Ёрдысьяс 6:39 - Коми Библия 2023

³⁹ Гедеон шуис Енлы: «Эн дӧзмы ме вылӧ, ме кӧ нӧшта ӧтчыдысь шыася Тэ дінӧ. Петкӧдлы меным вурун пыр Ассьыд кӧсйӧмтӧ. Вуруныс мед лоас кос, а лысваыс мед кӧтӧдас сы гӧгӧр мусӧ».

Ёрдысьяс 6:39 ပူးပေါင်းရင်းမြစ်များ

Олӧм 18:30

Ӧвраам шуис: «Эн дӧзмы, Господьӧй, мый ме бара на кӧсъя юавны. А сюрас кӧ сэні комын морт?» Господь шуис: «Ог бырӧд, сюрас кӧ сэні комыныс».

Олӧм 18:32

Ӧвраам шуис: «Эн дӧзмы, Господьӧй, мый ме нӧшта ӧтчыдысь юала. Гашкӧ, сюрас сэні сӧмын дас морт?» Господь шуис: «Ог бырӧд, сюрас кӧ дасыс».

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Матвей 21:43

Та вӧсна шуа тіянлы: Енсянь Юралӧмсӧ мырддясны тіянлысь да сетасны войтырлы, коді вайӧ Ен Юралӧмлысь вотӧссӧ.

Матвей 8:12

А кодлы водзысяньыс вӧлі дасьтӧма Енлысь Юраланінсӧ, найӧс шыбитасны пемыдас. Сэні лоӧ бӧрдӧм да пинь йирӧм».

Ап. уджъяс 13:46

Сэки Павел да Варнава повтӧг шуисны: «Медводз тіянлы шуӧма кывны Енлысь кывсӧ. Но ті кӧ онӧ сибӧдӧй Сылысь кывсӧ да лыддянныд асьнытӧ шогмытӧмӧн, мед пырны помтӧм олӧмӧ, ми мунам ентӧдтӧмъяс дінӧ.

Ап. уджъяс 22:21

Господь шуис меным: ”Мун, Ме мӧдӧда тэнӧ ылӧ ентӧдтӧмъяс дінӧ”».

Ап. уджъяс 28:28

Тӧдӧй, мый Ен мӧдӧдӧма мездмӧмсӧ ентӧдтӧмъяслы, найӧ и кыласны».

Ёрдысьяс 6:38

Сідзи и лоис. Асывнас Гедеон чеччис водз, босьтіс вурунсӧ да пыдзыртіс сэтысь лысвасӧ тасьті тыр.

Ёрдысьяс 6:40

Войнас Енмыс сідзи и вӧчис. Вуруныс вӧлі кос, а сы гӧгӧр му вылас куйліс лысва.