Еремей 31:32 - Коми Библия 2023

³² Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Еремей 31:32 ပူးပေါင်းရင်းမြစ်များ

Ӧксыяслӧн 3 небӧг 8:9

Кудйын вӧлі сӧмын кык изпӧв, найӧс сэтчӧ Хорив керӧсын пуктыліс Мӧисей. Буретш сэні Израиль войтырлӧн Египет муысь петӧм бӧрын Господь кӧрталіс накӧд йитӧд.

Псалтыр 73:23

Эн вунӧд Тэнӧ мустӧмтысьяслысь горзӧмсӧ, Тэныд паныд кыпӧдчысьяс ӧтарӧ шызьӧны. Ошкӧм.

Петӧм 19:5

Ті кӧ кутанныд кывзысьны Менсьым да оланныд йитӧд серти, мый Ме кӧрталі тіянкӧд, сэки войтыръяс пӧвстысь ті лоанныд Менам войтырӧн. Муыс ӧд ставнас Менам.

Петӧм 32:8

Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс ӧшкӧс да копыртчисны сылы, вайисны сылы висьяс да шуисны: ”Израиль, тайӧ тэнад ен, сійӧ петкӧдіс тэнӧ Египет муысь!”»

Сьылан 8:5

– Коді тайӧ, овтӧминысь локтысьыс? Сійӧ топӧдчӧма мусукыс бердӧ. (Ныв:) – Яблӧг пу улын ме садьмӧді тэнӧ, сэні коркӧ сьӧктаммис тэнад мамыд, сэні сійӧ чужтіс тэнӧ.

Исай 24:5

Му вылын олысьяс пежалісны мусӧ, ӧд найӧ ӧтдортісны Енлысь Индӧдсӧ, нинӧмӧ пуктісны Сылысь тшӧктӧмъяссӧ, пыр кежлӧ кӧрталӧм йитӧдсӧ торкисны.

Исай 41:13

Ме – Господь, тэнад Енмыд, Ме кута тэнӧ веськыд киӧдыд, шуа: «Эн пов, Ме отсала тэныд».

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Еремей 11:3

Юӧрт налы, мый Господь, Израильлӧн Ен, тадзи висьталӧ: ёрӧма быдӧнӧс, коді оз кывзы тайӧ йитӧдлысь тшӧктӧмъяссӧ.

Еремей 11:4

Тайӧ тшӧктӧмъяссӧ Ме сеті тіян батьяслы, кор петкӧді найӧс Египетысь, кӧрт сывдан пачысь. Ме тшӧкті налы кывзыны Менӧ да ставсӧ вӧчны Менам тшӧктӧм серти, медым найӧ вӧліны Менам войтырӧн, а Ме – налӧн Енмӧн.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Еремей 22:9

Налы вочавидзасны: «Господь тадзи вӧчис сы вӧсна, мый тайӧ карас олысьяс вунӧдісны асланыс Господь Енлысь Йитӧдсӧ, мый Сійӧ кӧрталіс накӧд, копрасисны мукӧд енъяслы да кесъялісны налы».

Еремей 3:14

«Бергӧдчӧй Ме дінӧ, кывзысьтӧм войтырӧй, – висьталӧ Господь, – ӧд Ме – тіян Верӧсныд. Весиг кӧ карын коляс ӧти морт, чужанкотырын – кык морт, Ме босьта найӧс да вайӧда Сионӧ.

Еремей 31:1

Сійӧ кадас, – висьталӧ Господь, – Ме лоа израильса быд чужанкотырлӧн Енмӧн, а найӧ – Менам войтырӧн.

Еремей 34:13

«Господь, Израильлӧн Ен, тадзи висьталӧ: кор Ме петкӧді тіянлысь батьяснытӧ Египет муысь, кӧні вӧліны найӧ кесйӧг туйынӧсь, Ме кӧрталі накӧд йитӧд. Ме тшӧкті налы

Еремей 34:14

сизимӧд вонас лэдзны вӧля вылӧ ассьыныс еврей вокъяснысӧ, кодъяс асьнысӧ вузалісны кесйӧг пыдди. Татшӧм мортыс мед кесъялас квайт во, а сэсся сійӧс колӧ лэдзны вӧля вылӧ. Но тіян батьясныд эз кывзыны Менӧ, эз сибӧдны Менсьым кывъясӧс.

Езекиль 16:8

Бӧрынджык, кор Ме муні тэ бокті, Ме аддзи, мый воӧма тэнад мусукасян кадыд. Ме павкниті тэ вылӧ паськӧм дорышӧс да вевтти тэнсьыд куш яйтӧ. Ме кыв сеті тэныд, мый тэ лоан Менам, да кӧрталі тэкӧд йитӧд, – висьталӧ Господь Ыджыдыс. –

Езекиль 20:37

Ыж видзысь моз Ме лыддя-торйӧда тіянӧс. Ме кӧртвомала тіянӧс, медым олінныд Менам йитӧд серти.

