Ёрдысьяс 6:32 - Коми Библия 2023

³² Сійӧ лунӧ Гедеонлы сетісны Ероваал ним, ӧд батьыс сы йылысь шуис: «Ваал мед ачыс асьсӧ дорйӧ, ӧд Гедеон жугӧдӧма сылысь висьпуктанінсӧ».

Ёрдысьяс 6:32 ပူးပေါင်းရင်းမြစ်များ

Ӧксыяслӧн 2 небӧг 11:21

Вунӧдінныд ӧмӧй, коді виис Тевецын Еровааллысь Авимелек писӧ? Стен вывсянь ань шыбитіс сы вылӧ изки, и мӧдыс куліс. Мыйла ті матыстчинныд стен дорӧдзыс?” Сэки тэ шу ӧксылы: ”Хеттей Урийӧс, тэнсьыд кесйӧгтӧ, тшӧтш виисны”».

Еремей 11:13

Мыйта Иуда муын карыс, сы мында Иуда войтырлӧн и енмыс. Мыйта Ерусалимын уличыс, сы мында жӧ висьпуктанін сувтӧдісны олысьясыс, медым сотны висьяс зывӧк Вааллы.

Осий 9:10

Ме аддзи Израильӧс овтӧминысь – сійӧ вӧлі виноград вотӧс кодь. Ме аддзи Израильлысь батьяссӧ – найӧ вӧліны инжир пулӧн медводдза вотӧс кодьӧсь. Но найӧ мунісны Ваал-Пеорӧ, сетчисны яндысьтӧм олӧмас, лоины пежӧсь, радейтана идолъясныс кодьӧсь.

Ёрдысьяс 6:31

Но Йоас шуис налы: «Ті кӧсъянныд дорйыны Ваалӧс? Кӧсъянныд сылы отсавны? Коді кутас дорйыны Ваалӧс, сійӧс асылӧдзыс мед виасны. Ваал кӧ ен, мед ачыс асьсӧ дорйӧ, ӧд Гедеон жугӧдӧма сылысь висьпуктанінсӧ».

Ёрдысьяс 7:1

Водз асывнас Гедеон, мӧд ногӧн кӧ, Ероваал, да став сылӧн тышкайӧзыс ӧтвылысь сувтісны Харод ва петанін бокӧ. Мадиансаяс сулалісны войвывладорас, ковтысын, Морэ нима керӧс дорын.

Ёрдысьяс 8:35

Гедеонлӧн, мӧд ногӧн кӧ, Еровааллӧн, котырлы найӧ эз мынтысьны бурӧн Гедеонлӧн Израильлы бур вӧчӧмысь.

Ӧксыяслӧн 1 небӧг 12:11

Сэки Господь мӧдӧдіс Ероваалӧс, Варакӧс, Еффайӧс, Самуилӧс да мездіс тіянӧс став вӧрӧгысь, и ті олінныд повтӧг.