Еремей 35:4 - Коми Библия 2023

⁴ Ме вайӧді найӧс Господьлӧн крамӧ, Ханан пиянлӧн вежӧсӧ. Ханан вӧлі Енлӧн морт, Игдалийлӧн пи. Вежӧсыс вӧлі юралысьяслӧн вежӧскӧд орччӧн, Маасей вежӧс весьтын. Маасей вӧлі Шаллумлӧн пи, коді видзис крамӧ пыранін.

Еремей 35:4 ပူးပေါင်းရင်းမြစ်များ

Ӧксыяслӧн 3 небӧг 12:22

Сэки Енлӧн морт Шемайлы вӧлі Енсянь кыв:

Ӧксыяслӧн 3 небӧг 13:1

Кор Еровам висьпуктанін вылын сотіс вись, Вефильӧ локтіс Иуда муысь Енлӧн морт, кодӧс мӧдӧдіс Господь.

Ӧксыяслӧн 3 небӧг 13:26

Тайӧс кылӧм бӧрын пророк, коді бергӧдіс Енлысь мортсӧ туй вывсьыс, шуис: «Тайӧ мортыс – Енлӧн морт, коді эз кывзысь Господьлысь. Господь сетіс сійӧс левлы, и лев косявліс сійӧс, кыдзи Господь висьталіс сылы».

Ӧксыяслӧн 3 небӧг 17:18

дӧва шуис Иллялы: «Мый тэныд месянь колӧ, Енлӧн мортӧй? Тэ локтін, медым казьтыштны меным мыжъясӧс да вины пиӧс».

Ӧксыяслӧн 3 небӧг 17:24

Дӧва вочавидзис Иллялы: «Ӧні ме тӧда, мый тэ Енлӧн морт, и Господь збыльысь сёрнитӧ тэ пыр».

Ӧксыяслӧн 3 небӧг 20:28

Сэки израильса ӧксы дінӧ матыстчис Енлӧн морт да шуис: «Господь тадзи висьталӧ: ”Арамейяс шуӧны, Господь пӧ керӧсъяслӧн ен, абу ковтыслӧн ен. Та вӧсна Ме сета налысь уна лыда тышкайӧзсӧ тэнад киӧ. Сэки ті тӧдмаланныд, мый Ме – Господь”».

Ӧксыяслӧн 4 небӧг 1:9

Ӧксы мӧдӧдіс Илля дінӧ ветымын тышкамортӧс налӧн веськӧдлыськӧд. Илля пукаліс керӧс йылын, кор тышкакотырӧн веськӧдлысь кайис сы дінӧ да шуис: «Енлӧн мортӧй! Ӧксы тшӧктӧ тэныд лэччыны».

Ӧксыяслӧн 4 небӧг 12:9

Иодай поп босьтіс куд, вӧчис вевт вылас розь да пуктіс кудсӧ Господьлӧн крам пыранінӧ, висьпуктанін веськыдладорӧ. Пыранін видзысь попъяс локтысьяслысь вайӧм сьӧмсӧ чӧвталісны кудйӧ.

Ӧксыяслӧн 4 небӧг 25:18

Навузардан, ӧксыӧс видзысьяслӧн юралысь, босьтіс Серай аркирейӧс да сылы отсасьысь Софоний попӧс, тшӧтш крам пыранін видзысь куим попӧс.

Ӧксыяслӧн 4 небӧг 5:14

Сэки Нееман муніс Йӧрдан ю дорӧ да Ен мортлӧн шуӧм серти сизимысь дзумгысьліс юас. Нееман лои сӧстӧм, сылӧн кучикыс лои кагалӧн кодь.

Ӧксыяслӧн 4 небӧг 5:20

Енлӧн морт Елисейлӧн Гезий кесйӧгыс мӧвпыштіс: «Сыысь, мый арамей Нееман вайліс, менам ыджыдӧй нинӧм эз босьт. Ловъя Господь водзын шуа: котӧртла Нееман бӧрся. Гашкӧ, сійӧ мыйкӧ сетас меным».

Ӧксыяслӧн 4 небӧг 6:10

Израильса ӧксы мӧдӧдліс ассьыс йӧзсӧ сійӧ местаас, мый йылысь висьтавліс Енлӧн морт. Татшӧм ногӧн Елисей унаысь ӧлӧдліс ӧксыӧс.

