылысь.

Еремей 32:3

Еремейӧс йӧртігӧн иудаса Седекей ӧксы шуис сылы: «Тэ пророкалан, Господь пӧ тадзи висьталӧ: ”Тайӧ карсӧ Ме сета вавилонса ӧксы киӧ, и сійӧ босьтас тайӧ карсӧ.

Еремей 33:12

Господь Саваоф тадзи висьталӧ: тайӧ овтӧминас, кӧні абу морт ни ыж-мӧс, тайӧ каръяс гӧгӧрыс бара лоӧны йирсянінъяс, кӧні ыж видзысьяс кутасны йирсьӧдны ассьыныс ыжъяссӧ.

Еремей 36:23

Кор Ехуди лыддьывліс гижӧд тубрасысь куим-нёль юкӧн, ӧксы вундывліс лыддьӧм юкӧнъяссӧ пуртӧн, кутшӧмӧн гижалысь вӧдитчӧ, да шыбитліс найӧс ломтысьысь нажӧгӧ. Тадзи сійӧ бырӧдіс биын ставнас гижӧд тубрассӧ.

Ап. уджъяс 5:28

«Ми ӧмӧй эгӧ чорыда ӧлӧдлӧй тіянӧс тайӧ нимнас велӧдӧмысь? Став Ерусалимсӧ шызьӧдінныд асланыд велӧдӧмӧн, нӧшта миянӧс мыжданныд сійӧ Мортсӧ виӧмысь».

Ап. уджъяс 5:39

а Енсянь кӧ, ті онӧ вермӧй кисьтнысӧ. Видзчысьӧй Енлы паныд сувтӧмысь».

1 Коринфӧ 10:22

Ми огӧ кӧсйӧй дӧзмӧдны Господьӧс, ми ӧд Сыысь абу вынаджыкӧсь.

Индӧд 29:19

Йитӧд йылысь кыв сетӧмсӧ кылӧм бӧрын татшӧм мортыс мӧвпалӧ: ”Менам ставыс лоӧ бур. Ола, кыдзи кӧсъя”. Татшӧм мортыс вӧсна бырӧдӧмыс локтас став войтырыс вылӧ.