Еремей 35:6 - Коми Библия 2023

⁶ Но найӧ вочавидзисны: «Винатӧ ми огӧ юӧй, ӧд Рекавлӧн Ионадав пиыс, миян батьным, ӧлӧдіс миянӧс: ”Некор энӧ юӧй винатӧ ни ті, ни тіян челядьныд.

Еремей 35:6 ပူးပေါင်းရင်းမြစ်များ

Олӧм 25:27

Пияныс быдмисны. Исав лои бур вӧралысьӧн. Сійӧ ветлӧдліс кыйсьыны, а рам сьӧлӧма Яковлы кажитчис гортас овны.

Олӧм 36:7

Вокъяслӧн овмӧсныс вӧлі зэв ыджыд, та вӧсна ӧтлаын овны лои дзескыд. Ыж-мӧсныс эз нин тӧрны налӧн оланінас.

Ӧксыяслӧн 4 небӧг 10:15

Еху водзӧ муніс да паныдасис Рекавлӧн Ионадав пикӧд. Чолӧмасигас Еху шуис сылы: «Менам сьӧлӧмӧй восьса тэныд, а тэнад?» Ионадав вочавидзис: «Менам сьӧлӧмӧй тшӧтш восьса тэныд». «Тадзи кӧ, вай меным китӧ», – шуис Еху. Ионадав мыччис кисӧ, а Еху отсаліс сылы кайны аслас тарантасӧ.

Ӧксыяслӧн 4 небӧг 10:23

Еху да Рекавлӧн Ионадав пиыс пырисны Вааллы юрбитан керкаӧ. Еху шыасис Вааллы юрбитысьяс дінӧ: «Видзӧдалӧй, эм-ӧ тіян пӧвстын Господьлы юрбитысьяс. Тані мед лоӧны сӧмын Вааллы юрбитысьяс».

1 Каднебӧг 16:19

Сэки Израиль войтырлӧн лыдыс вӧлі этша на, Ханаан муын найӧ вӧліны локтысь йӧзӧн.

1 Каднебӧг 2:55

Ябецын олысь соферъяссянь чужисны тирейяс, шимейяс да сукатъяс. Найӧ вӧліны кенейяс, Хамматсянь чужысьяс, Рекав рӧдысь.

Псалтыр 105:12

Сэки миян батьяс эскисны Господьлӧн кывъясӧ, сьылӧмӧн ошкисны Сійӧс.

Петӧм 20:12

Пыдди пукты ассьыд бать-мамтӧ, медым [тэныд вӧлі бур да] олӧмыд вӧлі кузь нэма сійӧ муас, мый Господь, тэнад Енмыд, сетас тэныд.

Еремей 35:10

Ми олам чомъясын, ми кывзысям да ставсӧ вӧчам сідзи, кыдзи тшӧктіс миянлы Ионадав батьным.

Еремей 35:14

Рекавлӧн Ионадав пиыс аслас пиянлы эз лэдз юны вина, и найӧ ӧнӧдз оз юны вина. Найӧ кывзысьӧны асланыс батьныслысь, олӧны сылӧн кывъясыс серти. А Ме выльысь и выльысь ӧлӧдлі тіянӧс, но ті энӧ кывзысьӧй Менсьым.

Левит 10:9

«Вина-сур юӧм бӧрын энӧ пырӧй вежа чомйӧ [да энӧ матыстчӧй висьпуктанін дорӧ], медым энӧ кулӧй. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Лука 1:15

Господь водзын сійӧ лоас ыджыд мортӧн, вина-сур оз кут юны, мам кынӧмас на сійӧ тырас Вежа Лолӧн.

1 Петыр 2:11

Мусаяс, тайӧ му вылас ті ветлысь-мунысьяс кодьӧсь. Ёна кора тіянӧс: энӧ кывзысьӧй асланыд вир-яйлӧн лёк кӧсйӧмъяслысь, ӧд найӧ тышкасьӧны тіян ловкӧд.

Ёрдысьяс 13:14

Виноград да сыысь вӧчӧмтор мед оз сёй, вина-сур мед оз ю, пеж сёян мед оз сёй. Мед олас менам тшӧктӧм серти».

Ёрдысьяс 13:7

Сійӧ шуис меным, мый ме сьӧкта да чужта пиӧс. Сійӧ ӧлӧдіс менӧ вина-сур юӧмысь да пеж сёян сёйӧмысь, ӧд менам кынӧмсянь кагаӧс лоӧ торйӧдӧма Енлы. Кувтӧдзыс сійӧ лоӧ назорейӧн».