Еремей 18:15 - Коми Библия 2023

¹⁵ Но Менам войтырӧй вунӧдіс Менӧ, найӧ сотӧны висьяс абутӧм енъяслы. Найӧ крукасисны асланыс туй вылын, кежисны важ туй вылысь, ӧні ветлӧдлӧны сэті, кӧні туйыс абу.

Еремей 18:15 ပူးပေါင်းရင်းမြစ်များ

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Исай 3:12

Челядь дзескӧдӧны менсьым войтырӧс, аньяс ыджыдалӧны сы вылын. Вескӧдлысьяс кежӧдӧны сійӧс ылӧг туй вылӧ, нуӧдӧны чукля туйӧд.

Исай 41:29

Войтыръяслӧн енъясыс нинӧм кодьӧсь, бӧлбанъясыс тӧвру кодьӧсь, нинӧм оз вермыны вӧчнысӧ.

Исай 57:14

Господь шуас: – Дасьтӧй, дасьтӧй, шыльӧдӧй туйсӧ, Менам войтырлӧн туй вылысь вештӧй ставсӧ, мыйӧ найӧ вермасны крукасьны.

Исай 62:10

Петӧй, петӧй дзиръяясӧд, шыльӧдӧй туйсӧ войтырлы! Дасьтӧй, дасьтӧй туйсӧ, весалӧй изъясысь, кыпӧдӧй дӧрапас войтыръяслы!

Исай 65:7

тіян мыжъясысь да батьясныдлӧн мыжъясысь, – висьталӧ Господь. – Керӧсъяс вылын найӧ сотісны висьяс, мылькъяс вылын омӧльтісны Менӧ. Ме мурталӧмӧн мынтыся налы важ уджъяссьыныс.

Исай 9:16

Юрнуӧдысьяс кежӧдісны Израиль войтырӧс ылӧг туй вылӧ, и на бӧрся мунысьяс вошисны.

Еремей 1:16

Ме понда мыждыны Иуда муын олысьясӧс став налӧн лёк вӧчӧмысь, ӧд найӧ эновтісны Менӧ, сотісны висьяс мукӧд енъяслы да копрасисны асланыс киӧн вӧчӧмторъяслы.

Еремей 10:15

Найӧ нинӧм дон оз сулавны, найӧ тешкодь вӧчӧмторъяс, мыждан лунӧ найӧ бырасны.

Еремей 11:12

Сэки Иуда каръясын да Ерусалимын олысьяс шыасясны енъяс дінӧ, кодъяслы найӧ сотӧны висьяс, но налӧн енъясыс оз мездыны найӧс шог дырйиныс.

Еремей 11:13

Мыйта Иуда муын карыс, сы мында Иуда войтырлӧн и енмыс. Мыйта Ерусалимын уличыс, сы мында жӧ висьпуктанін сувтӧдісны олысьясыс, медым сотны висьяс зывӧк Вааллы.

Еремей 11:17

Господь Саваоф, коді пуктіс да быдтіс Израиль да Иуда войтыръясӧс, шуис мӧдӧдны на вылӧ шог налӧн лёк уджъясныс понда. Зывӧк Вааллы вись сотӧмнас найӧ скӧрмӧдісны Господьӧс. Тадзи аслыныс вӧчисны лёксӧ.

Еремей 13:25

Со мый виччысьӧ тэнӧ, Ерусалим, со мый Ме дасьті тэныд, – висьталӧ Господь, – ӧд тэ вунӧдін Менӧ, тэ лача кутін ылӧгыс вылӧ.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Еремей 17:13

Господьӧй, Тэ – Израильлӧн лачаыс! Тэнӧ эновтысьяс ставныс яналасны, Тэысь кежысьяс бырасны бус вылӧ гижӧм нимъяс моз, ӧд найӧ эновтісны Господьӧс, ловъя ва петанінсӧ.

Еремей 18:14

Ливан керӧс вылысь лымйыс ӧмӧй сывлывлӧ? Керӧс вывсянь визувтысь кӧдзыд ваыс ӧмӧй косьмывлӧ?

Еремей 19:5

Найӧ лэптісны Ваал идоллы вись ваян мылькъяс, медым сотан вись пыдди вайны Вааллы ассьыныс ныв-пинысӧ. Но татшӧмторсӧ Ме эг тшӧктывлы вӧчнысӧ, тайӧ Меным абу сьӧлӧм серти.

