Еремей 31:35 - Коми Библия 2023

³⁵ Господь пуктіс шонді югзьӧдны луннас, тшӧктіс тӧлысьлы да кодзувъяслы югзьӧдны войнас, Сійӧ гызьӧдӧ саридз, медым гыясыс ыджыд шыӧн бузгисны. Сылӧн нимыс – Господь Саваоф. Сійӧ тадзи висьталӧ:

Еремей 31:35 ပူးပေါင်းရင်းမြစ်များ

Иов 26:12

Аслас вынӧн Енмыс гызьӧдӧ саридз, Аслас мывкыдлунӧн пасьвартӧ Рахавӧс.

Иов 38:33

Тэ ӧмӧй тӧдан енэжлысь индӧдъяссӧ, тэ-ӧ индан, кыдзи енэжыслы ыджыдавны му вылын?

Псалтыр 106:9

Ӧд Сійӧ ловзьӧдӧ нюкыртчӧмаясӧс, Аслас бурнас пӧткӧдӧ тшыгъялысьясӧс.

Псалтыр 148:6

Сійӧ сувтӧдіс найӧс нэмъяс кежлӧ, сетіс вежсьывлытӧм индӧдъяс.

Псалтыр 72:17

кытчӧдз ме эг пыр Енлӧн вежаинӧ и эг гӧгӧрво, мый виччысьӧ лёк вӧчысьясӧс.

Псалтыр 72:5

Найӧ оз уджавны пӧсь петтӧдз, мукӧд йӧзсӧ моз оз топӧд найӧс сьӧкыд олӧм.

Псалтыр 78:13

А ми, Тэнад войтырыд, Тэнад йӧрысь ыжъясыд, кутам помтӧг нимӧдны Тэнӧ, кутам ошкыны Тэнӧ чужысьяссянь чужысьясӧдз.

Псалтыр 89:2

Господьӧй, чужысьяссянь чужысьясӧдз Тэ миянлы сайӧдчаніныс.

Исай 48:2

Ті шуанныд асьнытӧ вежа карысь петысьясӧн, ті лача кутанныд Израильлӧн Ен вылӧ. Сылӧн нимыс – Господь Саваоф.

Исай 51:15

Ме – Господь, тэнад Енмыд, Ме гызьӧда саридзсӧ, и гыясыс ыджыд шыӧн кутасны бузгыны. Менам нимӧй – Господь Саваоф.

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Исай 63:12

Кӧні Сійӧ, коді нуӧдіс Мӧисейӧс Аслас вына кинас? Кӧні Сійӧ, коді шӧри поткӧдіс саридзсӧ Аслас войтыр водзын, медым нимӧдны Асьсӧ нэмъяс чӧж?

Еремей 10:16

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Еремей 32:18

Сюрсъяслы Тэ петкӧдлан Ассьыд буралӧмтӧ, а батьяслӧн лёк вӧчӧмысь Тэ мынтысян налӧн ныв-пилы. Тэ – ыджыд да вына Ен, Тэнад нимыд – Господь Саваоф.

Еремей 33:20

«Господь тадзи висьталӧ: Ме кӧрталі луныскӧд да войыскӧд йитӧд, и тайӧ йитӧдсӧ ті онӧ вермӧй торкнысӧ. Луныс и войыс локтӧны ас кадӧ.

Еремей 33:25

Господь тадзи висьталӧ: кыдзи Ме ог торк йитӧдӧс, мый кӧрталі луныскӧд да войыскӧд, да ог веж индӧдъяс, мый лӧсьӧді енэжыслы да муыслы,

Еремей 33:26

сідзи жӧ Ме ог ӧтдорт Яковсянь чужысьясӧс да Менам Давид кесйӧгсянь чужысьясӧс. Давид рӧдысь Ме кута бӧрйыны юралысьясӧс, медым веськӧдлыны Ӧвраамсянь, Исааксянь да Яковсянь чужысьясӧн. Ме бергӧда Ассьым войтырӧс пленысь да бурсьӧлӧмтча на дінӧ».

Еремей 46:18

Ме кыв сета, – висьталӧ Ӧксы, кодлӧн нимыс Господь Саваоф, – мый локтас вӧрӧг, коді керӧсъяс пӧвстын сулалысь Тавор керӧс кодь, саридз весьтын сулалысь Кармил керӧс кодь.

Еремей 5:22

Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.

Еремей 50:34

Но найӧс Мездысьыс вына, Сылӧн нимыс – Господь Саваоф. Сійӧ доръяс найӧс да налӧн мулы сетас лӧньлун, а Вавилонын олысьяслы ыстас полӧм-тіралӧм.

Еремей 51:19

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Осий 13:14

Мезда-ӧ Ме сійӧс кулӧмыслӧн кабыр улысь, ньӧба-ӧ сійӧс кулӧмыслысь? Кулӧм, кӧні тэнад чушканыд? Кулӧм, кӧні тэнад вермӧмыд? Жалитӧмыс Менам оз ло.

Амос 9:8

Ме, Господь Ыджыдыс, видзӧдла мыжа войтыр вылӧ да бырӧда найӧс му вылысь. Но Яковлысь рӧдсӧ Ме ог ставнас бырӧд, – висьталӧ Господь. –

Матвей 5:45

Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы.

Индӧд 4:19

Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.