Езекиль 23:4

Ыджыд чойсӧ шуисны Огола, а мӧдсӧ – Оголива. Оголаыс – Самария, а Оголиваыс – Ерусалим. Кыкнанныс найӧ вӧліны Менам, и чужтісны ныв-пиӧс.

Осий 11:1

– Кор Израиль вӧлі том на, сійӧ вӧлі муса Меным. Египет муысь Ме кори пиӧс.

Осий 2:2

– Мыжалӧй ассьыныд мамнытӧ, мыжалӧй, ӧд сійӧ Меным абу гӧтыр, и Ме сылы абу верӧс. Мед сійӧ пӧрччас чужӧм вывсьыс кырсалысь аньлысь вевттьӧдсӧ, мед шыбитас морӧс бердсьыс гозъякост олӧм пежалысьлысь мичмӧдчанторъяссӧ.

Осий 3:1

Господь шуис меным: «Мун да бара радейт гӧтыртӧ, коді мусукыскӧд пежалӧ гозъякост олӧмнытӧ. Радейт, кыдзи Ме, Господь, радейта Израиль войтырӧс, коді кежис мукӧд енъяс дінӧ и окотапырысь сёйӧ идолъяслы вайӧм изюм».

Левит 26:15

мустӧмтанныд-зывӧктанныд кӧ Менсьым индӧд-тшӧктӧмъясӧс, Менам тшӧктӧмъяс серти кӧ онӧ олӧй, а торканныд Менсьым йитӧдӧс,

Марк 8:23

Исус босьтіс синтӧмӧс киӧдыс да петкӧдіс сиктсьыс. Синмас сьӧлыштӧм бӧрын пуктіс кисӧ сы вылӧ да юаліс: «Аддзан-ӧ мыйкӧ?»

Иоан 3:29

Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.

Ап. уджъяс 23:19

Сюрсӧн веськӧдлысь босьтіс том мортӧс киӧдыс, сэсся бокӧ вешйӧмӧн юаліс сылысь: «Мый тэ кӧсъян висьтавны?»

2 Коринфӧ 11:2

ӧд ме тӧждыся тіян вӧсна Енлӧн тӧждысьӧмӧн. Ме кӧсйыси сетны тіянӧс дзик ӧти верӧспулы – Кристослы. Кӧсъя, мед ті сувтінныд Сы водзӧ сӧстӧм нылӧн.

Индӧд 1:31

Овтӧминын ті аддзылінныд, мый Господь, тіян Енныд, нуис тіянӧс ки вылас, кыдзи бать нуӧ ассьыс писӧ. Татчӧ вотӧдзныд Сійӧ пыр нуис тіянӧс ки вылас”.

Индӧд 29:1

Моав муын Господь тшӧктіс Мӧисейлы содтыны тайӧ кывъяссӧ сійӧ йитӧд дорас, мый Господь кӧрталіс Израиль пиянкӧд Хорив керӧсын.

Индӧд 29:21

Господь торйӧдас сійӧс Израиль чужанкотыръяс пӧвстысь, медым бырӧдны сійӧс став ёрӧмыс серти, мый гижӧма тайӧ Индӧд небӧгас.

Индӧд 29:24

Сэки войтыръяс юаласны: ”Мый вӧсна Господь тадзи вӧчис тайӧ муыслы? Мыйла Сійӧ та выйӧдз скӧрмис?”

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Индӧд 31:20

Ме вайӧда найӧс [бур] муӧ, мый йылысь кыв сеті налӧн батьяслы, муӧ, кӧні визувтӧ йӧв да ма. Сэні найӧ кутасны пӧттӧдзныс сёйны да тшӧгасны. Та бӧрын найӧ бергӧдчасны мукӧд енъяслань да кутасны юрбитны налы. А Менӧ найӧ эновтасны да торкасны йитӧдӧс, мый Ме кӧрталі накӧд.

Индӧд 5:2

Господь, миян Енным, кӧрталіс миянкӧд йитӧд Хорив керӧсын.

Индӧд 5:3

Эз миян батьяскӧд кӧртав тайӧ йитӧдсӧ Господь, а миянкӧд, кодъяс ӧні танӧсь.

Еврейяслы 8:9

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Найӧ торкисны йитӧдӧс, мый Ме кӧрталі накӧд, та вӧсна Ме бергӧдчи наысь, – висьталӧ Господь. –