Еремей 2:13

Менам войтырӧй вӧчис кык лёктор: эновтіс Менӧ, ловъя ва петанінсӧ, да кодйис аслыс буждысь юкмӧсъяс, кодъяс оз вермыны ва кутны.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Еремей 2:32

Том ныв ӧмӧй вунӧдас пасьтавны мичмӧдчанторъяссӧ, гӧтырпу – кӧлысь паськӧмлысь вӧньсӧ? Но Менам войтырӧй важӧн нин вунӧдіс Менӧ.

Еремей 3:21

Изъя керӧсъяс вылын кылӧ гӧлӧс шы, Израиль войтырлӧн бӧрдӧм да кевмӧм шы, ӧд найӧ кежисны асланыс туй вылысь, вунӧдісны Господьӧс, ассьыныс Енсӧ.

Еремей 44:25

Господь Саваоф, Израильлӧн Ен, тадзи висьталӧ: ”Ті да тіян гӧтыръясныд вӧчинныд сійӧ, мый шуалінныд асланыд вомӧн. Ті шуалінныд, ми пӧ вӧчам сійӧ, мый кыв сетӧмӧн кӧсйысим вӧчны, кутам пӧ тшынӧдчыны енэжвывса ӧксы-аньлы да вайны сылы вина вись. Сідзкӧ, вӧчӧй асланыд кыв сетӧм сертиныд, збыльмӧдӧй, мый кӧсйысинныд!

Еремей 51:18

Найӧ нинӧм дон оз сулавны, найӧ тешкодь вӧчӧмторъяс, мыждан лунӧ найӧ бырасны.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Еремей 7:9

Ті гусясянныд, виаланныд, пежаланныд гозъякост олӧм, кыв сетіганыд пӧръясянныд, сотанныд висьяс Ваал идоллы, юрбитанныд мукӧд енъяслы, кодъясӧс ті онӧ тӧдӧй.

Езекиль 21:15

Мед тіраласны-поласны сьӧлӧмъяс, мед унджыкӧн крукасясны. Карса дзиръяяс дорӧ Ме сувтӧда повзьӧдана шыпурт. Сійӧс весалӧма, медым чардби моз югъялас, лэчтӧма, медым начкас-кералас.

Езекиль 36:15

Ме ог нин лэдз мукӧд войтыръяслы янӧдны тэнӧ, и тэ он кут кывны налысь увтыртӧмсӧ. Водзӧ тэ он вай кулӧм аслад войтырыдлы, – висьталӧ Господь Ыджыдыс».

Осий 11:2

Сійӧс чукӧстісны, и сійӧ муніс Ме дінысь, пондіс вись вайны Ваал идолъяслы, сотны висьяс бӧлбанъяслы.

Осий 2:13

Ме мыжда сійӧс лунъясысь, кор сійӧ вись сотліс Ваал идолъяслы, мичмӧдліс асьсӧ исергаясӧн да сикӧтшъясӧн, ветліс аслас мусукъяс бӧрся, а Менӧ вунӧдіс, – висьталӧ Господь.

Осий 2:6

Та вӧсна Ме тупка сылысь туйсӧ лежнӧгӧн, кытшала сійӧс джуджыд потшӧсӧн, медым сійӧ эз аддзы ассьыс ордымъяссӧ.

Малакий 2:8

– Но ті кежинныд тіянлы индӧм туй вылысь, тіян велӧдӧм вӧсна унаӧн крукасисны. Ті торкинныд Менсьым йитӧдӧс, мый Ме кӧрталі Левийкӧд, – висьталӧ Господь Саваоф. –

Матвей 15:6

тайӧн оз торк найӧс пыдди пуктӧмсӧ. Батьяслӧн шуӧм вӧсна ті вештанныд Енлысь тшӧктӧмсӧ.

Римӧ 14:21

Бурджык, он кӧ сёй яй, он ю вина, он вӧч нинӧм сэтшӧмсӧ, мыйӧ вокыд крукасьӧ да усьӧ.

Индӧд 32:21

Ылӧг енъяслы юрбитӧмнас найӧ кыпӧдісны Ме пытшкын вежӧгтӧм, идолъяснас дӧзмӧдісны Менӧ. Та вӧсна Ме кыпӧда на пытшкын вежӧгтӧм войтыр пыр, кодӧс оз позь шуны войтырӧн, дӧзмӧда найӧс вежӧртӧм войтыр пыр.