Ӧксыяслӧн 4 небӧг 7:17

Войтыр бӧрся видзӧдӧм могысь ӧксы сувтӧдіс карса дзиръя дорӧ тышкайӧзӧн веськӧдлысьӧс, ассьыс видзысьсӧ. Но дзиръяӧд петігас войтырыс таляліс тайӧ мортсӧ, и сійӧ кувсис. Лои сідзи, кыдзи шуліс Енлӧн морт, кор ӧксы воліс сы дінӧ.

Ӧксыяслӧн 4 небӧг 7:2

Тышкайӧзӧн веськӧдлысь, коді видзис ӧксыӧс, шуис Енлӧн мортлы: «Весиг кӧ Господь енэжвыв ӧшиньяссӧ восьтас, тадзи оз вермы лоны». Елисей шуис сылы: «Тэ аслад синмӧн тайӧс аддзылан, но сёйнысӧ он кут».

1 Каднебӧг 9:27

Видзысьясыс коллялісны войсӧ Енлӧн крам дорын, медым видзны крамсӧ. Асывнас найӧ восьтлісны дзиръяяссӧ.

2 Каднебӧг 8:14

Давид батьыслӧн тшӧктӧм серти Соломон индіс кесъявны поп котыръясӧс, индіс тшӧтш левитъясӧс быд лун кежлӧ вӧчны ассьыныс уджнысӧ – ошкыны Господьӧс да отсасьны попъяслы. Нӧшта Соломон сувтӧдаліс быд дзиръя дорӧ крам видзысьясӧс. Тадзи вӧчны тшӧктіс сылы Енлӧн морт Давид.

Псалтыр 84:10

Сійӧ регыд нин мездас Сыысь полысьясӧс, Сылӧн дзирдлуныс лоас миян му вылын.

Еремей 21:1

Еремейлы вӧлі Господьсянь кыв, кор Седекей ӧксы мӧдӧдіс Еремей дінӧ Малкийлысь Пашхур писӧ да Софоний попӧс, Маасейлысь писӧ. Седекей ӧксы тшӧктіс шуны сылы:

Еремей 26:10

Кор иудаса юралысьяс кылісны та йылысь, найӧ локтісны ӧксы керкаысь Господьлӧн крам йӧрӧ да пуксисны Выль дзиръя дорӧ.

Еремей 35:3

Ме муні да кори Язанийӧс, Хавацний Еремейлысь писӧ, сылысь вокъяссӧ да пиянсӧ, тшӧтш Рекавлысь став рӧдсӧ.

Еремей 52:24

Навузардан, ӧксыӧс видзысьяслӧн юралысь, босьтіс Серай аркирейӧс да сылы отсасьысь Софоний попӧс, тшӧтш крам пыранін видзысь куим попӧс.

Езекиль 40:38

Пыранінын вӧлі торъя вежӧс, кӧні мыськалісны сотан висьяс.

Езекиль 43:8

Ассьыныс тагӧссӧ найӧ пуктісны Менам тагӧс дінӧ да ассьыныс ӧдзӧс куричьяссӧ сувтӧдісны Менам ӧдзӧс куричьяс бердӧ, медым Меа-на костын сӧмын стен вӧлі. Найӧ пежалісны Менсьым вежа нимӧс асланыс пеж уджъясӧн. Та вӧсна Ме бырӧді найӧс скӧрйывсьым.

Индӧд 33:1

Со тайӧ бурсиӧмнас Мӧисей, Енлӧн морт, бурсиис Израиль пиянӧс кулӧм водзвылас:

1 Тимофейлы 6:11

Но тэ, Енлӧн мортӧй, ылыстчы таысь. Кутчысь веськыдлунас, вежавидзана оласногас, эскӧмас, муслунас, зумыдлунас да рамлунас.

2 Тимофейлы 3:17

медым Енлӧн морт вӧлі тыр-бур да вӧлі дась вӧчны быдпӧлӧс бур уджсӧ.

Нав Исус 14:6

Галгалын Иудасянь чужысьяс локтісны Исус дінӧ. Кенез рӧдысь Ефуннилӧн Калев пиыс шуис сылы: «Тэ ӧд тӧдан, мый висьталіс Господь тэа-меа йылысь Кадеш-Варниын Мӧисейлы, Енлӧн мортлы.

Ӧксыяслӧн 1 небӧг 2:27

Илий дінӧ локтіс Енлӧн морт да шуис: «Господь тадзи висьталӧ: ”Ме восьті Ачымӧс тэнад батьяслы, кор найӧ Египетын вӧліны фараонлӧн кесйӧгъясӧн.