Еремей 25:35 - Коми Библия 2023

³⁵ Иуда войтырӧс видзысьяс оз вермыны пышйыны, Иуда войтырлӧн ыджыдъяслы оз ло мездмӧмыс.

Еремей 25:35 ပူးပေါင်းရင်းမြစ်များ

Иов 11:20

А лёк вӧчысьлӧн синмыс бердас, сійӧ оз вермы пышйыны, сылӧн лачаыс – бӧръя лолыштӧмыс.

Псалтыр 142:4

Менам лолӧй дзикӧдз нюкыртчӧма, менам сьӧлӧмӧй полӧмӧйла топалӧма.

Еремей 11:11

Та вӧсна Господь тадзи висьталӧ: «Ме мӧдӧда на вылӧ шог, и найӧ оз вермыны сыысь пышйынысӧ. Найӧ шыасясны Ме дінӧ, но Ме ог кыв найӧс.

Еремей 25:36

Иуда войтырӧс видзысьяс бӧрдӧны, Иуда войтырлӧн ыджыдъяс сыркъялӧны, ӧд Господь бырӧдіс налысь йирсянінсӧ.

Еремей 32:4

Иудаса Седекей ӧксы оз мын калдеяса тышкайӧзлӧн киысь. Сійӧс збыльысь лоӧ сетӧма вавилонса ӧксы киӧ. Сылы ковмас аддзысьны да сёрнитны вавилонса ӧксыкӧд.

Еремей 34:3

Тэ он вермы пышйыны, тэнӧ босьтасны да сетасны сылӧн киӧ. Тэныд ковмас аддзысьны да сёрнитны вавилонса ӧксыкӧд, и тэнӧ нуӧдасны Вавилонӧ.

Еремей 37:17

Седекей ӧксы тшӧктіс вайӧдны Еремейӧс. Сійӧс вайӧдісны ӧксы керкаӧ, и ӧксы гусьӧн юаліс сылысь: «Вӧлі-ӧ Господьсянь кыв?» «Вӧлі, – вочавидзис Еремей. – Тэнӧ лоӧ сетӧма вавилонса ӧксы киӧ».

Еремей 38:18

А он кӧ сетчы вавилонса ӧксылӧн киподувса юралысьяслы, сэки тайӧ карсӧ лоӧ сетӧма калдеяса тышкайӧзлӧн киӧ. Найӧ сотасны тайӧ карсӧ биӧн, и тэ он мездмы налӧн киысь”».

Еремей 38:23

Став тэнсьыд гӧтыръястӧ да челядьтӧ нуӧдасны калдея войтыр дінӧ, и ачыд тэ он жӧ мездмы налӧн киысь. Тэ шедан вавилонса ӧксы киӧ, а тайӧ карсӧ сотасны биӧн».

Еремей 48:44

Коді пышъяс повзьӧдлӧмысь, сійӧ гуӧ усяс, коді петас гусьыс, сійӧ налькйӧ веськалас. Ме мӧдӧда Моавлы сійӧс мыждан во, – висьталӧ Господь.

Езекиль 17:15

Но иудаса ӧксы кыпӧдчис вавилонса ӧксылы паныд. Сійӧ мӧдӧдіс ассьыс йӧзсӧ Египетӧ, медым найӧ ваясны сэтысь вӧвъясӧс да уна лыда тышкайӧзӧс. Но лоӧ-ӧ сылы бур? Сёрнитчӧмсӧ торкысь морт оз пышйы мыждӧмысь.

Езекиль 17:18

Иудаса ӧксы нинӧмӧ пуктіс кыв сетӧмсӧ да торкис вавилонса ӧксыкӧд сёрнитчӧмсӧ, мый ки сетӧмӧн вынсьӧдіс. Та вӧсна сійӧ оз пышйы мыждӧмысь.

Даниил 5:30

Сійӧ жӧ войнас калдеяса Валтасар ӧксыӧс виисны,

Амос 2:14

Тэрыба котралысь оз вермы пышйыны, вына морт эбӧссӧ воштӧ, повтӧм морт оз вермы мездыны асьсӧ.